ఆర్మీ దుస్తుల్లో వచ్చి గవర్నర్ ని కాల్చి చంపారు!

ఇటీవల రాజకీయ నేతలను టార్గెట్ చేసుకొని దుండగులు రెచ్చిపోతున్నారు. భారీ బహిరంగ సభలు, పబ్లిక్ మీటింగ్స్ లో పాల్గొంటున్న నేతలపై బాంబు దాడులు, కాల్చి చంపడం లాంటి సంఘటనలు ఎన్నో జరుగుతున్నాయి. ఎంత పోలీస్ సెక్యూరిటీ ఉన్నా వారి కళ్లుగప్పి దుండగులు ఇలాంటి చర్యలకు పాల్పపడుతున్నారు. తాజాగా పిలిప్పీన్స్‌లోని నీగ్రోస్ ఓరియంట‌ల్ గ‌వ‌ర్న‌ర్ ని కొంతమంది దుండగులు దారుణంగా కాల్చి చంపారు. పూర్తి వివరాల్లోకి వెళితే..

పిలిప్పీన్స్ లో నీగ్రోస్ ఓరియంటెల్ గవర్నర్ అయిన రాయల్ డిగామో ని కొంతమంది దుండగుల అత్యంతా దారుణంగా కాల్చి చంపారు. ఆయన శరీరంలోని వివిధ భాగాలపై తుపాకీ గాయాలు అయ్యాయని సెంట్రల్ విసయాస్‌లోని పోలీసు ప్రతినిధి లెఫ్టినెంట్ కల్నల్ గెరార్డ్ ఏస్ పెలారే తెలిపారు. దుండగులు ఆర్మీ దుస్తులు ధరించి వచ్చి ఆయనపై చాలా దగ్గర నుంచి కాల్పులు జరిపినట్లు తెలిపారు. ఈ కాల్పుల్లో గవర్నర్ తో పాటు మరో ఐదుగురు సామాన్య పౌరులు ప్రాణాలు కోల్పోయారు. ఘటన జరిగిన వెంటనే పోలీసులు రాయల్ డిగామో, పౌరులను హాస్పిటల్ కి తరలించారు. అప్పటికే వారందరూ చనిపోయారు. దుండగులు అజాల్ట్ రైఫిళ్లతో కాల్పులు జరిపినట్లు పోలీసులు తెలిపారు. కాల్పులు జరిపే సమయంలో వారంతా బుల్లెట్ ప్రూఫ్ దుస్తుల్లో ఉన్నట్లు తెలుస్తుంది.

ఇక పిలిప్సిన్స్ లో రాజకీయ కక్షలు ఎక్కువగానే ఉంటాయి.. తరచూ రాజకీయ నేతలు ఒకరిపై ఒకరు దాడులు జరుపుకుంటూనే ఉంటారు. ఈ క్రమంలోనే గవర్నర్ డిగామో ఇటీవల సుప్రీంకోర్టులో కేసు గెలిచారు. గత ఏడాది జరిగిన ఎన్నికల్లో రాయల్ డిగామో గెలుపు పై కొంత మంది కోర్టుకు వెళ్లారు. కోర్టులో రాయల్ డిగామో గెలిచి తన పదవిని దక్కించుకున్నాడు. రాయల్ డిగామో పై కాల్పులు జరిపిన తర్వాత దుండగులు అక్కడే ఉన్న వాహనాల్లో పారిపోయినట్లు వార్తలు వస్తున్నాయి. నేరస్థులను పట్టుకునేందుకు నీగ్రోస్ ఓరియంటల్ ప్రొవిన్షియల్ పోలీస్ డైరెక్టర్ కల్నల్ రేనాల్డో లిజార్డో నేతృత్వంలో స్థానిక పోలీసులు గాలింపు చర్యలు చేపడుతున్నారని పెలారే తెలిపారు.

Negros Oriental governor Roel Degamo and five others have been shot dead by unknown gunmen in the latest attack against local politicians in the Philippines https://t.co/GHOvMhK3qw pic.twitter.com/9pgfTSRNOt

— Al Jazeera English (@AJEnglish) March 4, 2023