వాళ్లు నన్ను జైలుకు పంపాలనుకున్నారు.. స్టార్ హీరోయిన్ సంచలన కామెంట్స్!

బాలీవుడ్ స్టార్ హీరోయిన్ కంగనా రనౌత్ గురించి అందరికీ తెలిసిందే. తనదైన శైలి నటనతో ఎంతోమంది అభిమానులను ఆమె సంపాదించుకున్నారు. లేడీ ఓరియంటెడ్ సినిమాలతో స్పెషల్ ఇమేజ్ తెచ్చుకున్నారు. ‘తను వెడ్స్ మను’, ‘క్వీన్’, ‘మణికర్ణిక’, ‘తలైవి’ లాంటి చిత్రాలు ఆమెలోని సిసలైన నటిని అందరికీ పరిచయం చేశాయి. నటనను పక్కనబెడితే.. కంగన ఎప్పుడూ ఏదో ఒక వివాదంలో ఇరుక్కుంటారు. అందుకే ఆమెను కాంట్రవర్సీ క్వీన్​ అని పిలుస్తుంటారు. ప్రతి విషయంలోనూ బోల్డ్​గా వ్యవహరించడం, సూటిగా మాట్లాడటం ఈ హీరోయిన్ స్టైల్. అలాంటి కంగన తాజాగా ఓ విషయంపై స్పందించారు. ఒక ప్రేమ వ్యవహారాన్ని ఉద్దేశిస్తూ ట్విట్టర్ సీఈవో ఎలాన్ మస్క్ పెట్టిన పోస్టు మీద కంగన రియాక్ట్ అయ్యారు.

‘సర్కారును కూల్చకుండా అడ్డుకునేందుకు సీఐఏ పంపిన నకిలీ వ్యక్తి అని తెలిసినా.. వారితో ప్రేమలో పడటం విభిన్నమైన అనుభూతి’ అంటూ ఎలాన్‌ మస్క్‌ ఒక పోస్ట్‌ పెట్టారు. దీనిని చూసిన నెటిజన్స్.. ఆయన తన ప్రేమ గురించే మాట్లాడుతున్నారని అనుకున్నారు. ఈ క్రమంలోనే కంగన మస్క్ ట్వీట్ మీద కామెంట్‌ చేశారు. ‘నాకంటే నాటకీయమైన జీవితం బహుశా ఎవరికీ ఉండదు. ఓ ప్రేమ వ్యవహారంలో మొత్తం సినీ మాఫియా నన్ను జైలుకు పంపేందుకు ప్రయత్నించిన దానికంటే మస్క్‌ పెట్టిన ట్వీట్‌ కాస్త ఇంట్రెస్టింగ్​గా ఉంది’ అని కంగన వ్యాఖ్యలు చేశారు. ఈ బాలీవుడ్ క్వీన్ గతంలో స్టార్ హీరో హృతిక్‌ రోషన్​తో లవ్​లో ఉన్న విషయం విదితమే. ఆ తర్వాత ఎందుకో గానీ వీరు విడిపోయారు. ఈ క్రమంలోనే హృతిక్‌పై కంగన తీవ్ర ఆరోపణలు చేయడం.. ఈ కాంట్రవర్సీ కాస్తా కోర్టు వరకూ వెళ్లింది. ఈ నేపథ్యంలో ప్రస్తుతం కంగన పెట్టిన ట్వీట్‌ వైరల్​గా మారింది.

I never believed someone can have more dramatic life than me, this sounds more exciting than entire film mafia trying to put me in jail for a love affair… 👌 https://t.co/AwnEb2n5Ja

— Kangana Ranaut (@KanganaTeam) March 19, 2023

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.