follow us:
తెలుగు ప్రేక్షకులకు చాలా తక్కువ సమయంలో దగ్గరైన రియాలిటీ షో ‘బిగ్ బాస్’. ఇప్పటివరకు ఐదు సీజన్లు పూర్తి చేసుకున్న బిగ్ బాస్ టీవీ షో నుండి త్వరలోనే 6వ సీజన్ మొదలుకానుంది. అయితే.. మూడో సీజన్ నుండి హోస్ట్ గా వ్యవహరిస్తున్న అక్కినేని నాగార్జున.. ఇప్పుడు ఆరో సీజన్ కూడా హోస్ట్ చేయనున్నాడు. ఇక సెప్టెంబర్ 4 నుండి బిగ్ బాస్ సీజన్ 6 ప్రారంభం కాబోతుంది. దీనికి సంబంధించి ఆల్రెడీ ప్రోమోలు, అధికారిక ప్రకటనలు కూడా వెలువడ్డాయి.
ఇక బిగ్ బాస్ సీజన్ 6 అనౌన్స్ అయినప్పటి నుండి ఈసారి కంటెస్టెంట్స్ గా ఎవరెవరు రాబోతున్నారు? అనే ఆసక్తి అందరిలో నెలకొంది. ఇప్పటికే బిగ్ బాస్ లో పాల్గొనబోయేవారి లిస్ట్ కూడా ఫైనల్ అయ్యిందని.. వారెవరు అనేది నేరుగా సెప్టెంబర్ 4నే రివీల్ చేయనున్నారని టాక్. కింగ్ నాగార్జున హోస్ట్ గా ఇది 5వ సీజన్ అనే చెప్పాలి. బిగ్ బాస్ టీవీ షోలు 3, బిగ్ బాస్ ఓటిటి ఒక సీజన్.. ఇప్పుడు బిగ్ బాస్ 6తో కలిపి సక్సెస్ ఫుల్ గా హోస్ట్ స్థానంలో కంటిన్యూ అవుతున్నాడు నాగ్.
ఇదిలా ఉండగా.. గతంలో బిగ్ బాస్ కంటెస్టెంట్స్ లో ఓ సెలబ్రిటీ కపుల్ కూడా పాల్గొన్న సంగతి తెలిసిందే. హీరో వరుణ్ సందేశ్ – వితికా షేరు పాల్గొని సందడి చేశారు. అయితే.. ఈసారి కూడా నిర్వాహకులు మరో సెలబ్రిటీ జంటను బిగ్ బాస్ లో ప్రవేశపెట్టే ఆలోచనలో ఉన్నారని వార్తలు వినిపిస్తున్నాయి. తాజా సమాచారం ప్రకారం.. బిగ్ బాస్ 6లో సింగర్స్ హేమచంద్ర – శ్రావణ భార్గవి పాల్గొనబోతున్నట్లు తెలుస్తుంది. మరి ఇందులో ఎంత నిజం ఉందో తెలియలేదు. కానీ.. ఈ జంట పేర్లు వైరల్ అవుతున్నాయి. మరి బిగ్ బాస్ 6 పై మీ అభిప్రాయాలను కామెంట్స్ లో తెలియజేయండి.
View this post on Instagram
