బ్రేకింగ్: టీమిండియా పేసర్ ఉమేష్ యాదవ్ ​ఇంట్లో విషాదం

టీమిండియా స్పీడ్​స్టర్​ ఉమేష్ యాదవ్​ ఇంట తీవ్ర విషాదం నెలకొంది. అతడి తండ్రి తిలక్ యాదవ్​ (74) కన్నుమూశారు. కొన్నాళ్లుగా అనారోగ్యంతో బాధపడుతున్న తిలక్​ యాదవ్​ ఓ ప్రైవేటు ఆస్పత్రిలో చికిత్స పొదుతున్నారు. అయితే ఆయన హెల్త్ కండీషన్ మెరుగుపడకపోవడంతో.. ఖపర్ఖేడా, మిలన్​ చౌక్​లోని స్వగృహానికి తీసుకెళ్లారు. అయినా ఆరోగ్యం కుదుటపడలేదు. తిలక్ యాదవ్ తన ఇంట్లో బుధవారం సాయంత్రం 6.30 గంటలకు తుదిశ్వాస విడిచారు. ఇక, ఉమేష్ తండ్రి తిలక్​కు రెజ్లింగ్ అంటే చాలా ఇష్టం. అయితే ఆయన తన కొడుకు ఉమేష్​ను మాత్రం పోలీసు లేదా మిలట్రీలో చేర్చాలనుకున్నారు.

ఉమేష్ యాదవ్​కు మాత్రం క్రికెట్​ అంటే పిచ్చి. దీంతో అతడు జెంటిల్మన్​ గేమ్​పై దృష్టి పెట్టాడు. ఈ క్రమంలో అతడి బౌలింగ్​ చూసి.. రంజీ క్రికెట్​లో పిలుపొచ్చింది. అందులో అదరగొట్టడంతో భారత జట్టులో ఆడే చాన్స్ దక్కింది. అలా ఇండియన్​ క్రికెట్​కు ప్రాతినిధ్యం వహించాడీ స్పీడ్​స్టర్​. ఇకపోతే, తిలక్ యాదవ్ స్వస్థలం ఉత్తర్​ ప్రదేశ్​లోని డియోరియా జిల్లా. ఆయనకు ఇద్దరు కుమార్తెలు, ఒక కుమారుడు (ఉమేష్ యాదవ్) ఉన్నారు. బొగ్గు గనిలో జాబ్ రావడంతో నాగ్​పూర్​ సమీపంలోని ఖపర్​ఖేడీకి వచ్చి లైఫ్​ను మొదలుపెట్టారు. ఉమేష్ తండ్రి మృతిపై అతడి ఫ్యాన్స్​తో పాటు సెలబ్రిటీలు సంతాపం తెలియజేస్తున్నారు.

आंतरराष्ट्रीय क्रिकेटपटूला घडवणारे हात गेले, उमेश यादवच्या वडिलांचे नागपुरात निधन#UmeshYadav #TeamIndia https://t.co/6l7jnLQFHC

— ZEE २४ तास (@zee24taasnews) February 23, 2023