follow us:
దసరా పండుగ సందర్భంగా పెద్ద ఎత్తున వాహన కొనుగొళ్లు చేస్తారని మనకు తెలుసు. అందులో భాగంగానే ఈ సారి తెలుగు సినీ పరిశ్రమకు చెందిన పలువురు భారీగా కార్లను కోనుగోలు చేశారు. ఈ క్రమంలోనే హీరోయిన్ కీర్తి సురేష్, నటులు వైవా హర్ష, బిత్తిరి సత్తి, యూట్యూబ్ సంచలనం షణ్ముఖ్ జస్వంత్, యాంకర్ సావిత్రి, జబర్దస్త్ నటి పవిత్ర వంటి వారు తమ కొత్త కార్లతో దసరాను మరింత ఆనందంగా జరుపుకున్నారు. వారి జాబితాలోకి మరో వ్యక్తి కూడా చేరాడండోయ్.. అతడే రచ్చ రవి. జబర్దస్త్ కమెడీయన్ రచ్చ రవి దసరా పండక్కు కొత్త కారు కొన్నాడు. మరిన్ని వివరాల్లోకి వెళితే..
రచ్చ రవి.. బుల్లితెర కామెడీ షో అయిన జబర్దస్త్ ద్వారా పరిశ్రమలోకి అడుగు పెట్టాడు. ఇక తనదైన నటనతో రెండు తెలుగు రాష్ట్రాల్లో తన కంటూ ఓ క్రేజ్ ను సంపాదించుకున్నాడు. చమ్మక్ చంద్ర టీమ్ లో ఓ స్కిట్ లో “తీసుకోలేదా 2 లక్షల కట్నం” అనే డైలాగ్ తో పిచ్చ పాపులారిటీ సంపాదించాడు. జబర్దస్త్ క్రేజ్ తో పాటు తన నటనకు వెండితెర నుంచి కూడా అవకాశాలు భారీగా రావడంతో.. జబర్దస్త్ షోను మానేశాడు. దాంతో వరుస సినిమాలతో బిజీగా మారిపోయాడు. వరుణ్ తేజ్ నటించిన గద్దల కొండ గణేశ్ సినిమాలో నెగటీవ్ షేడ్ ఉన్న పాత్రలో చేసి.. ప్రేక్షకులను మెప్పించాడు. ఈ నేపథ్యంలోనే రచ్చ రవి దసరా పండుగ సందర్భంగా నెక్సా గ్రాండ్ వింటారా కారును కొనుగోలు చేశాడు.
ఈ విషయాన్ని తన ఇన్ స్టాగ్రామ్ వేదికగా తెలియజేశాడు. ఇన్ని సంవత్సరాలు నాకు మద్దతుగా నిలుస్తున్న మీ అందరికి నా ధన్యవాదాలు అని రాసుకొచ్చాడు. ఇక ఈ కారు విలువ దాని ఫీచర్లను బట్టి దాదాపు రూ. 20 లక్షల వరకు ఉంటుందని తెలుస్తోంది. తమ అభిమాన కమెడీయన్ కారు కొన్నందుకు అభిమానులు అతడికి సోషల్ మీడియా వేదికగా శుభాకాంక్షలు తెలియజేస్తున్నారు. ఇక మిగతా సెలబ్రిటీస్ లలో శివజ్యోతి అలియాస్ సావిత్రి BMW కారు కొనగా.. వైవా హర్ష ఆడి కారు కొన్నాడు. షణ్ముక్ కూడా BMW..బిత్తిరి సత్తి రేంజ్ రోవర్ తీసుకున్న సంగతి మనకు తెలిసిందే.
View this post on Instagram
