కొత్త సిమ్‌ కార్డు కొనివ్వలేదని బాలుడు ఏం చేశాడంటే..

SIM CARD : చిన్న పిల్లలకు ప్రాణం విలువ తెలీకుండా పోతోంది. చిన్న చిన్న సమస్యలకు కూడా ప్రాణాలు తీసేసుకుంటున్నారు. ఓ బాలుడు కొత్త సిమ్‌ కార్డు అడిగితే కొనివ్వలేదని ఆత్మహత్య చేసుకున్నాడు. ఈ సంఘటన ఖమ్మం జిల్లాలో గురువారం చోటుచేసుకుంది. పోలీసులు తెలిపిన వివరాల మేరకు.. గుండాల మండలం నర్సాపురం గ్రామానికి చెందిన 17 ఏళ్ల ప్రేమసాగర్‌ స్మార్ట్‌ ఫోన్‌ వాడుతున్నాడు. అతడి ఫోన్‌లో ఉన్న సిమ్‌కు సిగ్నల్స్‌​ సరిగా రావటం లేదని, కొత్త సిమ్‌ కొనివ్వాలని తల్లిదండ్రులు సనప ముసలయ్య- పద్మలను అడిగాడు.

వారు కుదరదని అన్నారు. దీంతో మనస్తాపానికి గురైన బాలుడు గురువారం ఉదయం పురుగుల మందు తాగాడు. ఇది గమనించిన తల్లిదండ్రులు అతడ్ని గుండాల ఆస్పత్రికి తరలించారు. అక్కడ డాక్టర్లు మెరుగైన చికిత్సకోసం కొత్తగూడెం తీసుకెళ్లాలని సలహా ఇచ్చారు. ఆ తర్వాత అతడ్ని కొత్తగూడెం తరలించారు. అక్కడ చికిత్స పొందుతూ అతడు మృత్యువాత పడ్డాడు. సూసైడ్‌ కేసు నోమోదు చేసుకున్న పోలీసులు దర్యాప్తు చేపట్టారు. ఈ ఘటనపై మీ అభిప్రాయాలను కామెంట్ల రూపంలో తెలియజేయండి.

ఇవి కూడా చదవండి : పురుషుడ్ని చెట్టుకు కట్టేసి, కొట్టి చంపిన మహిళలు.. ఎందుకంటే?..

మరిన్ని లేటెస్ట్ అప్డేట్స్ కోసం SumanTV App డౌన్లోడ్ చేసుకోండి.