follow us:
రజినీకాంత్.. కండక్టర్ స్థాయి నుంచి చిత్రపరిశ్రమ గర్వించదగ్గ నటుడిగా ఎదిగిన ఆయన ప్రస్థానం ఎంతో మందికి ఆదర్శంగా నిలుస్తుంది. దక్షిణాదిలోనే కాకుండా ఆయన క్రేజ్ ఇండియా మొత్తం పాకిపోయింది. ఇక ఆయన చిత్రం వస్తుందంటే చాలు అభిమానులు థియేటర్ ముందు రచ్చ రచ్చ చేయాల్సిందే. అలా ఎంతో ప్రాముఖ్యత కలిగి ఉన్న ఈ హీరోకి హీరోలే అభిమానులుగా మారిపోతారనడంలో ఎలాంటి సందేహం లేదు. ఇక విషయం ఏంటంటే? రజినీకాంత్ హీరోగా 2005లో వచ్చిన చంద్రముఖి సినిమా ఎంతటి విజయాన్ని సాధించిందో మన అందరికీ తెలిసిందే. అప్పట్లో ఈ సినిమా సెన్సేషన్ గా నిలిచింది.
ఇది కూడా చదవండి: Alia Bhatt: స్టార్ హీరోకి మిడిల్ ఫింగర్ చూపించిన అలియా భట్.. వీడియో వైరల్!
అయితే ఈ సినిమాకు సీక్వెల్ గా చంద్రముఖి2 తెరకెక్కబోతున్న విషయం తెలిసిందే. చంద్రముఖి మూవీకి దర్శకత్వం వహించిన పి.వాసు చంద్రముఖి2కి కూడా ఆయనే దర్శకుడిగా ఉండడం విశేషం. లైకా ప్రొడక్షన్ బ్యానర్ పై సుభాస్కరన్ ఈ మూవీని తెరకెక్కిస్తున్నారు. కానీ ఈ సారి హీరోగా మాత్రం రజినీకాంత్ కాకుండా రాఘవ లారెన్స్ నటిస్తున్నారు. ఈ చిత్ర షూటింగ్ ప్రారంభించే ముందుగా హీరో లారెన్స్ సూపర్ స్టార్ రజినీకాంత్ ఆశీస్సులు తీసుకునేందుకు ఆయనను కలిశారు. లారెన్స్ మైసూరులోని రజినీ కాంత్ ను కలిసి ఏకంగా అతని పాదాలకు నమస్కారం పెట్టి అశీర్వాదం తీసుకున్నారు. దీనికి సంబంధించిన ఫోటోను లారెన్స్ తాజాగా ట్విట్టర్ లో పంచుకున్నారు. ఈ ఫోటోపై మీ అభిప్రాయలను కామెంట్ రూపంలో తెలియజేయండి.
Hi friends and fans, Today Chandramukhi 2 shooting begins in Mysore with my Thalaivar and guru’s @rajinikanth blessings! I need all your wishes! 🙏🏼🙏🏼 #Chandramukhi2 pic.twitter.com/dSrD3B5Xwh
— Raghava Lawrence (@offl_Lawrence) July 15, 2022
