‌‌Usman Khawaja: ఆస్ట్రేలియా ఓపెనర్ ఖవాజా మారథాన్ ఇన్నింగ్స్! క్రికెట్ హిస్టరీలో అరుదైన రికార్డు!

ప్రతిష్టాత్మక యాషెస్ సిరీస్​లో ఆస్ట్రేలియా బోణీ కొట్టింది. ఇంగ్లండ్ గడ్డపై జరుగుతున్న ఈ సిరీస్​ ఫస్ట్ మ్యాచ్​లో కంగారూ టీమ్ 2 వికెట్ల తేడాతో విజయం సాధించింది. ఐదో రోజు గేమ్ తీవ్ర ఉత్కంఠ స్థాయికి చేరుకుంది. ఓపెనర్ ఉస్మాన్ ఖవాజా (65), ప్యాట్ కమిన్స్ (44)లు ఆసీస్ గెలుపులో కీలక పాత్ర పోషించారు. జోరుమీదున్న ఇంగ్లీష్ బౌలర్లను కాచుకొని లయన్ (16) అండగా మ్యాచ్​ను ఫినిష్ చేశాడు కమిన్స్. దీంతో అతడిపై ప్రశంసల జల్లులు కురుస్తున్నాయి. బజ్​బాల్ స్ట్రాటజీతో దూకుడుగా ఆడుతున్న ఇంగ్లండ్​కు కమిన్స్ టీమ్స్ భలేగా అడ్డుకట్ట వేసిందని సోషల్ మీడియాలో నెటిజన్స్ మెచ్చుకుంటున్నారు. బజ్​బాల్ ప్లాన్ ప్రతి మ్యాచ్​లోనూ వర్కౌట్ కాదని ఇంగ్లీష్ టీమ్ అర్థం చేసుకోవాలని సూచిస్తున్నారు. ఇక, ఈ మ్యాచ్​లో ఆసీస్ ఓపెనర్ ఖవాజా ఆడిన తీరును అందరూ మెచ్చుకుంటున్నారు. ఫస్ట్ ఇన్నింగ్స్​లో సెంచరీ బాదిన ఖవాజా (141).. రెండో ఇన్నింగ్స్​లో 65 రన్స్ చేశాడు.

డేవిడ్ వార్నర్, మార్నస్ లబుషేన్, స్టీవ్ స్మిత్ లాంటి కీలక ఆటగాళ్లు పెవిలియన్ చేరిన వేళ.. ఏమాత్రం స్థైర్యం కోల్పోకుండా ఇంగ్లండ్ బౌలర్లను ఖవాజా అడ్డుకున్న తీరు సూపర్బ్ అనే చెప్పాలి. ఈ మ్యాచ్​లో ఇరు జట్ల మధ్య ఉన్న ప్రధాన తేడా ఖవాజా బ్యాటింగే. ప్రత్యర్థి బజ్​బాల్​ స్ట్రాటజీకి తన బ్యాటింగ్​తో సమాధానం చెప్పాడు. ఈ మ్యాచ్​లో 5 రోజులు బ్యాటింగ్ చేశాడీ ఆసీస్ ఓపెనర్. తద్వారా టెస్టుల్లో ఐదు రోజులు బ్యాటింగ్ చేసిన అరుదైన ప్లేయర్ల లిస్టులో 13వ ప్లేయర్​గా ఖవాజా చోటు దక్కించుకున్నాడు. మారథాన్ ఇన్నింగ్స్ ఆడిన ఖవాజా.. మ్యాచ్ మొత్తంలో 518 బాల్స్ ఎదుర్కొని 206 రన్స్ చేశాడు. అలాగే యాషెస్ సిరీస్​లో ఎనిమిదేళ్ల తర్వాత సెంచరీ కొట్టిన ఆసీస్ ఓపెనర్​గా రికార్డు క్రియేట్ చేశాడు. అంతేకాదు ఎడ్జ్​బాస్టన్ గ్రౌండ్​లో సెంచరీ బాదిన రెండో కంగారూ ప్లేయర్​గా నిలిచాడు. 2019 యాషెస్ తర్వాత టెస్టు జట్టులో చోటు కోల్పోయిన ఖవాజా.. రీఎంట్రీలో దుమ్మురేపడం, ఆసీస్ విజయాల్లో కీలక పాత్ర పోషించడాన్ని మెచ్చుకోవాల్సిందే.

Usman Khawaja has become the 13th man to bat every day in a five-day Test match 😯#ENGvAUS | #Ashes pic.twitter.com/501vjSSgL8

— ESPNcricinfo (@ESPNcricinfo) June 20, 2023

Khawaja on Day 1: 4* in 1st innings
Khawaja on Day 2: 126* in 1st innings.
Khawaja on Day 3: 141 in 1st innings.
Khawaja on Day 4: 34* in 2nd innings.
Khawaja on Day 5: 60 in 2nd innings.

The fightback has ended, What an incredible performance. pic.twitter.com/d9idZRCy74

— Johns. (@CricCrazyJohns) June 20, 2023

Usman Khawaja faced 518 balls in this Test match and scored 206 runs.

A marathon display from Khawaja ends! pic.twitter.com/Fa1wdZXXpk

— Mufaddal Vohra (@mufaddal_vohra) June 20, 2023