పెళ్లి తర్వాత పాన్‌ కార్డులో ఇంటి పేరు మార్చాలనుకుంటున్నారా? అయితే ఇలా చేయండి..!

పెళ్లైన అనంతరం ఆడబిడ్డలు పుట్టినింటిని వదిలి మెట్టినింటిలో అడుగుపెడుతుంటారు. ఈక్రమంలో ఎన్నో సమస్యలు ఎదురవుతుంటాయి. సమస్యలు అంటే.. అత్తా కోడళ్ల గొడవలు, వరకట్నం వేధింపులు, గృహహింస అనుకోకండి.. ఇంటి పేరు, అడ్రస్ మార్చుకోవడం. ప్రతి అధికారిక డాక్యుమెంట్ లో ఈ పని చేయాల్సి ఉంటుంది. ఆధార్, పాన్, పాస్ పోర్ట్.. ఇలా ప్రతి డాక్యుమెంట్ లో మార్చుకోవాల్సి ఉంటుంది. ఏం కాదులే అని వదిలేశామా! ఆ అవసరం వచ్చిన రోజు జరగాల్సిన పనులు పనులు ఆగుతాయి. ఆ ఇబ్బందులను తొలగించుకోవాలంటే ఇప్పుడే ఇంటిపేరును మార్చుకోవడమే పరిష్కారం. ఇప్పుడు పెళ్లి తర్వాత పాన్‌కార్డ్‌లో పేరు ఎలా మార్చుకోవాలో తెలుసుకుందాం..

పాన్‌ కార్డులో ఇంటి పేరు మార్చుకునే విధానం..

• ముందుగా పాన్ కార్డు ఇష్యూ చేసే సంస్థ నేషనల్ సెక్యూరిటీస్ డిపాజిటరీ లిమిటెడ్(NSDL) అధికారిక వెబ్ సైట్(www.tin-nsdl.com) ఓపెన్ చేయాలి.
• ఇప్పుడు సంబంధిత వెబ్‌సైట్‌ ఓపెన్‌ అవుతుంది.
• ఇందులో ‘Services’ విభాగంలో PAN అనే ఆప్షన్‌ ఎంచుకోవాలి.
• అనంతరం కిందకు స్క్రోల్‌ చేస్తూ పోతే.. Change/Correction in PAN Data అనే ఆప్షన్‌పై క్లిక్‌ చేయాలి.
• ఇప్పుడు ఇన్స్ట్రుక్షన్స్ వస్తాయి.. అలానే కిందకు స్క్రోల్‌ చేస్తే ‘Category Of Application’ అనే ఆప్షన్‌ కనిపిస్తుంది. దాన్ని క్లిక్ చేయాలి..
• మీరు వ్యక్తి కనుక Individual అనే ఆప్షన్‌ ఎంచుకోవాలి.
• ఇప్పుడు పాన్‌ కార్డుకు సంబంధించిన కరెక్షన్‌ పేజీ ఓపెన్‌ అవుతుంది. అక్కడ పేరు, పుట్టిన తేదీ, అడ్రస్, ఇ-మెయిల్‌, ఫోన్‌ నంబరు ఇలా అన్నింటినీ మార్చుకొనే వీలుంటుంది. .
• ఈ వివరాలన్నీ సబ్మిట్‌ చేశాక మీకో టోకెన్‌ నంబర్‌ జారీ చేస్తారు. తర్వాత కింద బటన్‌పై క్లిక్‌ చేసి తర్వాతి ప్రక్రియకు వెళ్లాలి.
• సబ్మిట్‌ చేశాక పేమెంట్‌ ఆప్షన్‌ వస్తుంది. నచ్చిన విధానంలో పేమెంట్‌ చేసే వెసులుబాటు ఉంటుంది.
• పేమెంట్‌ అయిన వెంటనే మీరు కార్డును అప్‌డేట్‌ చేసినట్టుగా ఓ స్లిప్‌ వస్తుంది. దాన్ని డౌన్‌లోడ్ చేయాలి.
• డౌన్‌లోడ్ చేసిన అక్నాలెడ్జ్మెంట్ స్లిప్‌ను ప్రింటవుట్‌ తీసుకుని దానిపై రెండు ఫొటోలు అతికించి సంబంధిత పత్రాలను ఎన్‌ఎస్‌డీఎల్‌ కార్యాలయానికి పంపించాలి. కొన్ని రోజుల అనంతరం అప్‌డేట్‌ చేసిన పాన్ కార్డు మీ అడ్రస్ కు వస్తుంది.

అక్నాలెడ్జ్‌మెంట్ స్లిప్ పంపవలసిన చిరునామా..

NSDL e-Gov at Income Tax PAN Services Unit
NSDL e-Governance Infrastructure Limited
5th Floor, Mantri Sterling
Plot No. 341, Survey No. 997/8, Model Colony
Near Deep Bungalow Chowk
Pune- 411016

• పాన్ కార్డులో కరెక్షన్స్ చేయాలనుకున్న వారు ఈ లింక్ పై క్లిక్ చేయండి