Shaakuntalam: సమంత శాకుంతలం సినిమాకు ఊహించని షాక్‌.. షోలు రద్దు!

గుణశేఖర్‌ దర్శకత్వంలో.. సమంత ప్రాధాన పాత్రలో తెరకెక్కిన దృశ్యకావ్యం.. శాకుంతలం. దేవ్‌ మోహన్‌ హీరోగా తెరకెక్కిన ఈ చిత్రంలో మధుబాల, మోహన్‌బాబు, అనన్యనాగళ్ల వంటి వారు ప్రధాన పాత్రలో నటించిన ఈ చిత్రం.. శుక్రవారం విడుదల అయ్యింది. పాన్ ఇండియా రేంజ్‌లో ఈ చిత్రం రిలీజ్ చేశారు. అయితే శాకుంతలం చిత్రానికి మొదటి రోజే.. ఊహించని షాక్‌ తగిలింది. తొలిరోజే.. శాకుంతలం షోలు రద్దయ్యాయి. ఎందుకు అంటే..

ఏప్రిల్‌ 14… భారత రాజ్యాంగ నిర్మాత.. డాక్టర్‌ బీఆర్‌ అబేద్కర్‌ జయంతి. ఈ క్రమంలో తెలంగాణ ప్రభుత్వం హైదరాబాద్‌లో హుస్సేన్ సాగర్ తీరాన దేశంలోనే అతిపెద్దదైన డాక్టర్ బీఆర్ అంబేద్కర్ భారీ విగ్రహాన్ని ఏర్పాటు చేసిన సంగతి తెలిసిందే. అంబేద్కర్‌ జయంతి రోజునే ఈ విగ్రహాన్ని ఆవిష్కరించేందుకు ప్రభుత్వం సర్వం సిద్ధం చేసింది. అంబేద్కర్‌ ముని మనవడితో కలిసి సీఎం కేసీఆర్‌ శుక్రవారం రోజున విగ్రహావిష్కరణ చేయనున్నారు. అయితే.. హుస్సేన్ సాగర్ తీరంలో ఎన్టీఆర్ గార్డెన్‌కు ఆనుకుని ఉన్న స్థలంలో ఈ భారీ విగ్రహాన్ని ఏర్పాటు చేసిన సంగతి తెలిసిందే. అయితే ఈ కార్యక్రమం ఎఫెక్ట్.. ఈరోజు రిలీజ్ అయిన సమంత ‘శాకుంతలం’పై పడింది.

అంబేద్కర్ విగ్రహ ఆవిష్కరణ కార్యక్రమం జరుగుతున్న ప్రదేశానికి పక్కనే ఐమాక్స్‌ మల్టీప్లెక్స్‌ ఉన్న సంగతి తెలిసిందే. సాధారణంగా ఏదైనా కొత్త సినిమా విడుదల రోజున ఐమాక్స్‌కు రద్దీ ఎక్కువగా ఉంటుంది. శుక్రవారం రోజున జరగనున్న అంబేద్కర్‌ విగ్రహావిష్కరణ కార్యక్రమం ఉండటం వల్ల పోలీసులు నగరంలోని పలు ప్రాంతాల్లో ట్రాఫిక్ ఆంక్షలు విధించారు. దాంతో ఐమాక్స్‌ థియేటర్‌పై భారీ దెబ్బ పడింది. విగ్రహ ఆవిష్కరణే కాకుండా.. ఆ తర్వాత భారీ బహిరంగ సభ కూడా ఉండటంతో రాత్రి 8 గంటల వరకు పోలీసులు ఆ ప్రాంతాల్లో ట్రాఫిక్‌ను అనుమతించట్లేదు. దీంతో థియేటర్‌కు వచ్చే అన్ని దారులు మూసివేయడంతో యాజమాన్య.. పలు షోలు రద్దు చేసుకోవాల్సిన పరిస్థితి వచ్చింది.

ఈ నేపథ్యంలో వేకువజామున 5 గంటలకు వేసే బెనిఫిట్ షోతో పాటు సాయంత్రం 6 గంటల వరకు వేసే అన్ని షోలను ఐమాక్స్‌ థియేటర్ యాజమాన్యం రద్దు చేసింది. శుక్రవారం రాత్రి పది గంటల నుంచి యథావిధిగా షోలు నడిపించనున్నారు. అయితే… ఈ సినిమా కోసం ముందుగానే టికెట్లు బుక్ చేసుకున్న వారికి డబ్బులు తిరిగి ఇచ్చేస్తామని ఐమాక్స్‌ థియేటర్ యాజమాన్యం హామీ ఇచ్చింది. ఇక అంబేద్కర్ విగ్రహావిష్కరణ కారణంగా.. నెక్లెస్ రోడ్డు, ఖైరతాబాద్, లక్డీకపూల్, తెలుగుతల్లి జంక్షన్ రహదారుల్లో పోలీసులు ట్రాఫిక్ అంక్షలు విధించారు. మరి దేశంలోనే ఎత్తైన అంబేద్కర్‌ విహ్రహం ఏర్పాటు చేయడంపై మీ అభిప్రాయాలను కామెంట్స్‌ రూపంలో తెలియజేయండి.

An important update to our beloved fans & moviegoers in Hyderabad :

Due to Dr. Ambedkar Statue Inauguration Tomorrow, all the shows at Prasads Imax have been Cancelled. Book your tickets accordingly in other screens!#Shaakuntalam in cinemas from Tomorrow!
🎟️… pic.twitter.com/TTjdOSloDT

— Gunaa Teamworks (@GunaaTeamworks) April 13, 2023