పాకిస్తాన్ పై జింబాబ్వే గెలుపు.. చరిత్ర సృష్టించిన సికందర్‌ రజా

టీ20 ప్రపంచ కప్ లో పాకిస్తాన్ పోరు ముగిసినట్లే కనిపిస్తోంది. తొలి పోరులో భారత్ చేతిలో ఓడిన పాక్, ఇవాళ జింబాబ్వే చేతిలోనూ ఓటమిపాలయ్యింది. ఆఖరివరకు నువ్వా.. నేనా! అన్నట్లు సాగిన ఈ మ్యాచులో జింబాబ్వే ఒక్క పరుగు తేడాతో గెలిచింది. 130 టార్గెట్ ను కూడా పాక్ ఆటగాళ్లు ఛేదించలేకపోయారు. దీంతో పాక్ జట్టుపై సోషల్ మీడియాలో పెద్ద చర్చే నడుస్తోంది. అయితే.. పాక్ ఓటమిని శాసించింది మాత్రం.. సికందర్‌ రజానే. 3 వికెట్లు పడగొట్టి పాక్ ను కోలుకోలేని దెబ్బ కొట్టాడు. ఈ క్రమంలో దిగ్గజ ఆటగాళ్లకు సాధ్యం కానీ రికార్డును రజా తన ఖాతాలో వేసుకున్నాడు.

పాకిస్తాన్ క్రికెట్ జట్టు అంటేనే ఓ పెద్ద సంచలనం. ఎప్పుడు ఎలా ఆడతారో వారికే తెలియదు. ఓడిపోయే మ్యాచులో గెలవడం.. గెలిచే మ్యాచులో ఓడిపోవడం వారికి సదా మామూలే. దాన్ని మరోసారి పునరావృతం చేశారు. జింబాబ్వే నిర్దేశించిన 130 టార్గెట్ ను ఛేదించడానికి పాకిస్తాన్ ఆటగాళ్లు పడ్డ కష్టాలు చూడాలి. తొలి మ్యాచులో పాక్ బౌలర్లు, భారత బ్యాటర్లకు చెమటలు పట్టిస్తే, ఈ మ్యాచులో జింబాబ్వే బౌలర్లు, పాక్ బ్యాటర్లకు చెమటలు పట్టించారు. ఆడుతుంది బలమైన జట్టుతో అయినా.. ఆఖరి బంతి వరకు వారు పోరాడిన తీరు అద్భుతం. ఇక్కడ పాక్ ఓటమిని శాశించింది మాత్రం.. జింబాబ్వే ఆల్ రౌండర్ సికందర్‌ రజానే. ఆడుతూ.. పాడుతూ.. లక్ష్యాన్ని ఛేదిస్తున్న పాక్ బ్యాటర్లకు తన వినూత్న బౌలింగ్ తో చుక్కలు చూపించాడు.. రజా. అతని బౌలింగ్ శైలి.. మిస్టరీ స్పిన్నర్.. సునీల్ నరైన్ ను పోలి ఉంటుంది.

Sikandar Raza was in tears after the win – he knows what Zimbabwe have done over the years.

One of the best days in Zimbabwe cricket history. pic.twitter.com/JU0Cab9Tq3

— Mufaddal Vohra (@mufaddal_vohra) October 27, 2022

4 ఓవర్లు వేసిన సికందర్‌ రజా 25 పరుగులిచ్చి 3 కీలక వికెట్లు పడగొట్టాడు. దీంతో ప్లేయర్ అఫ్ ది మ్యాచ్ అవార్డు అందుకున్నాడు. ఈ క్రమంలో రజా అరుదైన రికార్డును కూడా తన ఖాతాలో వేసుకున్నాడు. ఒక ఏడాదిలో అంతర్జాతీయ టీ20ల్లో అత్యధిక మ్యాన్ ఆఫ్ ది మ్యాచ్ అవార్డులు గెలుచుకున్న ఆటగాడిగా నిలిచాడు. రజా 7 అవార్డులు గెలుచుకోగా, విరాట్ కోహ్లీ 6 అవార్డులతో రెండో స్థానంలో న్నాడు. క్వాలిఫయింగ్ మ్యాచులతో కలిపి ఒక్క ఈ వరల్డ్ కప్ లోనే రజాకు 3 మ్యాన్ అఫ్ ది మ్యాచ్ అవార్డులు రావడం విశేషం. ఈ విజయంతో సెమీస్ అవకాశాలను మెరుగుపరుచుకోగా, పాకిస్తాన్ ఐదో స్థానానికి పరిమితమయ్యింది.

A lot of watches coming Sikandar Raza’s way! 😁

A THIRD Player of the Match award for him at this #T20WorldCup 👏 pic.twitter.com/bivRgIlHAi

— ESPNcricinfo (@ESPNcricinfo) October 27, 2022

Sikandar Raza is just amazing 🔥🔥
He truly deserved a IPL contract, Amazing bowler ❤️ pic.twitter.com/XmuglybTrr

— 💙✧♡ABHI♡✧💙 (@hitman_Rohit_07) October 27, 2022