follow us:
చిత్ర పరిశ్రమలో రకరకాల కథలతో సినిమాలు వస్తూంటాయి. అందులో యథార్థ కథలు, జీవిత చరిత్రలు ప్రత్యేకమైనవి. సమాజానికి అద్దం పట్టేలా సినిమాలు తీయ్యడంలో తమిళ చిత్ర పరిశ్రమ ముందువరుసలో ఉంటుంది. అలాంటి ప్రయత్నమే హీరో సూర్య నటించిన ‘జై భీమ్‘. ఇప్పుడు మరో సారి ఆ చిత్ర దర్శకుడు టీజే జ్ఞానవేల్‌ మరో వాస్తవ ఘటనను తెరకెక్కిస్తున్నట్లు సమాచారం. మరి దానికి సంబంధించిన వివరాల్లోకి వెళితే..
జాతకాల పిచ్చితో తన జీవితాన్ని నాశనం చేసుకున్నదే కాకుండా.. మరో స్త్రీ జీవితాన్ని కూడా నాశనం చేసిన వ్యక్తి పీ. రాజగోపాల్.. ఇలా అంటే ఎవరికి తెలీదేమో దోశ కింగ్.. అంటే జనాలకు వెంటనే గుర్తుకు వస్తాడు. శరవణ భవన్ పేరిట ఓ రెస్టారెంట్ పెట్టి.. దాదాపు 22 దేశాల్లో 111 రెస్టారెంట్లు స్థాపించే స్థాయికి ఎదిగాడు. ఇప్పుడు ఇతని పేరు మీదే ఓ సినిమా రాబోతుందని తమిళ పరిశ్రమలో చర్చ జరుగుతోంది.
పీ రాజగోపాల్.. శరవణ భవన్ చెయిన్‌ రెస్టారెంట్‌ల వ్యవస్థాపకుడు. తమిళనాడు ట్యూటికొరిన్‌ జిల్లాలో ఓ మారుమూల పల్లెలో రైతు కుటుంబంలో పుట్టాడు. కేకే నగర్‌లో పచారీ కొట్టుతో మొదలుపెట్టి.. అంచెలంచెలుగా హోటల్ వ్యాపారంలో పైస్థాయికి ఎదిగాడు. అయినా.. ఆయన వ్యక్తిగత జీవితం మాత్రం వివాదం.. విమర్శల మయమే! జాతకాల పిచ్చితో ఓ జ్యోతిష్యుడు చెప్పాడని.. మూడవ పెళ్లికి సిద్ధమయ్యాడు. అదీ తన దగ్గర అసిస్టెంట్‌ మేనేజర్‌గా పని చేస్తున్న రామస్వామి చిన్న కూతురిని పెళ్లాడాలని ప్రయత్నించాడు.
అయితే అప్పటికే జీవజ్యోతికి పెళ్లి అయ్యింది. దీంతో అతడిని ఆమె ఛీ కొట్టింది. పగ పెంచుకున్న రాజగోపాల్.. బెదిరింపులు, దాడులు, చేతబడి లాంటి ప్రయత్నాలెన్నో చేశాడు. అయినా ఆమె లొంగలేదు. దీంతో.. ఆమె భర్తను చంపించాడు. దీంతో పీ. రాజగోపాల్ జైలుకు పోయాడు. అనారోగ్య కారణాలతో బెయిలు పై విడుదలై గుండె పోటుతో మరణించాడు.
We are delighted to partner with the critically acclaimed director, TJ Gnanavel on our upcoming epic thriller drama, Dosa King!
Excited for this creative association as we bring this extraordinary story of Jeevajothi Santhakumar vs The Dosa King. #DosaKing @tjgnan pic.twitter.com/AixiHqvk6k— Junglee Pictures (@JungleePictures) July 25, 2022
”గతంలో నా పోరాటాన్ని చాలా మంది తప్పుబట్టారు. ప్రజలు వాస్తవాలు తెలుసుకోవాలి. అందుకే ఈ సినిమా తెరపైకి రావాలని”జీవజ్యోతి వివరించారు. ప్రస్తుతం ఆమె తంజావూర్ లో టైలరింగ్ యూనిట్ నడిపిస్తోంది. ఆమె పోరాటమే ఇప్పుడు సినిమాగా రాబోతోంది. మరి దీనిపై మీ అభిప్రాయాలను కామెంట్స్ రూపంలో తెలియజేయండి.
