follow us:
కృష్ణ.. పూర్తిపేరు ఘట్టమనేని శివరామకృష్ణమూర్తి. తెలుగు చిత్ర పరిశ్రమలో ఆయన ఓ నటుడిగా, దర్శకుడిగా, నిర్మాతగా చెరగని సంతకాన్ని లిఖించుకున్నారు. తన సినిమా ప్రస్థానంలో 340పై చిలుకు చిత్రాల్లో ప్రధాన పాత్రల్లో నటించి సూపర్ స్టార్ గా ఎదిగారు. ఇక తేనెమనసులు అనే చిత్రంతో కృష్ణ తెలుగు తెరకు హీరోగా పరిచయమయ్యాడు. ఆ తర్వాత అనేక సినిమాల్లో నటించి తన నటనతో విపరీతమైన అభిమనులను సంపాదించుకున్నాడు.
ఇక ఆ తర్వాత ఒక్కో సినిమాల్లో ఒక్కో పాత్రను పోషిస్తూ నటుడిగా ఓ స్థాయి రేంజ్ ను అందుకున్నాడు కృష్ణ. అలా తెలుగు సినిమా పరిశ్రమలో ఎన్నో సినిమల్లో నటించి వెండితెర సూపర్ స్టార్ గా ఎదిగి అప్పట్లో అగ్రహీరోగా వెలుగొందాడు. ఇదిలా ఉంటే ఆయన కూతురు మంజూల, తండ్రి సూపర్ స్టార్ కృష్ణ కాసేపు సరదా సరదా కబుర్లు మాట్లాడుకున్నారు. సినిమా ప్రయాణం, సినిమాల్లో అవకాశాలు, మహేష్ బాబు చిత్ర పరిశ్రమల్లోకి ఎంట్రీ వంటి అనేక విషయాల గురించి మాట్లాడుకున్నారు.
కాగా తన కూతురు మంజూల అడిగిన అన్ని ప్రశ్నలకు ప్రశాంతంగా సమాధానాలు చెప్పారు కృష్ణ. అయితే ప్రిన్స్ మహేష్ బాబు సినిమా ఎంట్రీ గురించి మంజూల అడుగుతూ.. మహేష్ ను చిన్నప్పుడే ఓ సూపర్ స్టార్ చేసేశారు, అది మీరు ప్లాన్ గా చేశారా? లేక అలా జరిగిందా? అంటూ అడిగింది. దీనికి కృష్ణ బదులిస్తూ.. అలా జరిగింది. ఓ సారి షూటింగ్ చూసేందుకని మహేష్ స్టూడియోకి వచ్చాడు. షూటింగ్ అక్కడ జరుగుతుంటే అలా చూస్తూ కూర్చున్నాడు.
నువ్వు యాక్ట్ చేస్తవా? చేయవారా అంటే.. నేను చేయను.. చేయను.. అంటూ ఏడుస్తూ స్టూడియో అంతా పరుగెత్తించాడు అని కృష్ణ చెప్పారు. ఇక తాజాగా విడుదల చేసిన ఈ ప్రోమో కాస్త వైరల్ గా మారుతోంది. సినిమాల్లో నటిస్తావా లేదా అన్న తండ్రి ప్రశ్నకు మహేష్ బాబు చెప్పిన సమాధానంపై మీ అభిప్రాయాలను కామెంట్ రూపంలో తెలియజేయండి.
