ఇంటర్ పూర్తి చేసిన అమ్మాయిలకు రూ.1.50 లక్షల ఆర్థిక సహాయం.. అస్సలు మిస్ చేసుకోకండి.

ఉత్తమ ప్రతిభ కనబరిచే విద్యార్థులకు ప్రభుత్వాలు, పలు సంస్థలు, బ్యాంకులు స్కాలర్ షిప్ లు ఇస్తుంటాయి. బాగా చదివే టాపర్లు ఆర్థిక పరిస్థితి బాగోలేక అక్కడే ఆగిపోకూడదన్న ఉద్దేశంతో స్కాలర్ షిప్ లను ఇస్తుంటారు. ఈ క్రమంలో కోటక్ మహీంద్రా బ్యాంక్ కూడా ఆడపిల్లల ఉన్నత చదువుల కోసం లక్షా 50 వేల రూపాయల స్కాలర్ షిప్ ని అందిస్తుంది. కోటక్ ఎడ్యుకేషన్ ఫౌండేషన్ ద్వారా ఆర్థికంగా వెనుకబడిన అమ్మాయిలకు ఆర్థిక సహాయం చేస్తున్నారు. 2023 సంవత్సరానికి సంబంధించి కోటక్ కన్య స్కాలర్ షిప్ పేరుతో ఒక నోటిఫికేషన్ విడుదలయ్యింది. మరి ఈ స్కాలర్ షిప్ కి కావలసిన అర్హతలు ఏమిటి? ఎలా దరఖాస్తు చేసుకోవాలి? వంటి వివరాలు మీ కోసం.

అర్హతలు:

• దేశవ్యాప్తంగా ఉన్న మెరిట్ విద్యార్థినులకు స్కాలర్ షిప్ వర్తిస్తుంది.
• ఇంటర్ లో 85 శాతం లేదా అంతకంటే ఎక్కువ ఉత్తీర్ణత వచ్చి ఉండాలి. లేదా తత్సమాన సీజీపీఏ కలిగి ఉండాలి.
• దరఖాస్తు చేసుకునే విద్యార్థినుల కుటుంబ వార్షిక ఆదాయం రూ. 6 లక్షల కంటే తక్కువ ఉండాలి.
• 2023 అకడమిక్ సంవత్సరంలో ప్రముఖ విద్యాసంస్థల్లో ఇంజనీరింగ్, ఎంబీబీఎస్, ఇంటిగ్రేటెడ్ ఎల్ఎల్బీ, డిజైన్, ఆర్కిటెక్చర్ లాంటి ప్రొఫెషనల్ కోర్సులు చేసేవారు అర్హులు.
• కోటక్ మహీంద్రా గ్రూప్ కి చెందిన ఉద్యోగుల పిల్లలు, కోటక్ ఎడ్యుకేషన్ ఫౌండేషన్ కి చెందిన ఉద్యోగుల పిల్లలు, బడ్డీ 4 స్టడీకి చెందిన ఉద్యోగుల పిల్లలు ఈ స్కాలర్ షిప్ కి అనర్హులు.

స్కాలర్ షిప్ ప్రయోజనాలు:

• డిగ్రీ లేదా ప్రొఫెషనల్ గ్రాడ్యుయేషన్ చేసే విద్యార్థినులకు కోర్సు పూర్తయ్యేవరకూ ఏడాదికి రూ. లక్షన్నర చొప్పున స్కాలర్ షిప్ అందుతుంది.

దరఖాస్తు ప్రక్రియ:

• ఈ లింక్ పై క్లిక్ చేసి అప్లై నవ్ బటన్ మీద క్లిక్ చేయండి.
• అక్కడ అప్లై నవ్ మీద క్లిక్ చేస్తే రిజిస్టర్ అని ఒక ఆప్షన్ కనబడుతుంది.
• ఆల్రెడీ రిజిస్టర్ అయి ఉంటే జీమెయిల్ ద్వారా లేదా మొబైల్ నంబర్ ద్వారా లాగిన్ అవ్వండి.
• ఆ తర్వాత కోటక్ కన్య స్కాలర్ షిప్ 2023 అప్లికేషన్ ఫారం పేజ్ ఓపెన్ అవుతుంది.
• స్టార్ట్ అప్లికేషన్ బటన్ మీద క్లిక్ చేస్తే ప్రక్రియ ప్రారంభమవుతుంది.
• ఆన్ లైన్ స్కాలర్ షిప్ ఫారం మీద మీ పేరు, ఇతర వివరాలు పొందుపరచాలి.
• సంబంధిత డాక్యుమెంట్లు అప్లోడ్ చేయాలి.
• టర్మ్స్ అండ్ కండిషన్స్ ని అంగీకరించి.. ప్రివ్యూ మీద క్లిక్ చేయండి.
• పొందుపరిచిన అన్ని వివరాలు సరిగా ఉన్నాయని నిర్ధారించుకున్నాక సబ్మిట్ బటన్ మీద క్లిక్ చేయండి.
• అప్లికేషన్ ప్రక్రియ పూర్తవుతుంది.

కావలసిన డాక్యుమెంట్లు:

• ఇంటర్ మార్క్ షీట్
• తల్లిదండ్రులు లేదా సంరక్షకుల ఆదాయ ధ్రువీకరణ పత్రం
• 2022-23 ఆర్థిక సంవత్సరానికి సంబంధించి తల్లిదండ్రులు చేసినటువంటి ఐటీ రిటర్న్స్ ఉంటే సబ్మిట్ చేయవచ్చు.
• ఏ కాలేజ్ లో అయితే చదువుతున్నారో దానికి సంబంధించిన ఫీజు స్ట్రక్చర్ 2023-24 సంవత్సరానికి సంబంధించినవి సబ్మిట్ చేయాలి.
• కాలేజ్ నుంచి బోనఫైడ్ స్టూడెంట్ సర్టిఫికెట్, లెటర్ ఉండాలి.
• కాలేజ్ సీట్ కేటాయించినట్టు డాక్యుమెంట్ ఉండాలి.
• కాలేజ్ ఎంట్రన్స్ ఎగ్జామినేషన్ స్కోర్ కార్డు ఉండాలి.
• ఆధార్ కార్డు, బ్యాంక్ పాస్ బుక్, పాస్ పోర్ట్ సైజ్ ఫోటో
• అంగవైకల్యం ఉంటే కనుక దానికి సంబంధించిన సర్టిఫికెట్
• ఇంట్లో తల్లి లేదా తండ్రి ఒకరే ఉంటే కనుక లేదా అనాథ పిల్లలు అయితే కనుక వారు చనిపోయినట్టు ధృవీకరించే మరణ ధృవీకరణ పత్రం ఉండాలి.

దరఖాస్తు వివరాలు:

• దరఖాస్తు ప్రారంభ తేదీ: జూలై 12 2023
• దరఖాస్తు చివరి తేదీ: 30 సెప్టెంబర్ 2023

వివరాలకు సంప్రదించవలసిన మెయిల్, ఫోన్ నంబర్:

• ఈమెయిల్: kotakscholarship@buddy4study.com
• ఫోన్ నంబర్: +91-11-430-92248 (Ext: 262)

 

• నోటిఫికేషన్ కోసం ఇక్కడ క్లిక్ చేయండి
• దరఖాస్తు చేసుకునేందుకు ఇక్కడ క్లిక్ చేయండి