follow us:
బాలయ్య ‘అఖండ’ టీజర్ సంచలనాలు రేపుతుంది. తాజాగా 40 మిలియన్ వ్యూస్ క్రాస్ చేసింది. ఈ సినిమా దెబ్బకు పాత రికార్డులు కూడా చెదిరిపోతున్నాయి. ఉగాది పర్వధినాన్ని పురస్కరించుకొని బాలయ్య సినిమా టైటిల్ ను అనౌన్స్ చేశారు చిత్రయూనిట్. ఈ మేరకు టీజర్ ను విడుదల చేశారు.
గత సినిమాల మాదిరిగానే ఈసినిమాకు కూడా ‘అఖండ’ అనే పవర్ ఫుల్ టైటిల్ ను ఎంచుకున్నాడు బోయపాటి. ఇక ఈసినిమాలో బాలయ్య ద్విపాత్రాభినయం చేయబోతున్నారు. అందులో ఒకటి అఘోర పాత్ర. ఇక ఈ సినిమాలో హీరో శ్రీకాంత్ ప్రతినాయకుడిగా కనిపించనున్నాడు. అఖండ సినిమా చిత్రీక‌ర‌ణ చివ‌రి ద‌శ‌కు వ‌చ్చేసింది. ఇప్ప‌టికే విడుద‌లైన ఈ సినిమా ఫ‌స్ట్ లుక్, టీజ‌ర్‌కు అదిరిపోయే రెస్పాన్స్ వ‌చ్చింది. కేవలం యాక్షన్ సన్నివేశాల కోసం రూ.30 కోట్లు ఖర్చు పెట్టాలని ప్లాన్ చేస్తున్నాడు బోయపాటి శ్రీను. అయితే రామ్ చరణ్ విన‌య విధేయ రామ సినిమా ఫలితం చూసిన తర్వాత ఈ సినిమాను కేవలం రూ.40 నుంచి రూ.45 కోట్ల లో పూర్తి చేయాలని బాలయ్య కండిషన్ పెట్టినట్లు తెలుస్తోంది.
అయితే చివరికి బోయపాటి అనుకున్నట్లుగానే సినిమాకు రూ.60 కోట్లకు పైగా బడ్జెట్ అయినట్లు ప్రచారం జరుగుతుంది. అఖండపై ఉన్న క్రేజ్ చూస్తుంటే అంత రావడం ఈజీగానే అనిపిస్తుంది. గతంలో లెజెండ్ 40 కోట్లకు చేరువగా వచ్చిందన్న సంగతి విదితమే.
