విరాట్ కోహ్లీ నా ఫెవరెట్ బ్యాటర్.. అతన్ని ఆ పిల్ల బచ్చాలతో పోల్చకండి: పాక్ మాజీ క్రికెటర్

టీమిండియా మాజీ సారధి విరాట్ కోహ్లీ టీ20 ప్రపంచ కప్ లో పరుగుల వరద పారిస్తున్నాడు. సౌతాఫ్రికా(12)తో మ్యాచులో విఫలమైనా, అంతకుముందు జరిగిన ఇండియా- పాక్), ఇండియా- నెదర్లాండ్స్(62) మ్యాచుల్లో హాఫ్ సెంచరీలతో రాణించాడు. ముఖ్యంగా దాయాది పాకిస్తాన్ తో జరిగిన మ్యాచులో వీరోచిత ఇన్నింగ్స్ ఆడాడు. 31 పరుగులకే 4 వికెట్లు కోల్పోయి కష్టాల్లో ఉన్న భారత జట్టును ఆదుకున్న తీరు ఒక ఎత్తైతే.. ఆఖరి 3 ఓవర్లలో 49 పరుగులు చేయాల్సి ఉన్నప్పుడు అతడు పోరాడిన తీరు మరో అద్భుతం. ఈ ఇన్నింగ్స్ తో కోహ్లీపై ప్రశంశలు వెల్లువెత్తిన సంగతి తెలిసిందే. తాజాగా, ఇన్నింగ్స్ పై పాక్ మాజీ క్రికెటర్ మహ్మద్ అమీర్ స్పందిస్తూ.. కోహ్లీని పొగడ్తలతో ముంచెత్తాడు.

ఆసియా కప్ మునుపటి వరకు ఫామ్ లేక సతమతమైన కోహ్లీ, ఆపై రఫ్ఫాడిస్తున్నాడు. ముఖ్యంగా టీ20 ప్రపంచ కప్ లో అద్భుతంగా రాణిస్తున్నాడు. ఈ నేపథ్యంలో కోహ్లీ ఫామ్ పై పాక్ మాజీ క్రికెటర్ మహ్మద్ అమీర్ స్పందించాడు. “నేను ఇప్పటికే ఈ విషయం పలు ఇంటర్వ్యూల్లో చెప్పాను. విరాట్ కోహ్లీ నా ఫెవరెట్ బ్యాటర్. అతను ఈ తరంలోనే ది బెస్ట్ బ్యాట్స్ మెన్. అందులో ఎలాంటి సందేహం లేదు.. నేను కోహ్లీకి బౌలింగ్ చేశా. ఈ తరంలో విరాట్‌తో పోల్చి చూస్తున్న మిగిలిన ప్లేయర్లకు బౌలింగ్‌ చేశా. కానీ, విరాట్‌లో ఉన్న టెంపర్‌మెంట్, అతని మైండ్‌సెట్, ఆ కసి.. ఇతర ఏ బ్యాటర్‌లోనూ కనిపించలేదు. అందుకే అతనికి అభిమానిగా మారిపోయా”.

Mohammad Amir expresses his opinion on Virat Kohli by calling him the best batter of this generation.

@imVkohli | @iamamirofficial | #T20WorldCup pic.twitter.com/xsqEKzu0UB

— CricTracker (@Cricketracker) October 28, 2022

“పిల్ల బచ్చా క్రికెటర్లతో కోహ్లీని పోల్చడం సరికాదు. మ్యాచ్ ఎంత క్లిష్ట పరిస్థితుల్లో ఉంటే అంత బాగా ఆడతాడు. కోహ్లీ బౌలర్ ని ఢీల్ చేసే విధానమే వేరే లెవెల్‌లో ఉంటుంది. అతడు ఆడినట్టు ఏ బ్యాట్స్‌మెన్ కూడా ఆడలేడు. కోహ్లీని వేరే బ్యాటర్లతో పోల్చి చూస్తున్నారు. ఇది ముమ్మాటికీ తప్పు. పాకిస్తాన్ పై ఆడిన ఇన్నింగ్స్ తన కెరీర్‌లో ఇదే బెస్ట్ టీ20 ఇన్నింగ్స్ అని విరాట్ కూడా చెప్పాడు. అలాంటి ఇన్నింగ్స్ ను వేరే ఇన్నింగ్స్ లతో పోల్చి చూడడం తనని అవమానించడమే అవుతుంది..” అని మహ్మద్ అమీర్ చెప్పుకొచ్చాడు. ఇక్కడ అమీర్ ఉద్దేశ్యం.. కోహ్లీని బాబర్ ఆజాం, మహమ్మద్ రిజ్వాన్ లతో పోల్చడం సరికాదన్నది తన అభిప్రాయం. ఇప్పటికే ఈ టోర్నీలో రెండు మ్యాచులు ఓడిన పాక్ సెమీస్ అవకాశాలను కోల్పోయింది. ఈ క్రమంలో వీరిద్దరిపై తీవ్ర విమర్శలొస్తున్నాయి.

ఇదిలా ఉంచితే.. కొన్నాళ్ల క్రితం జట్టులో కోహ్లీ స్థానం గురించ మీడియా, మాజీ ఆటగాళ్లు, విశ్లేషకులు పలు వ్యాఖ్యలు చేసిన సంగతి తెలిసిందే. జట్టు నుంచి తొలగించకుండా.. ఎందుకు ఆడనిస్తున్నారంటూ పెద్ద పెద్ద మాటలే మాట్లాడారు. ప్రస్తుతం వీళ్లందరూ నోరుమెదపకపోగా, ఎటు పోయారో కూడా కనపడటం లేదు. దీంతో కోహ్లీ అభిమానులు నానా రచ్చ చేస్తున్నారు. ‘డియర్ కోహ్లీ హేటర్స్.. మీరంతా ఎక్కడ పడుకున్నారు..’ అంటూ కామెంట్లు పెడుతున్నారు. కాగా, అప్పట్లో ఈ వ్యాఖ్యలపై కోహ్లీ స్పందించిన సంగతి తెలిసిందే. ‘ఒకసారి నేను ఈ దశ నుంచి బయటకు వచ్చాక ఎంత నిలకడగా ఆడతానో చూడండి..’ అని చెప్పాడు. ఆ మాటలను నిజం చేసి చూపిస్తున్నాడు. భారత్ తన తదుపరి మ్యాచులో బుధవారం బంగ్లాదేశ్ తో తలపడనుంది.

Mohammad Amir on Virat Kohli. He said “Virat Kohli is the Best of this Era.” pic.twitter.com/e0RCcUNl6H

— CricketMAN2 (@ImTanujSingh) October 28, 2022