తెలుగు, తమిళ, హిందీ భాషల్లో స్టార్ హీరోయిన్ గా గుర్తింపు తెచ్చుకుని ఓ వెలుగు వెలుగుతున్న భామ శృతిహాసన్. కమల్ హాసన్ కూతురిగా మొదట్లో సినిమా రంగాల్లోకి ఎంట్రీ ఇచ్చినా.. అనంతరం తన అందం, నటనతో తనకంటూ ఓ ప్రత్యేక గుర్తింపు సంపాందించింది. ఇండస్ట్రీలో ముక్కుసూటి అమ్మాయిగా నిలిచిన ఈ హాట్ బ్యూటీ ఈ మధ్య వార్తల్లో బాగా కనిపిస్తుంది. సినిమాల ద్వారానే కాకుండా వ్యక్తిగత విషయాల ద్వారా కూడా శృతీ పాపులర్ అవుతూ వచ్చింది. ప్రస్తుతం శాంతను హజారిక అనే చిత్రకారుడితో పీకల్లోతు ప్రేమలో ఉంది.
తాజాగా ఇన్ స్టాగ్రామ్ లో కపుల్ గోల్స్ పేరిట నిర్వహించిన క్విజ్ లో పాల్గొన్నారు. ఆ వీడియోలో వచ్చే పలు ప్రశ్నలకు సమాధానాలు చెప్పారు. ఈ క్రమంలో ముందుగా ఎవరు ప్రపోజ్ చేశారు అన్న ప్రశ్నకు.. నేను అంటూ శృతిహాసన్ సమాధానం చెప్పింది. దీనికి సంబంధించిన వీడియోను తన ఇన్స్టాగ్రామ్ లో షేర్ చేసింది. ఈ ఇద్దరు ఇలా ఇన్ స్టాలో అడిగిన ప్రశ్నలకు సమాధానాలు చెప్తూ ఎంజాయ్ చేశారు. అందుకు సంబంధించిన వీడియో వైరల్ గా మారింది. ప్రస్తుతం ఈ బ్యూటీ ప్రభాస్తో కలిసి ‘సలార్’ సినిమాలో నటిస్తున్న సంగతి తెలిసిందే. శృతిహాసన్ ఇచ్చిన సమాధానాలపై మీ అభిప్రాయాలను కామెంట్స్ రూపంలో తెలియజేయండి.