follow us:
హనీ రోజ్ ఫాలోయింగ్ గురించి ప్రత్యేకించి చెప్పాల్సిన పని లేదు. ఆమె బయటకు వచ్చిందంటే చాలు కుర్రాళ్లు తేనె తుట్ట మీద తేనెటీగల్లా మూగిపోతారు. ఇక ఏ షాపింగ్ మాల్ ఓపెనింగ్ కో వెళ్తే.. కుర్రాళ్ళు పిచ్చెక్కిపోతారు. అంత క్రేజ్ హనీది. అయితే ఒక షాపింగ్ మాల్ ఓపెనింగ్ కి వెళ్తే హనీ రోజ్ భారీగానే ఛార్జ్ చేస్తుందని సమాచారం.
సినిమా పరిశ్రమలో స్టార్ డం సంపాందించుకోవాలంటే టాలెంట్ తో పాటు టైం కూడా కలిసి రావాలి. హీరోల దగ్గరనుంచి హీరోయిన్స్ అండ్ ఎనీ క్యారెక్టర్స్ వరకు ఈ సూత్రం వర్తిస్తుంది. అలాగే ఒక్కోసారి ఎన్ని సినిమాలు చేసినా రాని గుర్తింపు కేవలం ఒక్క సినిమాతోనే వస్తుంది. ఆ సినిమా, వాళ్ళని ఓవర్ నైట్ స్టార్ ని కూడా చేస్తుంది. అలా ఓవర్ నైట్ స్టార్ అయిన నటి హనీ రోజ్. ఇప్పుడు హనీ రోజ్ గురించి ఒక సంచలన వార్త బయటకు వచ్చింది. కేరళకు చెందిన హనీ రోజ్ 2005వ సంవత్సరం నుంచే మలయాళ, తెలుగు, తమిళ భాషలకు సంబంధించిన సినిమాల్లో హీరోయిన్ గా నటించింది. కానీ హనీ రోజ్ కి ఏ సినిమాల ద్వారా రాని గుర్తింపు నందమూరి బాలకృష్ణ హీరోగా మొన్న సంక్రాంతికి వచ్చి ఘన విజయం సాధించిన వీర సింహారెడ్డి సినిమా ద్వారా వచ్చింది.
గుర్తింపు రావటమే కాదు ఆ సినిమా హనీ రోజ్ కి పెద్ద సంఖ్యలో అభిమానుల్ని కూడా సంపాదించి పెట్టింది. ప్రస్తుతం తెలుగు సినిమా ఇండస్ట్రీలో హనీ రోజ్ ఒక సంచలనం. వీర సింహారెడ్డి మూవీలో హాని రోజ్ ప్రదర్శించిన పెర్ఫార్మెన్స్ కి ఫిదా అవ్వని ప్రేక్షకుడు లేడు. ఆ మూవీలో బాలకృష్ణకి లవర్ గా, తల్లిగా రెండు షేడ్స్ ఉన్న క్యారెక్టర్స్ లో సూపర్ గా నటించింది. ముఖ్యంగా యంగ్ వయసు క్యారెక్టర్ లోని హనీ అందం కుర్రకారు ని గిలిగింతలు పెట్టింది.
ప్రస్తుతం హనీ రోజ్ కుర్రకారు కలల యువరాణి. ఇక అసలు విషయానికొస్తే.. హానీ రోజ్ తాజాగా తీసుకుంటున్న పారితోషికం గురించి ఒక వార్త సినిమా ఇండస్ట్రీతో పాటు ప్రేక్షకుల్ని సైతం విస్మయానికి గురి చేస్తుంది. హనీ రోజ్ ఒక షాపింగ్ మాల్ ఓపెనింగ్ కి వెళ్తే అక్షరాలా రూ. 60 లక్షలు తీసుకుంటుందని వార్తలు వస్తున్నాయి. నిర్వాహకులు కూడా హనీ రోజ్ కి ఉన్న క్రేజ్ దృష్ట్యా అంత మొత్తం ఇవ్వడానికి వెనుకాడటం లేదని టాక్. ఈ న్యూస్ విన్న చాలా మంది దీపం ఉండగానే ఇల్లు చక్కదిద్దుకోవాలి అనే సామెతని హనీ రోజ్ తూచా తప్పకుండా పాటిస్తుందని అంటున్నారు.
