దారుణం: పుట్టిన బిడ్డలను ఫ్రీజర్ లో దాచిపెట్టిన తల్లి! ఇలా ఒకరిని కాదు, ఏకంగా..!

పెళ్లైన చాలా మంది దంపతులకు పిల్లలు కలగడం లేదు. దీంతో ఎంతో మంది డాక్టర్లను సంప్రదిస్తూ ఎందరో దేవుళ్లకు మొక్కుతున్నారు. అయినా వాళ్లకు పిల్లలు మాత్రం కలగడం లేదు. దీంతో ఆ దంపతులు తీవ్ర మనోవేదనకు గురై చివరికి ఆత్మహత్యలకు పాల్పడుతున్నారు. కానీ, ఓ తల్లి మాత్రం.. పుట్టిన పిల్లలను పోషించలేక దారుణానికి పాల్పడింది. ఆలస్యంగా వెలుగులోకి వచ్చిన ఈ ఘటన స్థానికంగా తీవ్ర కలకలంగా మారింది. దక్షణి కొరియా సిరియా పరిధిలోని సువాల్ ప్రాంతంలో ఓ మహిళ (30) నివాసం ఉంటుంది. ఆమెకు గతంలో ఓ వ్యక్తితో వివాహ జరిగింది. పెళ్లైన కొంత కాలానికి ఈ దంపతులకు ముగ్గురు పిల్లలు జన్మించారు.

గత కొన్నేళ్ల నుంచి వీరి ఆర్థిక పరిస్థితి బాగా లేనట్లుగా తెలుస్తుంది. అయితే, 2018లో ఈ మహిళ గర్భం దాల్చింది. కొన్ని నెలల తర్వాత ఈ మహిళ ఓ ఆడబిడ్డకు జన్మనిచ్చింది. కూతురు పుట్టిందని సంతోషపడాల్సిన ఈ దుర్మార్గురాలు.. ఆ బిడ్డను చంపాలని అనుకుంది. ఇక తన భర్తకు తెలియకుండా ఆ పసి బిడ్డను గొంతు పిసికి చంపి ఇంట్లోని ప్రీజర్ లో దాచి పెట్టింది. కట్ చేస్తే.. మరో ఏడాది తర్వాత ఈ మహిళ ఈ సారి మగబిడ్డకు జన్మనిచ్చింది. అయినా ఈ ఇల్లాలు సంతోష పడలేదు. పుట్టిన మరుసటి రోజే ఆ మగబిడ్డను సైతం చంపి భర్తకు అనుమానం రాకుండా ఇంట్లో ఉన్న ఫ్రీజర్ లో దాచి పెట్టింది. ఈ విషయాన్ని ఎవరికీ అనుమానం రాకుండా చాలా జాగ్రత్తలు తీసుకుంది.

ఇకపోతే, ఆమె ప్రసవించిన ఆస్పత్రిలోని వైద్యులు ఆడిట్ నిర్వాహించారు. ఈ మహిళ 5 మందికి జన్మనిచ్చిందని రికార్డుల్లో ఉంది. అధికారులు ఆమె ఇంటికి వచ్చి చూడగా.. ఆ మహిళ వద్ద ముగ్గురు పిల్లలు మాత్రమే కనిపించారు. మిగతా పిల్లలు ఎక్కడ అని ఆమెను ప్రశ్నించగా.. నేను అబార్షన్ చేయించుకున్నానని భర్తకు చెప్పి అధికారులను నమ్మించే ప్రయత్నం చేశారు. ఆ మహిళ ప్రవర్తనతో ఆ ఆస్పత్రి వైద్యులకు అనుమానం కలిగింది. వెంటనే పోలీసులకు సమాచారం అందించారు. పోలీసులు ఆ మహిళను అదుపులోకి తీసుకుని విచారించగా అసలు నిజాలు బయటపెట్టి చివరికి నేరాన్ని అంగీకరించింది. పుట్టిన పిల్లలను పోషించలేక ఇద్దరు పిల్లలను గొంతు పిసికి హత్య చేసి ఫ్రీజర్ లో దాచి పెట్టానని తెలిపింది. ఆ మహిళ మాటలను విన్న ఆమె భర్త, అధికారులు, పోలీసులు అంతా షాక్ గురయ్యారు. దీంతో పోలీసులు శుక్రవారం ఆ మహిళను అరెస్ట్ చేశారు. ఆలస్యంగా వెలుగులోకి వచ్చిన ఈ దారుణ ఘటన స్థానికంగా సంచలనంగా మారింది.