తెలంగాణలో ఆగని కుక్కల దాడులు.. ఈసారి ఐదేళ్ల చిన్నారిపై!

తెలంగాణలో వీధి కుక్కల దాడుల ఘటనలు రోజురోజుకీ పెరుగుతున్నాయి.. కానీ తగ్గట్లేదు. ఇటీవల హైదరాబాద్​లోని అంబర్​పేట్​లో నాలుగేళ్ల బాలుడిపై కుక్కలు దాడికి దిగడం, ఈ ఘటనలో బాలుడు మృతి చెందడం తెలిసిందే. ఇదే తరహా ఘటనలలు హైదరాబాద్​లోని చైతన్యపురితో పాటు రాజన్న సిరిసిల్ల జిల్లాలోని కోనారావుపేటలోనూ చోటుచేసుకున్నాయి. తాజాగా ఇలాంటి తరహా మరో ఘటన ఖమ్మంలో జరిగింది. ఖమ్మం జిల్లా, బోనకల్​లో వీధి కుక్కలు స్వైరవిహారం చేశాయి. జస్విత అనే ఐదేళ్ల చిన్నారి మీద వీధి కుక్కలు అటాక్ చేశాయి. దీంతో పాప కంటికి తీవ్రగాయాలయ్యాయి. మెరుగైన ట్రీట్​మెంట్​ కోసం చిన్నారిని హైదరాబాద్​కు తరలించారు. మరి.. రాష్ట్రంలో వరసగా జరుగుతున్న ఇలాంటి ఘటనలను నివారించడం కోసం తీసుకోవాల్సిన చర్యలేంటో కామెంట్ల రూపంలో తెలియజేయండి.