follow us:
తప్పు చేయడం ఎంత తప్పో.., ఆ తప్పు జరగడానికి అవకాశం ఇవ్వడం కూడా అంతే తప్పు. జీవితాలను నాశనం చేసే కొన్ని విషయాల్లో చాలా జాగ్రత్తగా ఉండాలి. ఇలా ఆలోచించకే ఓ ఇల్లాలు చేసిన చిన్న తప్పు పెద్ద అనర్ధానికి కారణం అయ్యింది. ఆ వివరాల్లోకి వెళ్తే..
ముంబై లోని థానే ప్రాంతంలో సుప్రియ, కిషోర్ షిండే అనే దంపతులు నివాసం ఉంటున్నారు. నచ్చిన పని, అందమైన భార్య, మంచి కాపురం, ఏవో చిన్న చిన్న ఆశలు ఇదే కిషోర్ షిండే జీవితం. తనని ప్రాణంగా చూసుకునే భర్త అంటే సుప్రియకి కూడా చాలా ఇష్టం. వీరి జీవితం ఆనందంగా సాగిపోతున్న వేళ విశాల్ వీరి జీవితంలోకి వచ్చాడు.
కిషోర్ ప్రాణ స్నేహితుడు ఈ విశాల్. విశాల్ తన స్నేహితుడి ఇంటికి వస్తూ, పోతు ఉండేవాడు. ఈ సమయంలోనే స్నేహితుడి భార్యపైనే విశాల్ కన్నేశాడు. ఆమెని లొంగతీసుకోవాలని కిషోర్ వాళ్ల పక్కింట్లోనే అద్దెకు దిగాడు కూడా . ఎలాగైనా సుప్రియను లోబర్చుకోవాలని అన్నీ ప్రయత్నాలు చేశాడు. కానీ.., సుప్రియ మాత్రం తన భర్తకి ద్రోహం చేయలేనని తేల్చి చెప్పింది. కానీ.., సుప్రియ చేసిన తప్పు ఏమిటంటే.. విశాల్ ఇలా తనని ఇబ్బంది పెడుతున్న విషయాన్ని భర్తకి చెప్పలేదు. స్నేహితుల మధ్య గొడవ పెట్టడం ఎందుకు అన్నది ఆమె ఆలోచన. కానీ.., విశాల్ దీనిని ఆసరాగా చేసుకున్నాడు. సుప్రియని మరింత ఒత్తిడి చేయడం మొదలు పెట్టాడు.
రోజులానే ఆరోజు కూడా సుప్రియ ఒంటరిగా ఉన్నప్పుడు ఇంట్లోకి ప్రవేశించాడు. తన కోరిక తీర్చమని బలవంతం చేశాడు. అత్యాచారం చేయబోయాడు. దీంతో.. ఆమె అతని చెంప చెల్లుమనిపించింది. ఇక తన కోరిక తీరదు అని నిర్ణయించుకున్న ఆ కామ పిశాచి.. సుప్రియను తల నేలకేసి బాది.., ఆపై నైలాన్‌ తాడును మెడకు బిగించి సుప్రియని దారుణంగా హత్య చేశాడు. ఆపై శవాన్ని సోఫా కమ్‌ బెడ్‌లో కుక్కేసి.. అక్కడి నుంచి జారుకున్నాడు.
కిషోర్ ఇంటికి వచ్చి తన భార్య కోసం ఎంత వెతికినా ఆమె ఆచూకీ లభించలేదు. దీంతో.. పోలీసులకి కంప్లైంట్ ఇచ్చాడు. అప్పుడు కూడా విశాల్ నమ్మకంగా స్నేహితుడితో పాటు స్టేషన్ కి వెళ్ళాడు. తనకి ఏమి తెలియనట్టు అమాయకంగా స్నేహితుడిని నమ్మిస్తూ వచ్చాడు. కానీ.., ఈ లోపు ఇంట్లో బెడ్ కుషన్‌ చినిగి ఉండడం అనుమానించిన చుట్టుపక్కల వాళ్లు.. పైకి ఎత్తి చూడగా అందులో నుంచి సుప్రియ షిండే మృత దేహం బయటపడింది. పోలీసులు ఎంట్రీ ఇచ్చి తమదైన స్టయిల్ లో విచారణ చేయగా.. విశాల్ వికృత రూపం బయట పడింది. నమ్మకంగా ఉంటూనే ప్రాణ స్నేహితుడు ఇంత మోసం చేశాడా అంటూ కిషోర్ కన్నీరు మున్నీరు అవ్వడం అందరిని కదిలించి వేస్తోంది. మరి.. ఈ విషయంలో మీ అభిప్రాయాలను కామెంట్స్ రూపంలో తెలియజేయండి.
