పానీ పూరి బిజినెస్.. నెలకు లక్ష పైనే ఆదాయం! ఏవేమి కావాలంటే?

పానీ పూరి అంటే ఇష్టపడని వారు ఉండరు. పానీ పూరికి ఉన్న డిమాండ్ గురించి ప్రత్యేకించి చెప్పాల్సిన పని లేదు. మన దేశంలో చాలా ప్రాముఖ్యత గల స్ట్రీట్ ఫుడ్. ఏ నీళ్లు వాడతారో తెలియదు. కానీ ఆ పానీ రుచి మాత్రం అద్భుతంగా ఉంటుంది. పానీ పూరి అబ్బాయ్, అతని ఆ చేతులు ఆ పానీ డ్రమ్ములో ముంచి తీస్తుంటే.. ఆ రుచే వేరు. అంత చిరాగ్గా చేసినా కూడా ఎగబడి తినే జనం ఉన్నారు ఈ సొసైటీ ఆఫ్ ఇండియాలో. మరి ఇంత డిమాండ్ ఉన్న బిజినెస్ ని మీ స్టైల్ లో చేసి లాభాలు గడించాలని అనుకుంటున్నారా? అయితే మీ కోసమే ఈ ఆర్టికల్. పానీ పూరి వ్యాపారమా? అని తక్కువ అంచనా వేయకండి. మిమ్మల్ని చులకన చేస్తారని అస్సలు అనుకోకండి. చేసే పనిలో నిజాయితీ ఉండాలే గానీ ఏ పని చేసినా తప్పు కాదు.

ఎవరో ఏదో అంటారు? అని ఆగిపోవడం కంటే మనమే మన గురించి ఏదో ఒకటి అనుకుని కసిగా ఏదో ఒకటి చేసి ఎదగాలి. పెద్ద పెద్ద చదువులు చదువుకున్న వాళ్ళే తమ ఉద్యోగాలని వదిలేసి ఇష్టమైన ఫుడ్ బిజినెస్ లు చేస్తూ లక్షల్లో గడిస్తున్నారు. నచ్చిన సమయంలో నచ్చినంత సమయం పని చేసుకోవచ్చు. ఒత్తిడి ఉండదు. టార్గెట్ ఉండదు. ఎక్కువ సమయం కష్టపడాల్సిన అవసరం ఉండదు. పైగా పానీ పూరి బిజినెస్ సాయంత్రం నుంచి మొదలవుతుంది. సాయంత్రం 4 గంటల నుంచి రాత్రి 8, 9 గంటల వరకూ జనం తినడానికి వస్తూనే ఉంటారు. షాపింగ్ మాల్స్ పక్కన చిన్నగా పానీ పూరి బండి పెట్టుకుంటే విపరీతమైన లాభాలు ఉంటాయి. పానీ పూరి మేకింగ్ మెషిన్ ద్వారా అయితే పని సులువుగా ఉంటుంది. మెషిన్ వల్ల తక్కువ సమయంలో ఎక్కువ మందికి సప్లై చేయవచ్చు. మీకు పానీ పూరి చేయడం రాకపోయినా.. ఆ పని తెలిసిన మనిషిని పెట్టుకోవచ్చు. మీరు యజమానిగా ఉంటూ.. కస్టమర్స్ కి అందివ్వడం, బిల్లింగ్స్ చూసుకుంటే చాలు. 

పానీ పూరి వల్ల ఆరోగ్య ప్రయోజనాలు:

• పానీ పూరి నోటికి రుచిని, మంచి అనుభూతినే కాకుండా ఆరోగ్యాన్ని కూడా ఇస్తుంది. 
• పానీ పూరిలో ఉండే పోషకాలు రక్తానికి ఆక్సిజన్ సరఫరా బాగా అందేలా చేస్తాయి. దీని వల్ల శరీరం యాక్టివ్ గా ఉంటుంది.
• పానీ పూరి తినడం వల్ల మెగ్నీషియం, ఫాస్ఫరస్, మాంగనీస్, పొటాషియం, ఫోలేట్, జింక్, విటమిన్ ఎ, విటమిన్ బి6, విటమిన్ బి 12, విటమిన్ సి, విటమిన్ డి మీ శరీరానికి అందుతాయి. 
• పానీ పూరి మూలికలు, చింతపండు నీరు వంటి వాటితో తయారుచేస్తారు. కాబట్టి ఎసిడిటీ సమస్య తగ్గుతుంది. 
• పానీ పూరి ప్రేమికులకు ఇంతకంటే మంచి శుభవార్త ఇంకెక్కడ ఉంటుంది.
• పానీ పూరి తింటే ఇన్ని లాభాలు ఉన్నాయని తెలిసేలా పేపర్ మీదనో, చిన్న ఫ్లెక్సీ మీదనో రాసి పెడితే తినేవాళ్లు కూడా భయం లేకుండా తృప్తిగా తింటారు. 

పానీ పూరి బిజినెస్ కి కావాల్సినవి:

• ముడి పదార్థాలు
• పానీ పూరి మేకింగ్ మెషీన్
• కౌంటర్ విత్ వాటర్ ఫిల్లింగ్ మెషిన్
• పానీ పూరి స్టాండ్ పెట్టడానికి ప్రదేశం
• పానీ పూరి వ్యాపారానికి పెట్టుబడి అంచనా 

 ముడి పదార్థాలు:

• మైదా పిండి, మంచి నీరు, వంట నూనె, బంగాళాదుంపలు, సుగంధ ద్రవ్యాలు, మూలికలు, చింతపండు వంటివి ఉండాలి. పానీ పూరి తయారీలో ముఖ్యమైంది చింతపండు రసం. కొంతమంది పెరుగు, చట్నీతో పానీ పూరి తినేందుకు ఇష్టపడుతున్నారు. కస్టమర్ల డిమాండ్ బట్టి మీరు తయారుచేసి ఇవ్వచ్చు. 

పానీ పూరి మేకింగ్ మెషీన్స్:

• గంటకి 5000 పానీ పూరి చేసే ఆటోమెటిక్ మెషిన్లు ఉన్నాయి. వీటి ధర 35 వేల నుంచి 50 వేలు ఉంటుంది. చిన్న మెషీన్లు అయితే 25 వేల నుంచి 40 వేల వరకూ ఉంటాయి. మేకింగ్ మెషిన్ తో పాటు పానీ పూరి ఫిల్లింగ్ మెషిన్ కావాల్సి ఉంటుంది. ఇది పానీ పూరి నీరు నిల్వ చేయడానికిఉపయోగపడుతుంది. ఇది కౌంటర్ తో పాటు కలిపి వస్తుంది. అంటే కింద వాటర్ నిల్వ చేసుకునేలా, పైన పానీ పూరిలు పెట్టుకునేలా ఉంటుంది. దీని ధర 35 వేల నుంచి ఉంటుంది. ఈ మెషీన్లు ఆన్ లైన్ లో దొరుకుతాయి. ఒక కౌంటర్ విత్ వాటర్ ఫిల్లింగ్ మెషిన్, పానీ పూరి మేకింగ్ మెషిన్ కావాలి. దీనికి మీకు అయ్యే పెట్టుబడి 60 వేల నుంచి లక్ష లోపు ఉంటుంది.

పానీ పూరి స్టాండ్:

• ఖాళీ ప్రదేశం కావాలి. షాపింగ్ మాల్స్ ముందు లేదా రద్దీ ప్రదేశాలు, మార్కెట్ ప్రదేశాల వద్ద కొంత ప్రదేశాన్ని రెంట్ కి తీసుకోవచ్చు. పెద్ద పెద్ద షాపింగ్ మాల్స్ దగ్గర కూడా పెట్టుకోవచ్చు. ఎక్కువ మంది జనాలు తిరిగే రద్దీ ప్రదేశంలో పెట్టుకునేలా ప్లాన్ చేసుకోండి.

పెట్టుబడి: మెషీన్లకి 60 వేల నుంచి లక్ష లోపు ఉంటుంది. 

లైసెన్స్: ఫుడ్ సేఫ్టీ అండ్ సెక్యూరిటీ అథారిటీ ఆఫ్ ఇండియా నుంచి లైసెన్స్ తీసుకోవాలి. అలానే జీఎస్టీ కూడా అప్లై చేయాలి. 

ఆదాయం:

• బిజినెస్ పెట్టిన పాయింట్ మంచిదైతే గంటకి 800 నుంచి 1000 వరకూ సంపాదించవచ్చు. 8 గంటలు పని చేసినా 6 వేల నుంచి 8 వేల వరకూ సంపాదించుకోవచ్చు. వీటిలో షాప్ రెంట్ కి, కరెంట్ బిల్లు, జీఎస్టీ, ఇతర ముడి పదార్థాలకు పెట్టిన ఖర్చులు అన్నీ తీసేయగా తక్కువలో తక్కువ కనీసం 2 వేలు అయినా లాభం ఉంటుంది. నెలకు 60 వేలు సంపాదించుకోవచ్చు. ఏరియాని బట్టి, చేసుకునే విధానం బట్టి ఆదాయంలో మార్పులు ఉంటాయి.

నగరాల్లో నివసించే మనుషులు తినే ఫుడ్డు శుభ్రంగా ఉండాలని కోరుకుంటున్నారు. చేతికి గ్లౌజులు వేసుకుని.. చేతులతో టచ్ చేయకుండా మెషిన్ల ద్వారా చేసిన ఫుడ్ నే ఇష్టపడుతున్నారు. పైగా మెషిన్ల ద్వారా తక్కువ సమయంలో ఎక్కువ మందికి సర్వ్ చేయవచ్చు. కాబట్టి మీ దగ్గర ఒక లక్ష రూపాయలు ఉంటే ఈ పానీ పూరి వ్యాపారం మంచి లాభాలను తెచ్చిపెడుతుంది. చూడండి మాష్టారు.. ఇప్పటి వరకూ మీరు ఎన్నో నష్టపోయిన బిజినెస్ లని చూసి ఉంటారు. కానీ పానీ పూరి బిజినెస్ చేసి నష్టపోయిన మనిషిని చూసి ఉండరు. పానీ పూరి బిజినెస్ కి ఉన్న క్రేజ్ అదే. దాన్ని నమ్ముకున్న వారికి ఆ పానీ  పూరి ఎప్పుడూ హ్యాండ్ ఇవ్వదు. మరి పానీ పూరి బిజినెస్ పై మీ అభిప్రాయం ఏమిటో కామెంట్ చేయండి.