వెస్టిండీస్ జట్టులోకి స్టార్ క్రికెటర్ కొడుకు ఎంట్రీ.. ఏకంగా ఆసిస్ టూర్ కే ఎంపిక!

సాధారణంగా తండ్రి వారసత్వాన్ని కొనసాగించే సాంప్రదాయం ఎక్కువగా కనిపించేది ఒక్క సినీ ఇండస్ట్రీలో మాత్రమే. ఇలాంటి సాంప్రదాయం మరి కొన్ని రంగాల్లో కూడా అక్కడక్కడా కనిపిస్తుంది. కానీ క్రీడా రంగంలో తండ్రి వారసత్వాన్ని పునికిపుచ్చుకుని క్రికెట్ లో అడుగుపెట్టిన వారసులు అరుదనే చెప్పాలి. సచిన్ టెండుల్కర్-అర్జున్ టెండుల్కర్, యువరాజ్ సింగ్-యోగ్ రాజ్ లాంటి మరికొంత మంది ఇతర దేశాల ఆటగాళ్లు సైతం ఈ కోవలోకి చెందిన వారున్నారు. తాజాగా ఇదే కోవలోకి చేరబోతున్నాడు.. వెస్టిండీస్ దిగ్గజ బ్యాటర్ శివ్ నరైన్ చందర్ పాల్ కొడుకు టాగెనరైన్ చందర్ పాల్. నవంబర్ 30 నుంచి ఆస్ట్రేలియాతో జరిగే రెండు టెస్ట్ మ్యాచ్ ల సిరీస్ కు ఇతడిని ఎంపిక చేసినట్లు విండీస్ బోర్డు తెలిపింది.

శివ్ నరైన్ చందర్ పాల్.. ఆల్ టైమ్ గ్రేట్ బ్యాట్స్ మెన్ ల జాబితాలో ఇతడి పేరు కచ్చితంగా ఉంటుంది. టెస్ట్ బ్యాటింగ్ కు పెట్టింది పేరుగా చందర్ పాల్ నిలిచాడు. ఇక విండీస్ జట్టు కష్టాల్లో ఉన్న ప్రతిసారి నేనున్నానంటూ.. ఆపద్భాంధవుడి పాత్ర పోషించేవాడు. ఇప్పుడు తన తండ్రి పాత్రను పోషించడానికి సిద్దమైయ్యాడు అతడి కొడుకు టాగెనరైన్ చందర్ పాల్. టీ20 వరల్డ్ కప్ తర్వాత ఆస్ట్రేలియాతో ఫ్రాంక్ వార్రెల్ ట్రోఫిలో భాగంగా జరిగే రెండు టెస్ట్ మ్యాచ్ ల సిరీస్ కు ఇతడిని ఎంపిక చేశారు. తండ్రిలాగే ఇతడు కూడా లెఫ్ట్ హ్యాండ్ బ్యాట్స్ మెనే కావడం గమనార్హం. అచ్చుగుద్దినట్లు చందర్ పాల్ స్టైల్లోనే క్రీజ్ లోకి రావడం, అతడి స్టైల్ నే అనుకరించడం చూస్తుంటే విండీస్ కు మరో మునపటి చందర్ పాల్ దొరికాడని మాజీలు అభిప్రాయపడుతున్నారు. అదీ కాక అతడు ఆడిన కొన్ని షాట్స్ చూస్తుంటే.. క్రీజ్ లో ఉంది చందర్ పాలా? అతడి కొడుకా? అన్న అనుమానం కూడా కలుగుతుంది.

Tagenarine Chanderpaul – son of Shivnarine Chanderpaul included in the West Indies Test squad for Australia tour.#Cricket #CricketTwitter pic.twitter.com/oOkR0yfwm3

— Cricket Videos🏏 (@Crickket__Video) October 29, 2022

ఈ క్రమంలోనే టాగెనరైన్ ఎంపిక గురించి సెలక్టర్ డెస్మండ్ హయ్యస్ మాట్లాడుతూ..”వెస్టిండీస్ చాంఫియన్ షిప్ లో భాగంగా జరుగుతున్న నాలుగు రోజుల మ్యాచ్ ల్లో ఇతడు అద్భుతంగా రాణిస్తున్నాడు. ఇక గత వేసవిలో బంగ్లాదేశ్-ఏ తో జరిగిన మ్యాచ్ లో కీలక ఇన్నింగ్స్ ఆడాడు. గత కొన్ని రోజుల నుంచి మేం అతడి ఆటను గమనిస్తునే ఉన్నాం. ప్రస్తుతం టాగెనరైన్ మంచి ఫామ్ లో ఉన్నాడు. అందుకే అతడిని ఆస్ట్రేలియా టూర్ కు ఎంపిక చేశాం” అని డెస్మన్ తెలిపాడు. టాగెనరైన్ 2014 లో యూఏఈ వేదికగా జరిగిన అండర్-19 వరల్డ్ కప్ లో జింబాబ్వే పై 84 రన్స్, కెనడా పై 93 పరుగులు చేసి అద్భుతమైన విజయాలు జట్టుకు అందించాడు. ఇక ఇతడి కెరీర్ విషయానికి వస్తే.. 50 ఫస్ట్ క్లాస్ మ్యాచ్ ల్లో 34.21 బ్యాటింగ్ యావరేజ్ తో 2,669 పరుగులు చేశాడు. ఇందులో 5 సెంచరీలతో పాటు 10 అర్దశతకాలు కూడా ఉన్నాయి. లిస్ట్-ఏ క్రికెట్ లో 15 మ్యాచ్ ల్లో 433 పరుగులు సాధించాడు. మరి ఆసిస్ లాంటి బౌన్సీ పిచ్ లపై ఏ మేరకు టాగెనరైన్ రాణిస్తాడో వేచి చూడాలి.

Tagenarine Chanderpaul, who is son of West Indies legend Shivnarine Chanderpaul earns maiden Test call-up for the upcoming Australia tour. pic.twitter.com/IPrjdgFjiZ

— CricTracker (@Cricketracker) October 29, 2022