యాంకర్ ను కింద పడేసిన ఫీల్డర్.. వీడియో వైరల్

సాధారణంగా క్రికెట్ మ్యాచ్ లు జరిగే క్రమంలో గ్రౌండ్ లో కొన్ని కొన్ని సంఘటనలు జరుగుతుంటాయి. ప్రేమికులు తమ ప్రేమను వ్యక్తం చేయడం, ఆటగాళ్లు ఘర్షణకు దిగడం లాంటి సంఘటనలు మనం చాలా చూశాం. అయితే ఇలాంటి ఘటనలతో పాటుగా.. కొన్ని సరదా సన్నివేశాలు కూడా అప్పుడప్పుడు జరుగుతుంటాయి. ఈ క్రమంలోనే సౌతాఫ్రికా వేదికగా జరుగుతున్న సౌతాఫ్రికా టీ20 లీగ్ లో ఓ సరదా సన్నివేశం చోటుచేసుకుంది. ఈ ఘటన ముంబై కేప్ టౌన్ వర్సెస్ సన్ రైజర్స్ ఈస్ట్రర్న్ కేప్ మధ్య జరిగిన మ్యాచ్ లో జరిగింది. ఫీల్డర్ వేగంగా వచ్చి ఇంటర్వ్యూ చేస్తున్న యాంకర్ ను ఢీ కొట్టాడు. దాంతో సదరు యాంకర్ కిందపడిపోయింది.

సౌతాఫ్రికా టీ20 లీగ్ లో భాగంగా తాజాగా ముంబై కేప్ టౌన్ వర్సెస్ సన్ రైజర్స్ ఈస్ట్రన్ కేప్ మధ్య మ్యాచ్ జరిగింది. హోరా హోరిగా సాగిన ఈ మ్యాచ్ లో రెండు వికెట్ల తేడాతో సన్ రైజర్స్ ఈస్ట్రర్న్ విజయం సాధించింది. ఈ మ్యాచ్ లో ఓ సరదా సన్నివేశం చోటుచేసుకుంది. తొలుత బ్యాటింగ్ చేసిన ముంబై కేప్ టౌన్ జట్టు నిర్ణీత 20 ఓవర్లలో 6 వికెట్ల నష్టానికి 171 పరుగులు చేసింది. జట్టులో గ్రాంట్ రోలోఫ్సెన్ 56 పరుగులతో రాణించాడు. అనంతరం 172 పరుగుల లక్ష్యంతో బరిలోకి దిగిన సన్ రైజర్స్ జట్టు 15 ఓవర్లలో 101 పరుగులకే 6 వికెట్లు కొల్పోయి కష్టాల్లో పడింది. ఈ క్రమంలో అద్భుతమైన ఇన్నింగ్స్ తో జట్టును ఆదుకున్నాడు జాన్సెన్. కేవలం 27 బంతుల్లో 3 ఫోర్లు, 7 సిక్సర్లతో 66 పరుగులు చేసి జట్టును గెలిపించాడు.

అయితే మార్కో జన్సెన్ బ్యాటింగ్ చేస్తున్న క్రమంలో ఓ సన్నివేశం చోటుచేసుకుంది. ముంబై బౌలర్ సామ్ కర్రన్ వేసిన 13వ ఓవర్ లో చివరి బంతిని డీప్ మిడ్ వికెట్ కార్నర్ మీదుగా షాట్ ఆడాడు జాన్సెన్. ఆ బాల్ ఇద్దరు ఫీల్డర్ల మధ్య నుంచి బౌండరీకి తరలుతోంది. ఈ క్రమంలో ఓ ఫీల్డర్ బాల్ ను ఆపే ప్రయత్నంలో డైవ్ చేశాడు. అయితే ఆ ఫీల్డర్ సరాసరి అక్కడే ఇంటర్వ్యూ చేస్తున్న యాంకర్ ను ఢీ కొన్నాడు. దాంతో ఆ యాంకర్ కాస్తా కిందపడిపోయింది. అయితే ఆ యాంకర్ నవ్వుతూనే పైకి లేచింది. తనకు ఏమీ కాలేదని చివర్లో నవ్వుతూ చెప్పుకొచ్చింది. ప్రస్తుతం ఈ వీడియో నెట్టింట వైరల్ గా మారింది. మరి ఈ వీడియోపై మీ అభిప్రాయాలను కామెంట్స్ రూపంలో తెలియజేయండి.

A collision in SA20.

Marco Jansen’s knock will be remembered by her! pic.twitter.com/2sxbYd30LZ

— Mufaddal Vohra (@mufaddal_vohra) January 18, 2023