follow us:
దేశవ్యాప్తంగా సినీ ప్రేక్షకులు ఎంతో ఆసక్తిగా ఎదురు చూస్తున్న సినిమాల్లో కేజీఎఫ్ సీక్వెల్(KGF 2) ఒకటి. దీని మొదటి భాగం కేజీఎఫ్ 2018లో విడుదలై అద్భుత విజయాన్ని నమోదు చేసింది. ఎలాంటి అంచనాలు లేకుండా పాన్ ఇండియా స్థాయిలో(ఐదు భాషల్లో) రిలీజైన కేజీఎఫ్ మూవీ ప్రేక్షకుల నుండి మంచి ఆదరణ పొందింది. కన్నడ ఇండస్ట్రీకి పాన్ ఇండియా గుర్తింపు తీసుకొచ్చిన చిత్రంగా కేజీఎఫ్ నిలిచింది.
ఈ ఒక్క సినిమాతో హీరో యశ్ తో పాటు మేకర్స్ కూడా సూపర్ స్టార్డమ్ సొంతం చేసుకున్నారు. అయితే.. గతేడాది హీరో యశ్ బర్త్ డే సందర్భంగా మేకర్స్ కేజీఎఫ్-2 టీజర్ తో పాటు రిలీజ్ డేట్ కూడా ప్రకటించారు. టీజర్ చూసేసరికి కేజీఎఫ్ సీక్వెల్ పై అంచనాలు మరోస్థాయికి చేరుకున్నాయి. ఈ సీక్వెల్ షూట్ కూడా ఏడాది క్రితమే పూర్తిచేశాడు దర్శకుడు ప్రశాంత్ నీల్. తాజాగా పాన్ ఇండియా సినిమాలన్నీ కరోనా ఎఫెక్ట్ కారణంగా వాయిదా పడుతున్నాయి.
Caution ⚠️ Danger ahead !
Happy Birthday my ROCKY @Thenameisyash.Can’t wait for this monster to conquer the world on April 14th, 2022.#KGFChapter2 #KGF2onApr14 #HBDRockingStarYash pic.twitter.com/uIwBZW8j3F
— Prashanth Neel (@prashanth_neel) January 8, 2022
ఇప్పటికే RRR, రాధేశ్యామ్ లాంటి బిగ్ మూవీస్ తమ విడుదల తేదీలను వాయిదా వేసుకున్నాయి. ఇప్పుడు యశ్ బర్త్ డే వచ్చేసరికి మళ్లీ కేజీఎఫ్ 2 రిలీజ్ డేట్ పై అనుమానాలు మొదలయ్యాయి. అయితే గతేడాది ప్రకటించిన తేదీనే ఖరారు చేస్తూ తాజాగా కొత్త పోస్టర్ రిలీజ్ చేశారు మేకర్స్. 2022 ఏప్రిల్ 14న సినిమాని థియేట్రికల్ రిలీజ్ చేయనున్నట్లు క్లారిటీ వచ్చేసరికి ఫ్యాన్స్ ఖుషి అవుతున్నారు. తాజా పోస్టర్ చూస్తే.. కేజీఎఫ్ ఫస్ట్ పార్ట్ లాగే ఈ సీక్వెల్లో ప్రేక్షకులకు మాస్ ఫీస్ట్ అదిరిపోనుందని అంటున్నారు నెటిజన్లు. ఈ సినిమాని విజయ్ కిరగందుర్ భారీ బడ్జెట్ తో నిర్మిస్తుండగా.. శ్రీనిధి శెట్టి హీరోయిన్ గా నటిస్తోంది. మరి KGF 2 పై మీ అభిప్రాయాలను కామెంట్ చేయండి.
