ఉద్యోగం కోసం ఇంటర్వ్యూకి వెళ్తున్నారా? ఈ విషయాలు ఖచ్చితంగా తెలుసుకోండి!

ఉద్యోగం.. ఉన్నత చదువులు పూర్తి చేసిన ప్రతి ఒక్కరూ దీని కోసం ఎన్నో ప్రయత్నాలు చేస్తూ ఉంటారు. ఇక కోరుకున్న ఉద్యోగానికి ఇంటర్వ్యూకు వెళ్తున్నామంటే ఆ సంతోషం వేరనే చెప్పాలి. అయితే ఇదంతా బాగానే ఉన్నా.. ఇంటర్వ్యూకి ఎలా వెళ్లాలి అని విషయంలో మాత్రం చాలా మంది ఇబ్బందులు పడుతుంటారు. అసలు ఇంటర్వ్యూకి వెళ్లే ముందు ఎలాంటి జాగ్రత్తలు తీసుకోవాలి? ఎలాంట్రి డ్రెస్ కోడ్ ధరించాలి? ఇవి కాకుండా తీసుకోవాల్సిన మరిన్ని ఖచ్చితమైన జాగత్తలు ఏంటనేవి పూర్తి వివరాలు తెలుసుకోవాలనుందా? అయితే ఖచ్చితంగా ఈ వార్త చదవండి.

ఉద్యోగం కోసం ఇంటర్వ్యూకి వెళ్లే చాలా మంది యువతి యువకులు తమకు తోచిన విధంగా చేతిలో ఒక రెజ్యూమ్ పట్టుకుని వెళ్తుంటారు. చివరికి బాడీ లాంగ్వేజ్, ఎలాంటి డ్రెస్ కోడ్ ధరించాలో తెలియక ఆ ఇంటర్వ్యూల్లో ఫెయిల్ అవుతూ చివరికి నిరాశలో వెనుతిరిగి వస్తుంటారు. ఇలాంటి విషయాలు తెలియక ఎంతోమంది యువతి యువకులు ఇంటర్వ్యూలో ఫెయిల్ అవుతున్నారు. మరీ ముఖ్యంగా సబ్జెక్ట్ అవగాహన ఉంటే సరిపోదు, సామాజిక అంశాలపై అవగాహనతో ఇంటర్వ్యూకి వెళ్లడం మంచిది.

ఇంటర్వ్యూకి వెళ్లే వ్యక్తులు ఖచ్చితంగా పాటించాల్సిన జాగ్రత్తలు:

• పురుషులు ఖచ్చితంగా ఫార్మల్ షర్ట్ ధరించి ఇన్ షర్ట్ వేసుకోవాలి.
• ఇన్ షర్ట్ వేసుకుని మాములు చెప్పులు, స్టండీల్స్ కాకుండా ఫార్మల్ షూజ్ వేసుకోవాలి.
• రాతలు, బొమ్మలు ఉన్న దుస్తువులను ధరించి వెళ్లినట్లైతే ఇంటర్వ్యూ చేసే వ్యక్తులకు మీపై నమ్మకం సన్నగిల్లుతుంది.
• ఇంటర్వ్యూకి వెళ్లే వ్యక్తులు రంగు విషయంలో తగు జాగ్రత్తలు తీసుకోవాలి.
• ఉద్యోగానికి ఇంటర్వ్యూకి వెళ్లే వ్యక్తులు ధరించే రంగు అనేది వాళ్లని నమ్మదగినదిగా చేస్తుంది.
• ఇంటర్వ్యూకి వెళ్తున్నారంటే బ్లాక్ షర్ట్ లేదా డ్రెస్ లు వేసుకోవచ్చు. ఇది మీ నాయకత్వ లక్షణానికి ప్రతీకగా నిలుస్తుంది.
• మీ దగ్గర అలాంటి రంగు దుస్తువులు లేకపోతే గనుక వైట్ కలర్ డ్రెస్ వేసుకోవడం ఉత్తమం.
• బ్లూ కలర్ దుస్తువులు ధరించి కూడా ఇంటర్వ్యూకి వెళ్లవచ్చు. ఈ రంగు ఇంటర్వ్యూ చేసే వారికి మీరు కష్టపడి పని చేస్తారనే నమ్మకాన్ని కలిగిస్తుంది.
• మరీ ముఖ్యంగా చేతికి ఉంగరాలు, కడియాలు, మెడలో గొలుసులు లేకుండా చూసుకోవాలి.
• బుడిద రంగు వస్తువులను ధరించి కూడా ఇంటర్వ్యూకి వెళ్లవచ్చు.
• ఇక అమ్మాయిల దుస్తువుల విషయానికొస్తే.. చీర, కుర్తా, ప్యాంట్ వంటివి ధరించి ఇంటర్వ్యూకి వెళ్లవచ్చు.