వీడియో: రామ్ చరణ్ ని చూసి కంటతడి పెట్టుకున్న చిన్నారి అభిమాని!

ఎలాంటి అనుబంధం లేకుండా స్వచ్చమైన ప్రేమను చూపే వాళ్లు ఈ ప్రపంచంలో ఎవరైనా ఉన్నారంటే వాళ్లు కచ్చితంగా అభిమానులు. తమకిష్టమైన హీరో కోసం ప్రాణాలు ఇవ్వటానికి కూడా సిద్ధపడుతూ ఉంటారు. తమ హీరోను పల్లెత్తు మాటన్నా తట్టుకోలేరు. తమ హీరోను కలవటానికి.. వారితో ఫొటోలు దిగటానికి ఎంతో ఆసక్తి చూపుతూ ఉంటారు. ఇందుకోసం ఎంతో శ్రమకు ఓడుస్తుంటారు. ఎన్ని జరిగినా.. తమ హీరోను కలిశాము.. ఫొటో దిగాము అన్న భావన వారిని ఎంతో సంతోష పెడుతుంది. అదే వాళ్లకు కోటి రూపాయలతో సమానం. ఆ సంతోషంలో కన్నీళ్లు కూడా వచ్చేస్తుంటాయి. ఇందుకు తాజా ఉదాహరణే.. మెగా పవర్‌ స్టార్‌ రామ్‌ చరణ్‌ ఫ్యాన్‌కు సంబంధించిన ఈ ఘటన.

ఓ బాలుడికి రామ్‌ చరణ్‌ అంటే ఎంతో ఇష్టం. ఎప్పటికైనా తమ హీరోను కలవాలని, ఫొటో దిగాలని అనుకుంటూ ఉన్నాడు. తాను ఎంతగానో కలలు కంటున్న రోజు రానే వచ్చింది. రామ్‌చరణ్‌ ఓ చోట ఉన్నాడని తెలుసుకుని అక్కడకు వెళ్లాడు. ఆయనకు భద్రతగా ఉన్న వాళ్లను దాటుకుంటూ దగ్గరి వరకు వెళ్లాడు. అయితే, రామ్‌ చరణ్‌ దగ్గరకు వెళ్లిన తర్వాత ట్విస్ట్‌ ఎదురైంది. వ్యక్తిగత సిబ్బంది ఆ బాలుడ్ని అడ్డుకున్నారు. ఆయన దగ్గరకు వెళ్లనివ్వలేదు. దీంతో ఆ బాలుడు విలవిల్లాడాడు. ఇది గమనించిన రామ్‌ చరణ్‌ బాలుడ్ని దగ్గరకు రమ్మన్నాడు.

ఫొటో దిగమని  అన్నాడు. ఫొటో దిగుతున్న సమయంలో బాలుడు ఎమోషనల్‌ అయ్యాడు. కంటతడి కూడా పెట్టుకున్నాడు. రామ్‌ చరణ్‌ ఏడవకూడదని ఆ బాలుడికి చెప్పాడు. దీంతో అతడు తన కళ్లను తుడుచుకున్నాడు. ఆ బాలుడు చరణ్‌తో ఫొటో దిగి అక్కడినుంచి వెళ్లిపోయాడు. ప్రస్తుతం ఇందుకు సంబంధించిన వీడియో సోషల్‌ మీడియాలో వైరల్‌గా మారింది. ఈ వీడియోపై స్పందిస్తున్న నెటిజన్లు , ఫ్యాన్స్‌.. రామ్‌చరణ్‌ మంచి మనసుకు మురిసిపోతున్నారు. ఆయన్ని పొగడ్తలతో ముంచెత్తుతున్నారు. మరి, ఈ వీడియోపై మీ అభిప్రాయాలను కామెంట్ల రూపంలో తెలియజేయండి.

Man with Golden Heart❤️

A little fan Boy of @AlwaysRamCharan garu came to Hyderabad after hearing the news about the fans meet. He felt emotional after seeing him, charan garu enquired about his details & made arrangements to send him back safe.#ManOfMassesRamCharan #RamCharan pic.twitter.com/1EsiNpPa8g

— SivaCherry (@sivacherry9) February 13, 2023