తెలియక ఆ తప్పులు చేశా.. ఇప్పుడు మానేశా: యాంకర్ రష్మీ

బుల్లితెరపై గ్లామర్ బ్యూటీ యాంకర్ రష్మీ క్రేజ్ గురించి ప్రత్యేకంగా చెప్పే అవసరం లేదు. టాలీవుడ్ లో హీరోయిన్ గా కెరీర్ స్టార్ట్ చేసినప్పటికీ.. టీవీ యాంకర్ గానే మంచి గుర్తింపు సొంతం చేసుకుంది. జబర్దస్త్ కామెడీ షోతో యాంకర్ గా కెరీర్ ఆరంభించిన రష్మీ.. పదేళ్లుగా ఆ షోని హోస్ట్ చేస్తూనే ఉంది. అప్పుడప్పుడు వస్తున్న అవకాశాలను కాదనకుండా సినిమాలు కూడా చేస్తోంది. అయితే.. టీవీ యాంకర్ గా అయ్యాక రష్మీ క్రేజ్ అమాంతం పెరిగిపోయిందని చెప్పాలి. తన అందంతో.. గ్లామర్ షోతో.. స్టేజ్ పై రచ్చ చేసే రష్మీ.. జంతువుల విషయంలో చాలా సీరియస్ గా ఉంటుంది. జంతువుల హింసను ఆపేందుకు ఎంతవరకైనా వెళ్తుంది.

రష్మీకి వివాదాలేం కొత్త కాదు. అలాగని వాటి జోలికి వెళ్లకుండా కూడా ఉండలేదు. సమాజంలో జరుగుతున్న అరాచకాలపై.. సామాజిక అంశాలపై తనవంతు వాదన వినిపిస్తూనే ఉంటుంది. రెగ్యులర్ గా జంతువులను హింసించవద్దంటూ వాదించే రష్మీ.. తాజాగా డైరీ ప్రోడక్ట్స్(పాల ఉత్పత్తులు)పై వివాదాస్పద ట్వీట్ చేసి వార్తల్లోకెక్కింది. తాను పాల ఉత్పత్తులను ప్రమోట్ చేయడం మానేశానని ఆ ట్వీట్ లో తెలిపింది. దీంతో రష్మీ ట్వీట్ పై నెటిజన్స్ రియాక్ట్ అయ్యారు. 2019లో రష్మీ ఓపెన్ చేసిన ఐస్ క్రీం షాప్ వీడియో స్క్రీన్ షాట్ ని షేర్ చేస్తూ.. ‘ఈ సెలబ్రిటీలందరూ ఇంతే.. డబ్బుల కోసం ఏమైనా చేస్తారు. తర్వాత ఇలా పోస్టులు పెడతారు’ అని కామెంట్స్ చేశారు.

ఈ క్రమంలో నెటిజన్స్ కామెంట్స్ పై స్పందించిన రష్మీ.. “అవును.. గతంలో తెలియక కొన్ని తప్పులు చేశాను. కానీ.. నేను కొన్నాళ్ల నుండి పాలు తాగడం మానేశాను. పాలు తాగడం వలన నా చర్మంపై అనారోగ్య ప్రభావం పడటం నేను గమనించాను. అయితే.. ఫ్యాక్టరీలలో పాల ఉత్పత్తుల తయారీ విధానం గురించి తెలుసుకున్న తర్వాత పూర్తిగా వాటిని ప్రమోట్ చేయడం ఆపేశాను’’ అని చెప్పుకొచ్చింది. ప్రస్తుతం రష్మీ చేసిన ట్వీట్ నెట్టింట హాట్ టాపిక్ గా మారాయి. కేవలం ఇదనే కాదు.. ఇటీవల కాలంలో రష్మీ రియాక్ట్ అయిన అన్ని విషయాలు సోషల్ మీడియాలో రచ్చ లేపాయి. మరి రష్మీ ట్వీట్ పై మీ అభిప్రాయాలను కామెంట్స్ లో తెలియజేయండి.

And how long ago was this yes I have made my mistakes as I was unaware I stopped drinking milk by default long ago as it gave me acne flare up
But now I have given up on milk products too after in person witnessing the horror or dairy industry https://t.co/0jTgzyv3e2

— rashmi gautam (@rashmigautam27) March 2, 2023