follow us:
అఖండ, వీరసింహారెడ్డి సినిమాల తర్వాత వస్తున్న మాస్ యాక్షన్ మూవీ భగవంత్ కేసరి. అనిల్ రావిపూడి దర్శకత్వంలో తెరకెక్కుతున్న ఈ సినిమాకి సంబంధించి టీజర్ విడుదలైంది. బాలకృష్ణ పుట్టినరోజు సందర్భంగా విడుదలైన టీజర్ కి అదిరిపోయే రెస్పాన్స్ వస్తోంది.
నందమూరి బాలకృష్ణ ఈ పేరు వింటే అభిమానులకు పూనకాలు వచ్చేస్తాయి. జై బాలయ్య స్లోగన్ వింటే అభిమానులతో ప్రేక్షకులు కూడా తమను తాము మర్చిపోయి చిందులు వేస్తారు. అంతటి మాస్ ఫాలోయింగ్ ని సంపాదించుకున్న బాలయ్య పుట్టినరోజు ఇవాళ. ఈ సందర్భంగా ఆయన నటిస్తున్న 108వ సినిమాకి సంబంధించిన టీజర్ ను విడుదల చేసింది చిత్ర బృందం. ఈ సినిమాకి భగవంత్ కేసరి అనే పేరు ఫిక్స్ చేశారు. ఐ డోంట్ కేర్ అనే ట్యాగ్ లైన్ ని పెట్టారు. అనిల్ రావిపూడి దర్శకత్వంలో తెరకెక్కుతున్న ఈ సినిమా టీజర్ మాత్రం అదిరిపోయింది. అభిమానుల ఇమాజినేషన్ కి అందని విధంగా ఉంది నిజంగా టీజర్ చూస్తుంటే. బాలకృష్ణ గెటప్ మాత్రం అద్దిరిపోయింది. తెల్లని గడ్డం, చెవికి పోగు పెట్టుకుని హుందాగా కనిపిస్తూనే మాస్ డైలాగ్స్ తో, మాస్ మ్యానరిజంతో ఆకట్టుకున్నారు.
రాజు ఆడి వెనకున్న వందల మంది మందని చూయిస్తాడు, మొండోడు ఆడికున్న ఒకే ఒక్క గుండెని చూయిస్తాడు అనే డైలాగ్ తో బాలకృష్ణ పాత్ర ఎంత మొండిగా ఉంటుందో శాంపిల్ చూపించారు. పతాహై కానో కీ బీచ్ మే బేజా క్యూ రహతా హై.. జబ్ కాన్ బైరి పడ్తే హై తో బాద్ బేజేమీ గుస్తీ హై (చెవులకు దగ్గరగా మెదడు ఎందుకుంటుందో తెలుసా.. మనం చేత్తో కొడితే ఆ దెబ్బ దిమాగ్ లో కూర్చుంటుంది) అనే డైలాగ్ తో కథకి, బాలీవుడ్ మాఫియాకి లింకులు ఉన్నాయని తెలుస్తుంది. అందుకే విలన్ గా అర్జున్ రామ్ పాల్ ని తీసుకున్నారేమో అనిపిస్తుంది. ఇక ‘అడవి బిడ్డ.. నేలకొండ భగవంత్ కేసరి.. ఈ పేరు శానా ఏళ్ళు యాదుంటది’ అంటూ చెప్పే డైలాగ్ అల్టిమేట్ అసలు. ఇందులో బాలయ్య యాటిట్యూడ్ ని ఓ రేంజ్ లో చూపించారు దర్శకుడు అనిల్ రావిపూడి.
తెలంగాణ యాసలో బాలయ్య పలికే డైలాగ్స్ ఇంప్రెసివ్ గా ఉన్నాయి. నాని నటించిన దసరా తర్వాత తెలంగాణ యాసతో వస్తున్న ఫుల్ మాస్ యాక్షన్ ఫిల్మ్ భగవంత్ కేసరి. దసరా కానుకగా ఈ సినిమా విడుదల కానుంది. కేజీఎఫ్, పుష్ప సినిమాలు బాలయ్య చేస్తే ఎలా ఉంటుందో అనేలా కొన్ని చోట్ల అనిపిస్తుంది. ముఖ్యంగా వినాయకుడి విగ్రహం దగ్గర వచ్చే పాట, ఆ స్టెప్పులు పుష్ప సినిమాలో వచ్చే ‘ఏ బిడ్డ ఇది నా అడ్డా’ పాటను గుర్తు చేస్తాయి. ఇక టీజర్ లో బాలయ్య ఫైట్ చేసే సీన్ డార్క్ గ్రే కలర్ లో ఉంటుంది. దీన్ని చూస్తుంటే కేజీఎఫ్ అన్న ఫీలింగ్ కలుగుతుంది. ఒక పక్క మాఫియా నేపథ్యంలో తెరకెక్కుతుండడం, మరోపక్క నేలకొండ భగవంత్ కేసరి అనే పక్కా తెలంగాణ వ్యక్తి నేపథ్యంలో తెరకెక్కుతుండడం.. ఈ రెండు నేపథ్యాలను అనిల్ రావిపూడి ఎలా కలుపుతాడు, వైరం ఎలా వస్తుంది అనేది ఆసక్తి రేపుతోంది.
అయితే అనిల్ రావిపూడి మార్క్ కామెడీ టీజర్ లో కనిపించలేదు. సినిమాలో ఉండే అవకాశం ఉంటుందని.. ఈ విషయంలో బాలకృష్ణ యాక్షన్ తో పాటు ఫుల్ గా నవ్విస్తారని అంటున్నారు. 60 ఏళ్ళు దాటినా కూడా ఆ స్పీడ్, ఆ జోష్ తగ్గలేదు. 90స్ లో ఎలా ఉన్నారో ఇప్పుడు కూడా అదే స్పీడ్ ని కొనసాగిస్తున్నారు. అఖండ, వీరసింహారెడ్డి వంటి అన్ స్టాపబుల్ హిట్స్ తో దూసుకుపోతున్న బాలయ్య ఖాతాలో మరో హిట్ పడేలా ఉంది. అఖండ, వీరసింహారెడ్డి సినిమాల తర్వాత థమన్ ముచ్చటగా మూడోసారి ఈ సినిమాకి మ్యూజిక్ కంపోజ్ చేస్తున్నారు. థమన్ సంగీతం మాత్రం ఇచ్చి పడేశారు. ఇదిలా ఉంటే బాలయ్య సరసన తొలిసారిగా కాజల్ అగర్వాల్ జతకడుతోంది. మరోవైపు ఈ సినిమాలో శ్రీలీల కీలక పాత్రలో నటిస్తోంది. దీంతో సినిమాపై ఆసక్తి మరింత పెరిగింది. బాలయ్య సినిమాలు దాదాపు రాయలసీమ నేపథ్యంలో వచ్చినవే. ఈసారి మాత్రం తెలంగాణ నేపథ్యంలో మన ముందుకు వస్తున్నారు. దీంతో సినిమాపై అంచనాలు మరింత పెరిగాయి. మరి టీజర్ చూశాక మీకేమనిపించిందో కామెంట్ చేయండి. అలానే బాలకృష్ణకు జన్మదిన శుభాకాంక్షలు తెలియజేయండి.
