follow us:
కొద్దికాలంగా సినీ ప్రియులంతా ఓటిటిలకు అలవాటుపడిన విషయం తెలిసిందే. ఓటిటిలు అందుబాటులోకి వచ్చాక థియేటర్లలో విడుదలవుతున్న సినిమాలకు వెళ్లేవారి సంఖ్య క్రమక్రమంగా తగ్గుతూ వచ్చింది. అందులోనూ థియేటర్స్ లో రిలీజ్ అవుతున్న సినిమాలకంటే.. ఓటిటిలలో స్ట్రీమింగ్ అవుతున్న సినిమాలకే మొదటి ప్రాధాన్యత ఇస్తున్నారు ఆడియెన్స్. అయితే.. ఓటిటిలలో కూడా కావాల్సిన సినిమాలు, కంటెంట్ ఉంటేనే ఆయా ఓటిటిలను సబ్ స్క్రిప్షన్‌ చేసుకోవాలా లేదా అనేది ఆలోచిస్తున్నారు.
ఈ క్రమంలో సినిమాలనేవి ఒకే ఓటిటిలో స్ట్రీమింగ్ కావు.. అలాగని అన్ని ఓటీటీలను డబ్బులు పెట్టి సబ్ స్క్రైబ్ చేసుకోలేం. కాబట్టి.. ఓటిటిలను సబ్ స్క్రైబ్ చేసుకున్నా చేసుకోకపోయినా కావాల్సిన సినిమాలను కొన్ని వెబ్ సైట్స్ నుండి డౌన్ లోడ్ చేస్తుంటారు. ఈ మధ్యకాలంలో సినిమాలను డౌన్ లోడ్ చేసుకునేందుకు చాలా వెబ్ సైట్స్ వెలుగులోకి వచ్చాయి. ఇదివరకు ‘తమిళ్ రాకర్స్’, ‘మూవీ రూల్స్’ లాంటి వెబ్ సైట్స్ అన్ని సినిమాలను అందించేవి. ఇప్పుడు ఆ కోవకు చెందిన వాటిలో మోస్ట్ పాపులర్ అయ్యింది ‘ఐ-బొమ్మ’ వెబ్ సైట్.
ఈ ఐబొమ్మ వెబ్ సైట్ కు ప్రేక్షకుల నుండి భారీ స్థాయిలో ఆదరణ లభించడం విశేషం. నిజానికి ఇలాంటి వెబ్ సైట్స్ లో మూవీ స్ట్రీమింగ్ అనేది నైతికత కాదు. అదీగాక నిర్మాతలు, ఓటీటీ సంస్థల నుంచి సైతం ఇలాంటి సైట్స్ పై వ్యతిరేకత వస్తూనే ఉంటుంది. అయితే.. ఓటీటీలో విడుదలైన అన్ని సినిమాలను డబ్బులు పెట్టి చూడలేని వారికి.. ఈ ఐబొమ్మ వెబ్ సైట్ హై క్వాలిటీలో ఉచితంగా సినిమాలను చూడటం లేదా డౌన్లోడ్ చేసుకునే ఆప్షన్స్ ని కల్పిస్తోంది. యూజర్‌ ఫ్రెండ్లీగా పేరు సంపాదించుకున్న ఈ వెబ్ సైట్ తాజాగా డౌన్ లోడ్ ఆప్షన్ ని శాశ్వతంగా తొలగించినట్లు సమాచారం.
దీంతో కేవలం ఇకపై సినిమాలను ఆన్ లైన్ స్ట్రీమింగ్ చేసి మాత్రమే చూడవచ్చునని ఐ బొమ్మ టీం తమ వెబ్సైట్లో ఒక ప్రకటన ద్వారా వెల్లడించింది. అలాగే మరో షాకింగ్ న్యూస్ కూడా చెప్పినట్లు తెలుస్తుంది. అదేంటంటే.. సైట్ లో పోస్ట్ చేసిన లాస్ట్ 30 సినిమాలు మాత్రమే చూడవచ్చని, ఇకపై వెతుక్కుని చూసే అవసరం లేదని క్లారిటీ ఇచ్చింది. అంటే.. ఇకమీదట సైట్ లో కేవలం లేటెస్ట్ 30 సినిమాలు మాత్రమే కనిపిస్తాయని తెలిపింది. మరి ఐబొమ్మ తీసుకున్న ఈ షాకింగ్ నిర్ణయంపై మీ అభిప్రాయాలను కామెంట్స్ లో తెలియజేయండి.
bro ibomma lo download avatled inkemana sites unaya
— Rèvåñťh🔔 (@ReeeeeeeeVvvvv) September 3, 2022
Bad news for OTT movie lovers.
Ibomma stopped its downloading option permanently. 🥲😌 #OTT #ibomma #movie— Mr. Gurju Haribabu💙 (@haribabu_gurju) September 3, 2022
