follow us:
విక్రమ్ ‘కోబ్రా’ సినిమాలో రెండో రోజుకే మార్పు. డ్యూరేషన్ లో అంత టైమ్ తగ్గించేశారు. ఆ సీన్స్ అన్నీ కట్ చేసి పడేశారు. దీంతో ప్రేక్షకులు మరింత ఎంజాయ్ చేస్తారని ‘కోబ్రా’ టీమ్ అభిప్రాయపడుతోంది. అందులో భాగంగానే అధికారిక ప్రకటన కూడా విడుదల చేసింది.
ఇక వివరాల్లోకి వెళ్తే.. విక్రమ్ గురించి తెలుగు సినీ ప్రేక్షకులకు ప్రత్యేకంగా చెప్పాల్సిన పనిలేదు. ‘అపరిచితుడు’ మూవీ నుంచి ప్రయోగాలు చేస్తూనే ఉన్నాడు. కానీ ఆ రేంజ్ హిట్ మాత్రం అందుకోలేకపోయాడు. ఈ ఏడాది ‘మహాన్’ చిత్రంతో అందరినీ పలకరించిన విక్రమ్.. ఇప్పుడు ‘కోబ్రా’గా థియేటర్స్ లో సందడి చేస్తున్నారు.
ఇకపోతే ఈ సినిమా డ్యూరేషన్ 3 గంటలపైనే.. దీంతో తొలిరోజు ‘కోబ్రా’ చూసిన చాలామంది.. హిట్ ఫ్లాప్ సంగతి పక్కనబెడితే నిడివి విషయంలో కాస్త అసౌకర్యానికి లోనయ్యారు. ఇదే విషయం మూవీ టీమ్ వరకు వెళ్లినట్లుంది. వెంటనే డ్యూరేషన్ విషయంలో నిర్ణయం తీసేసుకున్నారు. దాదాపు 20 నిమిషాల సీన్లను తొలగించారు. ఇందుకు సంబంధించిన అధికారిక ప్రకటన కూడా విడుదల చేశారు.
ఇదిలా ఉండగా ‘కోబ్రా’లో విక్రమ్.. ఏడు డిఫరెంట్ గెటప్స్ లో కనిపించాడు. ‘కేజీఎఫ్’ ఫేమ్ శ్రీనిధి శెట్టి, మృణాలిని హీరోయిన్స్ గా చేశారు. భారత మాజీ క్రికెటర్ ఇర్ఫాన్ పఠాన్.. ఇందులో కీ రోల్ చేశాడు. మరి ‘కోబ్రా’ డ్యూరేషన్ తగ్గించడం గురించి మీరేం అనుకుంటున్నారు. మీ అభిప్రాయాన్ని కామెంట్స్ లో పోస్ట్ చేయండి.
ఇది కూడా చదవండి: కోబ్రా మూవీ రివ్యూ
