చేయి వేస్తే జూనియర్ ఆర్టిస్ట్.. సినిమాటోగ్రాఫర్ అయ్యాడు.. అదీ సూపర్ స్టార్ పవర్

సినిమాల్లో నటించాలనేది ఎంతోమంది కల. ఇప్పుడంటే సోషల్ మీడియా ప్రభావం పెరిగిపోయి అవకాశాల కోసం స్టూడియోల చుట్టూ తిరగడం లేదు గానీ ఒకప్పుడు ఇవేమీ లేని కాలంలో అవకాశాల కోసం క్యూలు కట్టేవారు. గంటల సేపు స్టూడియో గేట్ల దగ్గర నిలబడేవారు. అలా నిలబడి సినిమాలో చిన్న వేషం సంపాదించుకునేవారు. అయితే కొన్ని సార్లు చిన్న వేశాలు వేసిన వారి సీన్లు సినిమాల్లో ఉండవు. దీని వల్ల వాళ్ళు పలానా సినిమాలో నటించాను అని చెప్పుకోవడానికి ఉన్న ఒక్క ఆధారం ఉండదు. సినిమాల్లో అవకాశం వచ్చిందని అప్పటికే ఇంట్లో, ఊరిలో చెప్పేసుకుంటారు. తీరా చెప్పిన తర్వాత ఆ సినిమాలో తాను లేను అని తెలిసి చాలా బాధపడతాడు ఆ వ్యక్తి. రజినీకాంత్ కూడా సరిగ్గా ఇదే ఆలోచించాడు.

సూపర్ స్టార్ అయి ఉండి పట్టించుకోకపోయినా ఎవరూ అడగరు. కానీ ఒక చిన్న ఆర్టిస్ట్ పరువు కాపాడేందుకు ఆలోచించారు. అసలేం జరిగిందంటే? రజినీకాంత్ సినిమా షూటింగ్ జరుగుతుంది. ఒక సీన్ ని చిత్రీకరిస్తున్నారు. ఆ సీన్ లో ఒక ఆర్టిస్ట్ సరిగా నటించడం లేదు. దీంతో దర్శకుడు అతన్ని తీసేయాలని అనుకున్నారు. ఇదే విషయాన్ని రజినీకాంత్ తో చెప్పారు. అప్పుడు రజినీకాంత్ అన్న మాటలు తెలిస్తే నిజంగా ఆయన ఇంత గొప్ప మనిషా అని అంటారు. అప్పుడు రజినీకాంత్ ఇదే అన్నారు.

‘అతను మన సినిమాలో చేస్తున్నానని ఇంట్లో చెప్పి వచ్చి ఉంటాడు. ఇప్పుడు ఈ సినిమాలో లేడు అని తెలిస్తే బాధపడతాడు. ఇంట్లో వాళ్లకి ఏమని సమాధానం చెప్తాడు. అతన్ని తీయద్దు. తర్వాత సీన్ లో అతని మీద చేయి వేసి ఉంటాను.. ఆ ఒక్క సీన్ తీయండి అంటూ రజినీకాంత్ దర్శకుడితో అన్నారు. ఆ వ్యక్తి మరెవరో కాదు.. సినిమాటోగ్రాఫర్ విజయ్ కార్తీక్ కన్నన్. అప్పుడు రజినీకాంత్ చేయి వేస్తే ఇప్పుడు క్రేజీ సినిమాటోగ్రాఫర్ గా ఎదిగారు. వరుణ్ డాక్టర్, ఆడై, రావణాసుర, జైలర్ వంటి సినిమాలకు సినిమాటోగ్రాఫర్ గా పని చేశారు. అది సూపర్ స్టార్ అంటే. నటన రాదనిపించుకున్న ఆర్టిస్ట్ సూపర్ స్టార్ చేయి వేసేసరికి సినిమాటోగ్రాఫర్ రేంజ్ కి ఎదిగిపోయారు. దటీజ్ పవర్ ఆఫ్ రజినీకాంత్.

Thalaivar nirandharam. Nandri Nandri 😊 #Thalaivar @rajinikanth this still feels like a dream to me. Thank you so so much @Nelsondilpkumar for #jailer #fanboy #superstar pic.twitter.com/CIwWvfvt5A

— Vijay Kartik Kannan (@KVijayKartik) August 12, 2023