టీమిండియాకు వార్నింగ్‌ ఇచ్చి మరీ ఓడించిన సౌతాఫ్రికా!

సాధారణంగా సినిమాల్లో హీరో చెప్పి మరీ విలన్ ను దెబ్బ కొడతాడు. ఇది మూవీల్లో సర్వసాధారణంగా జరిగే తంతు. కానీ టీ20 ప్రపంచ కప్ 2022లో భారత జట్టుకు వార్నింగ్ ఇచ్చి మరీ ఓడించారు సౌతాఫ్రికా వారు. మ్యాచ్ కు ముందే టీమిండియాకు తమ బౌలింగ్ తడాఖా ఏంటో చూపిస్తాం అని.. ప్రోటీస్ టీమ్ స్టార్ పేసర్ ఎన్రిచ్ నోర్ట్జె భారత జట్టుకు వార్నింగ్ ఇచ్చాడు. అతడి మాటలను.. మాటలుగానే తీసుకున్న టీమిండియా పరాజయం చవిచూడాల్సి వచ్చింది. సాధారణంగానే మ్యాచ్ కు ముందు ప్రత్యర్థి జట్ల ఆటగాళ్లు సవాళ్లు చేయడం సహజమే. కానీ సవాల్ చేసిన వాళ్ల బలాలు, బలహీనతలు తెలుసుకోవడమే మన బలం. కానీ తాజాగా జరిగిన మ్యాచ్ లో సౌతాఫ్రికా బలాన్ని అంచనా వేయలేక పోయింది. దాంతో దక్షిణాఫ్రికా చెప్పి మరీ భారత్ ను ఓడించింది.

“వరల్డ్ క్రికెట్ లోనే సౌతాఫ్రికా పేస్ బౌలింగ్ దళం ది బెస్ట్. మా బౌలింగ్ తడాఖా ఏంటో భారత్ కు చూపిస్తాం. సారి కచ్చితంగా కప్ కొట్టబోతున్నాం” అని సౌతాఫ్రికా బౌలర్ ఎన్రిచ్ నోర్ట్జె అన్న మాటలు ఇవి. అక్షరాలా ఈ మాటలు భారత్ తో జరిగిన మ్యాచ్ లో నిజం అయ్యాయి. మ్యాచ్ కు ముందు ప్రెస్ మీట్ లో మాట్లాడిన ఎన్రిచ్ నోర్ట్జె..”టీమిండియాతో జరగబోయే మ్యాచ్ మాకు చాలా కీలకమైంది. ఇప్పటికే వర్షం కారణంగా మేం ఒక పాయింట్ కోల్పొయాం. ఇక టీమిండియాతో జరగబోయే మ్యాచ్ లో మేం తప్పకుండా గెలవబోతున్నాం. ఎందుకంటే మా బౌలింగ్ ఎటాక్ అలా ఉంది. ఎంగిడి, రబాడ, నేను, పార్నెల్ లాంటి వరల్డ్ క్లాస్ బౌలర్లు మా జట్టులో ఉన్నారు. కచ్చితమైన లైన్ అండ్ లెన్త్ మా ప్రధాన బలం. దాంతోనే భారత్ ను పడగొడతాం” అని నోర్ట్జె అన్నాడు.

నోర్ట్జె అన్నట్లుగానే ఈ మ్యాచ్ లో ప్రోటీస్ బౌలర్లు భారత బ్యాటర్లపై నిప్పులు చెరిగే బంతులు వేశారు. కచ్చితమైన లైన్ అండ్ లెన్త్ బంతులతో టీమిండియా టాపార్డర్ ను ప్రారంభంలోనే కుప్పకూల్చారు. పార్నెల్, ఎంగిడి కలిసి టీమిండియా పతనాన్ని శాసించారు. పార్నెల్ 4 ఓవర్లు వేసి ఒక మెయిడిన్ తో సహా 15 పరుగులు మాత్రమే ఇచ్చి 3 వికెట్లు పడగొట్టాడు. మరో వైపు ఎంగిడి సైతం 4 వికెట్లు పడగొట్టి టీమిండియాను తక్కువ పరుగులకే కట్టడిచేసి.. విజయం సాధించారు. భారత్ ను ముందే హెచ్చరించిన నోర్ట్జె పొదుపుగా బౌలింగ్ చేసి 4 ఓవర్లలో 23 రన్స్ మాత్రమే ఇచ్చి 1 వికెట్ తీసుకున్నాడు. అలాగే ఆ సారి కచ్చితంగా టీ20 వరల్డ్ కప్ కొడతాం అని నోర్ట్జె ఆశాభావం వ్యక్తం చేశాడు.

Anrich Nortje challenges #TeamIndia ahead of the T20 World Cup clash against the Men in Blue‼️

“We definitely think that the last two seasons have been a great team, and hopefully, we can win the Cup this season.”#T20WorldCup #INDvsSA #AnrichNortje pic.twitter.com/6g1dYgYqbL

— OneCricket (@OneCricketApp) October 29, 2022