Yuvraj: తనదైన స్టైల్లో పగ తీర్చుకున్న యువరాజ్! వరల్డ్‌ కప్‌ లో యువీ సెలబ్రేషన్స్‌ వైరల్!

యువరాజ్‌ సింగ్‌ ఒక విధ్వంసకర ఆటగాడు అనడంలో అతిశయోక్తి కాదు. అతను టీమిండియాకు అందించిన విజయాలు అన్నీ ఇన్ని కాదు. మ్యాచ్‌ ఫినిషర్‌ గా యువీకి మంచి రికార్డులు ఉన్నాయి. పరిమిత ఓవర్ల క్రికెట్ లో దశాబ్ద కాలంగా తనను తాను నిరూపించుకుంటూ ఒక ప్రత్యేకమైన ముద్రను వేసుకున్నాడు. ఇదంతా పక్కన పెడితే ప్రస్తుతం యువరాజ్‌ సింగ్‌ కి సంబంధించి ఒక వీడియో వైరల్ అవుతుంది. అదేంటో కాదు 2011 వన్డే వరల్డ్‌ కప్‌ క్వార్టర్ ఫైనల్స్‌ లో విన్నింగ్‌ షాట్‌. ఈ విన్నింగ్ షాట్ కొట్టిన తర్వాత యువి సెలబ్రేషన్ అప్పుడు పెద్దగా పట్టించుకోలేదు గాని ఈ సెలబ్రేషన్ వెనక ఒక పెద్ద కథే ఉన్నట్లుగా తెలుస్తుంది.

ఆస్ట్రేలియన్ ఫాస్ట్ బౌలర్ బ్రెట్ లీ వేగం ఊహకు అందేది కాదు. సగటున గంటకు 150 కిలోమీటర్ల వేగంతో బంతులు విసురుతూ ప్రత్యర్థి బ్యాటర్లను వణికించేవాడు. ఈ క్రమంలో 2004లో యువరాజ్‌ వికెట్‌ తీసిన తర్వాత బ్రెట్‌ లీ మోకాళ్లపై కూర్చుని చేసిన హంగామా అంతా ఇంతా కాదు. అప్పట్లో ఆ సెలబ్రేషన్‌ టాక్‌ ఆఫ్‌ ది టౌన్‌ గా నిలిచింది. క్యాన్సర్‌ తో పోరాడుతూ కూడా యువరాజ్‌ సింగ్‌ 2011 వన్డే ప్రపంచకప్‌ లో పాల్గొన్నాడు. పాల్గొనడమే కాదు.. ప్రపంచకప్‌ అందించడంలో కీలకపాత్ర పోషించాడు. మార్చి 24, 2011న క్వాటర్‌ ఫైనల్స్‌ లో ఆస్ట్రేలియాపై ఇండియా ఘన విజయం సాధించింది. విజయానికి 4 పరుగులు కావాల్సి ఉండగా బ్రెట్లీ బౌలింగ్‌ లో యువరాజ్‌ సింగ్‌ విన్నింగ్‌ షాట్ కొట్టి లీ తరహాలోనే మోకాళ్లపై కూర్చుని సెలబ్రేట్‌ చేసుకున్నాడు.

2004లో బ్రెట్‌ లీ చేసిన పనికి సరైన సమయంలో యువరాజ్‌ సింగ్‌ తిరిగి బదులిచ్చాడు. ప్రస్తుతం అభిమానులు 2004- 2011 కంపేర్‌ చేస్తున్న ఫొటోస్ సోషల్‌ మీడియాలో వైరల్‌ గా మారాయి. యువరాజ్ సింగ్ అంటే అలానే ఉంటుంది మరీ అభిమానులు పండగ చేసుకుంటున్నారు. ఏదేమైనా 2004 లో బ్రెట్ లీ చేసుకున్న సెలెబ్రేషన్ కి 7 ఏళ్ళ తర్వాత యువరాజ్ అలాగే రిప్లై ఇవ్వడం మాములు విషయం కాదు. క్రికెట్ లో ప్రతీకారాలు మామూలే. మ్యాచులో ఒకరి మీద మరొకరు ఆధిపత్యం చూపించుకోవడం సహజమే. అయితే 7 ఏళ్ళైనా యువరాజ్ సింగ్ బ్రెట్ లీ కౌంటర్ ఇవ్వడం కాస్త కొత్తగా అనిపిస్తుంది. ఈ విషయంలో మీ అభిప్రాయాలను కామెంట్ల రూపంలో తెలపండి.