Soorarai Pottru: 68వ నేషనల్ అవార్డ్స్ లో సత్తా చాటిన ‘‘ఆకాశం నీ హద్దురా’!

ప్రతి ఏటా కేంద్రం జాతీయ చలన చిత్ర అవార్డుల జాబితా ప్రకటిస్తున్న విషయం తెలిసిందే. ఈ ఏడాది కూడా కేంద్రం ఉత్తమ చిత్రాలను, ఉత్తమ నటులు, ఉత్తమ సాంకేతిక నిపుణులను ప్రకటించింది. ఈ 68వ జాతీయ సినిమా అవార్డుల జాబితా కోసం అన్ని సినీ పరిశ్రమలకు చెందిన నటులు, సాంకేతిక నిపుణులు ఎంతో ఆసక్తిగా ఎదురుచూశారు. ఈ ఏడాది మొత్తం ఫీచర్ ఫిల్మ్స్ కేటగిరీలో 30 భాషలకు చెందిన 305 సినిమాలు ఎంట్రీకి రాగా, నాన్ ఫీచర్ ఫిల్మ్ కేటగిరీలో 20 భాషలకు చెందిన 148 సినిమాలు స్క్రీనింగ్ కు వచ్చినట్లు జ్యూరీ మెంబర్స్ తెలిపారు. ఈ ఏడాది అవార్డులను ఐదు కేటగిరీలుగా విభజించారు. దాదా సాహెబ్‌ ఫాల్కే అవార్డు, ఫీచర్‌ ఫిల్మ్‌ (28 కేటగిరీలు), నాన్‌ ఫీచర్‌ ఫిల్మ్స్‌ (22 కేటగిరీలు), బెస్ట్‌ రైటింగ్‌ సెక్షన్‌, మోస్ట్‌ ఫిల్మ్‌ ఫ్రెండ్లీ స్టేట్‌ కేటగిరీల్లో అవార్డులు ప్రకటించారు. 

సూర్య హీరోగా తెలుగులో ‘ఆకాశం నీ హద్దురా’గా డబ్ అయిన ‘సూరారై పోట్రు’ సినిమా సౌత్ నుండి ఎక్కువ అవార్డులను దక్కించుకుంది. మొత్తం ఐదు కేటగిరీల్లో సత్తా చాటి టాప్ లో నిలిచింది. వీటిలో ఉత్తమ జాతీయ చిత్రం కేటగిరీతో పాటు ఉత్తమ నటుడు, ఉత్తమ నటి, ఉత్తమ స్క్రీన్ ప్లే, ఉత్తమ నేపధ్య సంగీతం కేటగిరీల్లో అవార్డులు గెలుపొందడం విశేషం. ఉత్తమ జాతీయ నటుడిగా సూర్య మొదటిసారిగా నేషనల్ అవార్డ్ అందుకోవడంతో ఫ్యాన్స్ సంతోషం వ్యక్తం చేస్తున్నారు. ఇక ఈ సినిమాలో నటించిన అపర్ణ బాలమురళీ ఉత్తమ నటిగా అవార్డు దక్కించుకోగా.. షాలిని ఉషా, సుధా కొంగర ఉత్తమ స్క్రీన్ ప్లే అవార్డులు దక్కించుకున్నారు. ఉత్తమ నేపథ్య సంగీతం కేటగిరీలో జీవీ ప్రకాష్ కుమార్ జాతీయ అవార్డు గెలుచుకున్నారు. ఈ సందర్భంగా సూరారై పోట్రు చిత్ర యూనిట్ తో పాటు తమిళ ఫిల్మ్ ఇండస్ట్రీ సంతోషం వ్యక్తం చేస్తుంది. దీనిపై మీ అభిప్రాయాన్ని కామెంట్ రూపంలో తెలియజేయండి.

ఇది కూడా చదవండి: Samantha: మా ఇద్దరిని ఒకే గదిలో ఉంచితే ఆయుధాలు లేకుండా చూడాలి: సమంత

ఇది కూడా చదవండి: 68 National Film Awards: 68వ జాతీయ సినిమా అవార్డుల ప్రకటన!