చరణ్‌తో సినిమా చేస్తా.. ఆ మూవీలో నేనొక కమెడియన్‌ని అంతే: ప్రభాస్

నాగ్ అశ్విన్, ప్రభాస్ కాంబినేషన్‌‌లో తెరకెక్కుతున్న సినిమా ‘కల్కి 2898 AD’. ఈ ప్రాజెక్ట్ ని అనౌన్స్ చేసినప్పటి నుంచి ఈ సినిమాపై భారీ అంచనాలు నెలకొన్నాయి. ఈ చిత్రం నుంచి ప్రభాస్ ఫస్ట్ లుక్ రివీల్ కాగా దాని మీద పలు విమర్శలు వచ్చాయి. కొందరైతే చాలా దారుణంగా ట్రోల్స్ చేశారు. దానికి సమాధానమిస్తూ.. కల్కి 2898 AD ఫస్ట్ గ్లింప్స్‌ రిలీజ్ చేశారు. ఈ దెబ్బతో విమర్శలకు చెక్ పెట్టినట్టయ్యింది. అందరూ నోరెల్లబెట్టుకుని చూసేలా చేసింది ఫస్ట్ గ్లింప్స్‌ . మరోసారి తెలుగు సినిమా స్టామినా అంటే ఏంటో చూపించింది ప్రాజెక్ట్ కే గ్లింప్స్‌. ఇక ఫ్యాన్స్ అయితే మరో గ్లోబల్ హిట్ ప్రభాస్ ఖాతాలో చేరుతుందని కామెంట్స్ చేస్తున్నారు.

ఇక అసలు విషయానికి వస్తే ప్రభాస్ కొన్ని ఆసక్తికర కామెంట్స్ చేశారు. ఫస్ట్ గ్లింప్స్ విడుదలైన సందర్భంగా ప్రభాస్ మీడియాతో ముచ్చటించారు. ఈ క్రమంలో రామ్ చరణ్ తో సినిమా చేస్తానని తన ఆసక్తిని బయటపెట్టారు. రామ్ చరణ్ తో సినిమా చేస్తారా అని అడిగిన ప్రశ్నకు ప్రభాస్ సమాధానమిచ్చారు. తనకు రామ్ చరణ్ మంచి స్నేహితుడని.. ఏదో ఒక రోజు ఇద్దరం కలిసి సినిమా చేస్తానని అన్నారు. దీంతో ఈ వీడియో సోషల్ మీడియాలో వైరల్ గా మారింది. మరోవైపు ప్రభాస్ నటిస్తున్న సినిమాలో తానొక కమెడియన్ ని అని అన్నారు. కల్కి సినిమాలో తన పాత్ర చాలా ఫన్నీగా ఉంటుందని.. అలానే మంచి ఎమోషన్ కూడా ఉంటుందని అన్నారు. ఈ సినిమా అందరికీ నచ్చుతుందని.. ఒక విధంగా ఈ సినిమాలో తానొక కమెడియన్ అంటూ సరదాగా వ్యాఖ్యానించారు.

ఇక ఈ సినిమా భారీ బడ్జెట్‌‌తో తెరకెక్కుతున్న విషయం తెలిసిందే. టాప్ టెక్నిషియన్స్ ఇందులో వర్క్ చేస్తున్నారు. సినిమాటోగ్రఫీ జోర్డ్జే స్టోజిల్జ్కోవిచ్, సంగీతం సంతోష్ నారాయణన్, డైలాగ్స్ సాయి మాధవ్ బుర్రా అందిస్తున్నారు. ఇక నటినటుల విషయానికి వస్తే హీరో‌‌గా ప్రభాస్, విలన్‌‌గా కమల్ హాసన్, మరో ప్రధాన పాత్రలో అమితాబ్ బచ్చన్, దిశా పటాని, హీరోయిన్‌‌‌‌గా దీపికా పదుకొనే నటిస్తున్నారు. ఇంతమంది భారీ తారాగణం ఉండడం, విజువల్ ట్రీట్ హాలీవుడ్ సినిమాల రేంజ్ లో ఉండడంతో సినిమా పై భారీ అంచనాలు ఏర్పడ్డాయి. సాహో, రాధే శ్యామ్, ఆదిపురుష్ సినిమాల ఫలితాలతో నిరాశ, నిస్పృహలో ఉన్న ఫ్యాన్స్ కి కల్కి ఒక బూస్టర్ డోస్ ని ఇచ్చినట్టయ్యింది. డార్లింగ్ ఖాతాలో హిట్ గ్యారంటీ అన్న కాన్ఫిడెన్స్ తో ఉన్నారు.

#ProjectK #Kalki2898 star Prabhas confirms he would like to work with #RRR stars Ram Charan and N.T. Rama Rao Jr. soon pic.twitter.com/VN80RVEUZE

— The Hollywood Reporter (@THR) July 21, 2023

#Prabhas on his character bringing the humor in #Kalki2898 AD #SDCC 2023#Kalki #ProjectKalkipic.twitter.com/sbwT7OTMZW

— GSK Media (@GskMedia_PR) July 21, 2023