follow us:
యూట్యూబ్ లో విశేష ప్రేక్షకాదరణ పొంది ట్రెండ్ అవుతున్న వెబ్ సిరీస్ లలో ‘30 వెడ్స్ 21‘ ఒకటి. చైతన్యరావు – అనన్య భార్యాభర్తలుగా నటించిన ఈ వెబ్ సిరీస్.. గతేడాది యూట్యూబ్ లో మిలియన్ల వ్యూస్ రాబట్టి సెన్సేషన్ క్రియేట్ చేసిన సంగతి తెలిసిందే. అయితే.. ’30 వెడ్స్ 21’ మొదటి సీజన్ మంచి హిట్ అవ్వడంతో మేకర్స్ ఇటీవలే రెండో సీజన్ ప్రారంభించారు.
ఇటీవలే సెకండ్ సీజన్ నుండి ఫస్ట్ ఎపిసోడ్ విడుదలై ట్రెండ్ అవుతోంది. ఇక తాజాగా రెండో ఎపిసోడ్ ప్రోమో వదిలారు మేకర్స్. మొదటి సీజన్ లో చూపించని రొమాంటిక్ యాంగిల్.. ఈసారి చూపించనున్నట్లు సెకండ్ ఎపిసోడ్ ప్రోమో చూస్తే అర్ధమవుతుంది. అనన్య – చైతన్యరావుల మధ్య సంభాషణ కూడా రొమాంటిక్ గానే ఉంది.
ఆఫీసుకు వెళ్లేముందు ఇద్దరూ రెడీ అవ్వగానే.. భర్త అన్ని పెట్టేశావా? అనగానే, అవును అని భార్య అంటుంది. వెంటనే భర్త.. మరి ముద్దు? అంటాడు.. ఇలా ప్రోమోలో చూపించేసరికి ఫ్యాన్స్ లో అంచనాలు కూడా పెరిగిపోతున్నాయి. ఇక ‘ఛాయ్ బిస్కెట్’ సంస్థ నిర్మిస్తున్న ఈ సిరీస్ ని పృథ్వీ వనం తెరకెక్కిస్తుండగా.. మహేష్.పి కథ అందిస్తున్నాడు. మరి 30 వెడ్స్ 21 సీజన్ 2 కొత్త ప్రోమో పై మీ అభిప్రాయాలను కామెంట్ చేయండి.
