ఇండియన్‌ ఉమెన్స్‌ టీమ్‌లో లేడీ ధోని! ఎవరీ రిచా ఘోష్?

గొప్ప కెప్టెన్‌ గురించి చెప్పుకోవాల్సి వచ్చినా, అద్భుతమైన వికెట్‌ కీపర్‌ ఎవరని వెతికినా, ది బెస్ట్‌ ఫినిషన్‌ ఇతనే అని యువ క్రికెటర్లకు ఉదాహరణగా చూపించాలన్న వచ్చే మొదటి పేరు మహేంద్ర సింగ్‌ ధోని. ఇండియన్‌ క్రికెట్‌ చరిత్రలో ధోనిని మించిన వికెట్‌ కీపర్‌, ఫినిషర్‌ లేడనే చెప్పాలి. ఎన్నో మ్యాచ్‌ల్లో టీమిండియాను తన కెప్టెన్సీతో గెలిపించిన ధోని.. తన అద్భుతమైన వికెట్‌ కీపింగ్‌తో ఎన్నో సార్లు జట్టును తిరిగి గేమ్‌లోకి తీసుకొచ్చాడు. అలాగే.. ఒక ఫినిషర్‌గా గెలవలేమనే ఎన్నో మ్యాచ్‌ల్లో టీమిండియాకు చిరస్మరణీయ విజయాలను అందించాడు. అంతర్జాతీయ క్రికెట్‌కు వీడ్కోలు పలికిన తర్వాత ధోని లేని లోటు టీమిండియాలో అలాగే ఉండిపోయిందనే చెప్పాలి. కెప్టెన్సీ విషయం పక్కనపెడితే.. జట్టుకు ధోని లాంటి ఫినిషన్‌ అవసరం ఉంది.

అయితే.. ధోని లేని లోటు భారత పురుషుల జట్టుకు ఉందేమో కానీ.. మహిళల జట్టుకు లేదనే చెప్పవచ్చు. ఎందుకంటే ఉమెన్స్‌ నేషనల్‌ టీమ్‌లో మరో ధోని లాంటి క్రికెటర్‌ స్టార్‌గా మారుతోంది. ఇప్పుటికే స్మృతి మంధాన, హర్మన్‌ప్రీత్‌ కౌర్‌, షఫాలీ వర్మ, దీప్తి శర్మ లాంటి స్టార్లు ఉన్నారు. ఇటివల దిగ్గజ క్రికెటర్లు మిథాలీ రాజ్‌, ఝూలన్‌ గోస్వామి అంతర్జాతీయ క్రికెట్‌కు వీడ్కోలు పలికిన విషయం తెలిసిందే. వీరిలాంటి స్టార్‌ డమ్‌ను అందుకునేందుకు యువ క్రికెటర్లు సైతం దూసుకొస్తున్నారు. అందులో ప్రముఖకంగా చెప్పుకోవాల్సింది. వికెట్‌ కీపర్‌ కమ్‌ బ్యాటర్‌ రిచా ఘోష్‌ గురించి.

19 ఏళ్ల రిచా ఘోష్‌ 2020 ఫిబ్రవరి 12న ఆస్ట్రేలియాతో జరిగిన మ్యాచ్‌తో అంతర్జాతీయ క్రికెట్‌లోకి అడుగుపెట్టింది. ఆ వెంటనే 2021లో వన్డే ఫార్మాట్‌లోకి ఎంట్రీ ఇచ్చింది. ప్రస్తుతం ఇండియన్‌ ఉమెన్స్‌ టీమ్‌లో రిచా కీలక ప్లేయర్‌గా మారిపోయింది. తాజాగా సౌతాఫ్రికా వేదికగా జరుగుతున్న ఐసీసీ ఉమెన్స్‌ టీ20 వరల్డ్ కప్ 2023లో రిచా వరుసగా రెండు మ్యాచ్‌ల్లో ఫినిషర్‌ రోల్‌ను అద్భుతమైన పోషిస్తూ.. టీమిండియాను గెలిపించింది.చిరకాల ప్రత్యర్థి పాకిస్థాన్‌తో జరిగిన తొలి మ్యాచ్‌లో 20 బంతుల్లోనే 31 పరుగులు చేసింది. అలాగే బుధవారం వెస్టిండీస్‌తో జరిగిన మ్యాచ్‌లో 32 బంతుల్లోనే 44 పరుగుల కీలక ఇన్నింగ్స్‌ ఆడి టీమిండియాను గెలిపించింది. ఇలా ఉమెన్స్‌ టీమ్‌లో ఎంతో కీలకమైన ఫినిషర్‌ రోల్‌ను పోషిస్తూ.. ఇండియన్‌ ఉమెన్స్‌కు టీమ్‌ మరో ధోనిలా మారింది. మరి రిచా ఆటపై మీ అభిప్రాయాలను కామెంట్ల రూపంలో తెలియజేయండి.

Richa Ghosh, the finisher of India.

31*(20) vs Pakistan & 44*(32) vs West Indies during a tricky time in the chase, she is mastering the tough art in T20 format. pic.twitter.com/uAIaj4TRnd

— Johns. (@CricCrazyJohns) February 15, 2023