follow us:
ఇన్నేళ్ల ఐపీఎల్ చరిత్రలో ఏ జట్టు చేయని పనిని చెన్నై సూపర్ కింగ్స్ చేసింది. అలా చేసేసరికి అందరికీ ఫస్ట్ ఆశ్చర్యపోయారు. ప్రస్తుతం అందుకు సంబంధించిన వీడియోలు సోషల్ మీడియాలో వైరల్ గా మారిపోయాయి.
ఐపీఎల్ లో ఐదోసారి కప్ కొట్టిన చెన్నై.. సరికొత్త చరిత్ర సృష్టించింది. దాదాపు మూడు రోజుల పాటు సాగిన ఫైనల్లో గుజరాత్ ని ఓడించి మరీ విజేతగా నిలిచింది. మంగళవారం అంతా సోషల్ మీడియాలో మొత్తం ఈ హడావుడి నడిచింది. చెన్నై టీమ్, ధోనీని ప్రతిఒక్కరూ ఆకాశానికెత్తేశారు. ఫొటోలు, వీడియోలు అబ్బో అదో పెద్ద రచ్చ అనేంతలా సందడి చేశారు. ఇదంతా పక్కనబెడితే చెన్నై సూపర్ కింగ్స్ మేనేజ్ మెంట్ చేసిన ఓ పని ఇప్పుడు అందరినీ ఆశ్చర్యపరిచింది. ఎందుకంటే ఇన్నేళ్ల ఐపీఎల్ చరిత్రలో కప్ గెలిచిన తర్వాత అలా ఎవరూ చేయలేదు మరి. ఇంతకీ ఏం జరిగింది?
అసలు విషయానికొచ్చేస్తే.. ఎన్ని వేలకోట్లు సంపాదించినా సరే ఎవరి సెంటిమెంట్స్ వారికి ఉంటాయి. వాటిని మనం కచ్చితంగా గౌరవించాల్సిందే. చెన్నై సూపర్ కింగ్స్ మేనేజ్ మెంట్ కి కూడా అలాంటి సెంటిమెంట్ గట్టిగానే ఉన్నట్లు అనిపించింది. ఎందుకంటే మే 29న రాత్రి మొదలైన మ్యాచ్.. 30వ తేదీ వేకువజామున 2:30 వరకు జరిగింది. ట్రోఫీ సెలబ్రేషన్స్ అయిపోయిన తర్వాత csk టీమ్ అంతా కూడా చెన్నై తిరిగొచ్చేసింది. సొంత రాష్ట్రంలోని సక్సెస్ సెలబ్రేషన్స్ లో పాల్గొంది. ఆ తర్వాత ట్రోఫీని చెన్నైలోని త్యాగరాయ నగర్ లో ఉన్న టీటీడీ దేవస్థానానికి తీసుకెళ్లింది. వేద పండితులు.. శ్రీవారి సమక్షంలో ఐపీఎల్ ట్రోఫీకి ప్రత్యేక పూజలు నిర్వహించారు.
ఇందుకు సంబంధించిన చాలా వీడియోలు వైరల్ గా మారిపోయాయి. ఈ వీడియోలో భాగంగా ట్రోఫీని, ఇండియా సిమెంట్స్ వైస్ ఛైర్మన్ శ్రీనివాసన్.. టీటీడీ దేవాలయానికి తీసుకురావడం క్లియర్ గా కనిపిస్తోంది. అయితే ఇన్నేళ్ల ఐపీఎల్ చరిత్రలో చాలా జట్లు ఐపీఎల్ ట్రోఫీలు గెలుచుకున్నప్పటికీ.. ఇలా దేవుడి దగ్గరికి తీసుకెళ్లి మరీ ట్రోఫీకి పూజ చేయడం ఇదే తొలిసారి. ఇదిలా ఉండగా ఆదివారం జరగాల్సిన ఫైనల్ ని వర్షం కారణంగా రిజర్వ్ డేకి మార్చారు. సోమవారం తొలుత బ్యాటింగ్ చేసిన గుజరాత్ 214 పరుగుల భారీ స్కోరు చేసింది. బ్రేక్ టైంలో మరోసారి వర్షం పడి దాదాపు మూడు గంటల పాటు మ్యాచ్ ఆగిపోయింది. ఆ తర్వాత చెన్నైకి 15 ఓవర్లలో 171 పరుగుల టార్గెట్ ఫిక్స్ చేశారు. దీన్ని ఛేదించిన చెన్నై ఐదోసారి విజేతగా నిలిచింది. సరే ఇది పక్కనబెడితే ఐపీఎల్ ట్రోఫీకి పూజలు చేయడంపై మీరేం అనుకుంటున్నారు? కింద కామెంట్ చేయండి.
Straight from #Ahmedabad to Tnagar #TTD temple #IPL cup #MSD pic.twitter.com/IJI6m3UHdS
— Mahesh Bhatt (@MaheshBhatt2016) May 30, 2023
