మాలీవుడ్ సూపర్ స్టార్ కి కరోనా పాజిటీవ్!

దేశ వ్యాప్తంగా కరోనా మహమ్మారి కల్లోలం కొనసాగుతుంది. రోజు రోజుకు కరోనా కేసులు పెడుతుండటంతో ప్రజలు భయబ్రాంతులకు గురవుతున్నారు. కరోనా దెబ్బకు ప్రపంచం చిగురుటాకులా వణిపోతుంది. ఇప్పటికే సినిమా తారలు చాలా మంది కరోనా బారిన పడిన విషయం తెలిసిందే. టాలీవుడ్ లో ఇప్పటికే టాలివుడ్ లో మహేష్ బాబు, కీర్తిసురేష్, రాజేంద్ర ప్రసాద్, త్రిష, నవీన్ పోలిశెట్టి, బండ్లగణేష్, తమన్, మంచు లక్ష్మీ ఇలా పలువురు కరోనా బారిన పడ్డారు. అయితే వీరిలో మహేష్, మంచు లక్ష్మీ, త్రిష కరోనా నుంచి బయట పడ్డారు.

ఇది చదవండి  : డ్రైవర్‌కు ఫిట్స్.. ఈ మహిళ చేసిన పనికి సెల్యూట్ చేస్తారు!

మలయాళ సూపర్ స్టార్ మమ్ముట్టి కరోనా బారిన పడ్డారు. స్వల్ప లక్షణాలు కనిపించడంతో కొవిడ్ టెస్ట్ చేయించుకోగా పాజిటివ్ గా నిర్థారణ అయింది. ఈ విషయాన్ని మమ్ముట్టి స్వయంగా ట్విట్టర్ వేదికగా ప్రకటించారు. డాక్టర్ల సూచన మేరకు ప్రస్తుతం ఆయన హోం ఐసోలేషన్ లో ఉండి ట్రీట్ మెంట్ తీసుకుంటున్నారు. ‘అన్ని జాగ్రత్తలు తీసుకున్నప్పటికీ నిన్న కోవిడ్ పాజిటివ్గా నిర్థారణ అయింది. స్వల్ప జ్వరం మినహా ఇతర సమస్యలేవీ లేవు. ప్రస్తుతం స్వీయ నిర్బంధంలో ఉన్నాను. ప్రతి ఒక్కరు సురక్షితంగా ఉండండి. ఎల్లవేళలా మాస్క్ ధరించండి’ అంటూ ఆయన ట్విట్టర్లో ట్వీట్ చేశారు.

కరోనా బారిన పడ్డారని తెలిసి ఆయన అభిమానులు ఆందోళన వ్యక్తం చేస్తున్నారు. ఆయన త్వరగా కోలుకోవాలని కోరుకుంటున్నారు. ఈ మేరకు సోషల్ మీడియాలో పోస్ట్ లు పెడుతున్నారు. ‘గెట్ వెల్ సూన్ సార్’ అంటూ కామెంట్లు పెడుతున్నారు. ప్రస్తుతం ‘సీబీఐ 5’ సినిమా షూటింగ్ లో బిజీగా ఉన్నారు. ఆయనకు కరోనా సోకడంతో ఆ చిత్ర షూటింగ్ కు బ్రేక్ పడింది. ‘సీబీఐ 5’లో మమ్ముట్టి సేతురామన్ అయ్యర్ అనే కీలకపాత్రలో కనిపించనున్నారు.

Despite taking all the necessary precautions I have tested Covid Positive yesterday. Besides a light fever I am otherwise fine. I am self isolating at home as per the directions of the concerned authorities. I wish for all of you to stay safe. Mask at all times and take care.

— Mammootty (@mammukka) January 16, 2022