6 లక్షలకే కారు.. 33 కి.మీ. కంటే ఎక్కువ మైలేజ్.. వివరాలివే..

ఒక పక్క పెరిగిపోతున్న చమురు ధరలు. దీనికి తోడు తక్కువ మైలేజ్ ఇచ్చే కార్లు. కార్లు కొందామంటే ఆలోచించే పరిస్థితి. ఒకవేళ మీరు కారు కొనాలని అనుకుంటే.. ధర తక్కువ ఉండి, మైలేజ్ ఎక్కువ ఉండాలని అనుకుంటే ఈ ఆర్టికల్ మీకు ఉపయోగపడుతుంది. ఎలాగూ కారు కొనాలని ఫిక్స్ అయి ఉంటారు. కొంచెం మైలేజ్ ఎక్కువ ఉన్నదే తీసుకుంటే మంచిది కదా. మరీ 20, 25 కిమీలు మైలేజ్ ఇచ్చే కారు కొని బుర్ర పాడుచేసుకోవడం ఎందుకు చెప్పండి. ఇంకో 10 కిమీలు పెంచుకుని చమురు భారాన్ని తగ్గించుకుంటే లైఫ్ ఎంత సాఫీగా సాగిపోతుందో కదా. ఇప్పటికే మారుతీ కార్లపై భారీ డిస్కౌంట్లు ప్రకటించింది మారుతి సుజుకి కంపెనీ.

తాజాగా ఈ కంపెనీ తక్కువ ధరలో ఎక్కువ మైలేజ్ ఇచ్చే కారుని విడుదల చేసింది. మారుతి సుజుకి ఆల్టో కె 10 మోడల్ ని సీఎన్జీతో కూడా విడుదల చేసింది. ఈ కారు తక్కువ ధర కలిగి ఉండడమే గాక ఉత్తమ ఫీచర్లను కలిగి ఉంది. మారుతి సుజుకి తాజాగా ఆల్టో కె10 సీఎన్జీ వీఎక్స్ఐ వేరియంట్ ను విడుదల చేసింది. ఇది 64.46 హెచ్.పీ శక్తితో, 82.1 ఎన్ఎం టార్క్ తో నడుస్తుంది. కంపెనీ క్లెయిమ్ చేసిన దాని ప్రకారం ఇది కేజీకి 33.85 కిమీ మైలేజ్ ఇస్తుంది. 1.0 లీటర్ కె-సిరీస్ డ్యూయల్ జెట్, డ్యూయల్ వివిటీ ఇంజిన్ కలిగి ఉన్న ఈ కారు పెట్రోల్ వేరియంట్ లో కూడా లభిస్తుంది. ఇది లీటర్ కి 25 కిమీల మైలేజ్ ఇస్తుంది.

పెట్రోల్ తో పోలిస్తే.. సీఎన్జీ వేరియంట్ లో మార్పులు చేశారు. ముందు భాగంలో 13-అంగుళాల టైర్లపై రీబిల్డ్ చేసిన గ్రిల్, కొత్త సైడ్ ప్రొఫైల్, కొత్త వీల్ క్యాప్ డిజైన్ ఉన్నాయి. కారు లోపల అయితే టచ్ స్క్రీన్ డిస్ప్లేను కలిగి ఉంటుంది. ఈ డిస్ప్లే యాపిల్ కార్ ప్లే, ఆండ్రాయిడ్ ఆటో కనెక్టివిటీని సపోర్ట్ చేస్తుంది. ఇక దీని ధర విషయానికొస్తే.. ఎక్స్ షోరూం ధర రూ. 5.95 లక్షలుగా ఉంది. అయితే సీఎన్జీ వేరియంట్ కేజీకి 33.85 కిమీల మైలేజ్ ఇస్తుండడంపై ఈ కారుపై మంచి స్పందన వస్తోంది.

Maruti Alto K10 CNG Launch Price Rs 5.94 L – 33.85 Km/Kg Mileage https://t.co/IueW2xE5I9 pic.twitter.com/beZnES5DIp

— RushLane (@rushlane) November 18, 2022