ఇండస్ట్రీలో విషాదం.. బాత్‌టబ్‌లో శవమై కనిపించిన యువ సింగర్‌!

ఇండస్ట్రీలో వరుస విషాదాలు చోటు చేసుకుంటున్నాయి. రోజుల వ్యవధిలోనే ఇండస్ట్రీకి చెందిన పలువురు మృత్యువాత పడుతున్నారు. కొందరు అనారోగ్య సమస్యలతో మృతి చెందితే.. మరి కొందరు బలవంతంగా తనువు చాలిస్తున్నారు. కొన్ని రోజుల క్రితం యువ నటీనటులు కొందరు ఆత్మహత్య చేసుకోవడం.. అనుమానాస్పద స్థితిలో మృతి చెందిన సంఘటనలు వెలుగు చూసిన సంగతిత తెలిసిందే. ఈ నేపథ్యంలో తాజాగా మరో యువ గాయకుడు అనుమానాస్పద స్థితిలో మృతి చెందడం కలకలం రేపుతోంది. సదరు సింగర్‌ బాత్‌టబ్‌లో శవమై కనిపించాడు. ఆ వివరాలు..

అమెరికన్‌ సింగర్‌ ఆరోన్‌ కార్టర్‌ శనివారం సాయంత్రం తన నివాసంలో బాత్‌ టబ్‌లో శవమై కనిపించాడు. 34 ఏళ్ల కార్టర్‌ మృతదేహం.. కాలిఫోర్నియాలోని అతని ఇంట్లోని బాత్‌టబ్‌లో కనిపించింది. శనివారంఉ దయం 10.30 గంటల ప్రాంతంలో కార్టర్‌ మృతదేహాన్ని గుర్తించినట్లు పోలీసులు తెలిపారు. ఐ వాంట్‌ కాండీ వంటి హిట్‌ ఆల్బమ్స్‌తో టీనేజ్‌ సెన్సేషన్‌గా పేరు తెచ్చుకున్నాడు. ఆర్టర్‌.. సింగర్‌ మాత్రమే కాక నటుడు కూడా. పోలీసులు కేసు నమోదు చేసి దర్యాప్తు చేస్తున్నారు. మృతికి గల కారణాలు ఇంకా తెలియరాలేదు.

1987, డిసెంబర్‌ 7న టంపా, ఫ్లోరిడాలో జన్మించిన ఆర్టర్‌ తొమ్మిదేళ్ల వయసులోనే అనగా 1997లోనే తొలి ఆల్బమ్‌ని విడుదల చేశాడు. కొన్నాళ్ల పాటు సంగీత ప్రపంచంలో రాణించిన ఆర్టర్‌.. ఆ తర్వాత రియాలిటీ షోలలో కనిపించాడు.

We are shocked and saddened about the sudden passing of Aaron Carter. Sending prayers to the Carter family. Rest in peace, Aaron ❤️ pic.twitter.com/rDUcE4i8Iy

— New Kids on the Block (@NKOTB) November 5, 2022