follow us:
యూట్యూబ్ స్టార్ దీప్తి సునైనా మరోసారి ప్రేమలో పడింది. దీనికి సంబంధించి ఆమె తాజాగా సోషల్ మీడియాలో ఓ పోస్ట్ చేసింది. ఇంతకీ ఆమె ఎవరితో ప్రేమలో పడిందంటే..!
దీప్తి సునైనా.. ఈ పేరు తెలియని వారుండరంటే నమ్మండి. సోషల్ మీడియాను వినియోగించే నెటిజన్స్, బిగ్ బాస్ ప్రేక్షకులకు దీప్తి గురించి బాగా తెలుసు. ఎందుకంటే పెద్దగా మూవీస్ చేయకపోయినా.. వెబ్ సిరీస్లు, మ్యూజిక్ వీడియోలతో ఆమె మంచి పాపులారిటీ సంపాదించింది. నెట్టింట్లో సందడి చేస్తూ విపరీతమైన క్రేజ్ సంపాదించుకున్న వారిలో ఈ క్యూట్ బ్యూటీ కూడా ఒకరు. మ్యూజిక్ వీడియోస్తో బిజీగా ఉన్న దీప్తి సునైనా.. సోషల్ మీడియాలో హాట్ ఫొటోస్తో రచ్చ చేస్తోంది. సోషల్ మీడియా లేని సమయంలోనూ దీప్తికి మంచి క్రేజ్ ఉండేది. యూట్యూబ్లో డబ్ స్మాష్ల ద్వారా ఆమె అప్పటికే పాపులారిటీ తెచ్చుకుంది. అందం, నటన, డ్యాన్సులతో అట్రాక్ట్ చేసే దీప్తి సునైనా.. అప్పుడప్పుడూ గ్లామర్ ట్రీట్ కూడా చేస్తూ ఉంటుంది.
బిగ్బాస్ షో ద్వారా తెలుగు ఆడియెన్స్కు మరింత చేరువైంది దీప్తి సునైనా. బిగ్బాస్ రెండో సీజన్లో పాల్గొన్న దీప్తి.. ఆటతో పాటు గొడవలు, అందాల విందుతోనూ అదరగొట్టింది. ‘నచ్చావులే’ ఫేమ్ తనీష్‌తో చనువుగా ఉంటూ హాట్ టాపిక్గా మారింది. ఇక, ఈ షో వల్ల ఈ బ్యూటీ రేంజ్ పెరగడంతో పాటు వరుసగా ఆఫర్లు వరించాయి. కెరీర్ పరంగా సత్తా చాటుతున్న సమయంలోనే యూట్యూబర్ షణ్ముఖ్ జస్వంత్‌తో సుదీర్ఘ కాలం పాటు లవ్ ట్రాక్ను నడిపించింది దీప్తి. ప్రేమాయణం వల్ల వీరి జోడీ మరింతగా పాపులర్ అయిపోయింది. అయితే చాన్నాళ్లు ప్రేమించుకున్నాక షన్నూకు దీప్తి బ్రేకప్ చెప్పినట్లు వార్తలు వచ్చాయి.
బిగ్బాస్ ఐదో సీజన్లో షణ్ముఖ్ పాల్గొన్నాడు. ఆ సీజన్ లో సిరితో కాస్త సన్నిహితంగా మెలిగాడు షన్నూ. దీప్తి అతడికి బ్రేకప్ చెప్పేందుకు అదే కారణమని అప్పట్లో సోషల్ మీడియాలో నెటిజన్స్ మధ్య పెద్ద ఎత్తున చర్చలు నడిచాయి. షన్నూతో బ్రేకప్ అయిన తర్వాత దీప్తి సోషల్ మీడియాలో మరింత చురుగ్గా ఉంటోంది. రోజూ అందమైన ఫోటోలను షేర్‌ చేస్తూ ఏదో ఒక విషయం గురించి చెబుతోంది. ఇక, తాజాగా తాను ప్రేమలో పడినట్లు దీప్తి వెల్లడించింది. అయితే ఆమె ప్రేమించింది వ్యక్తిని కాదండీ.. పుస్తకాలను. బుక్స్‌తో లవ్లో పడినట్లు వెల్లడిస్తూ.. పెట్‌తో ఉన్న క్యూట్ పిక్స్‌ను షేర్‌ చేసింది దీప్తి సునైనా. ప్రస్తుతం ఈ ఫోటోలు సోషల్ మీడియాలో వైరల్ అవుతున్నాయి.
View this post on Instagram
