Mukesh Kumar: కోహ్లీ హగ్ చేసుకోవడం కలలా అనిపించింది: ముకేశ్ కుమార్ ఎమోషనల్ కామెంట్స్

టీమిండియా స్టార్లు విరాట్ కోహ్లీ, రోహిత్ శర్మని చూడాలని ఎంతో మంది అభిమానులు కోరుకుంటారు. వీరిని కలిసే ఏ చిన్న అవకాశం వచ్చినా ఫ్యాన్స్ వదులుకోరు. కేవలం ఫ్యాన్ మాత్రమే కాదు వీరిని అభిమానిస్తూ, ఆరాధిస్తూ ఎంతో మంది అప్ కమింగ్ క్రికెటర్స్ వీరితో కలిసి ఆడాలని ఆరాటపడతారు. స్టార్ క్రికెటర్లని ఆదర్శంగా చేసుకొని వారి మార్గంలో నడవాలని కోరుకుంటారు. అయితే ఇది అందరికి సాధ్యం కాదు. టీమిండియాలో స్థానం సంపాదించుకున్నవారికే ఈ అదృష్టం దక్కుతుంది. అలాంటి అదృష్టమే తన జీవితంలోకి వచ్చిందని చెబుతున్నాడు యంగ్ బౌలర్ ముఖేష్ కుమార్. ఈ సందర్భంగా తన కల నిజమైందని, అంతేకాదు తనని కోహ్లీ వచ్చి హగ్ చేసుకోవడం నమ్మలేకపోయాయనని తెలియజేశాడు.

వెస్టిండీస్ రెండు టెస్టుల సిరీస్ లో భాగంగా తొలిసారి టీమిండియాలో స్థానం సంపాదించాడు ముఖేష్ కుమార్. 2023 రంజీ ట్రోఫీ సీజన్‌లో 5 మ్యాచుల్లో 22 వికెట్లు తీసిన ముకేశ్ కుమార్.. ఐపీఎల్ 2023 సీజన్‌లో ఢిల్లీ క్యాపిటల్స్ తరుపున 10 మ్యాచుల్లో 7 వికెట్లు తీసి పర్వాలేదనిపంచాడు. తొలి టెస్టులో ఆడే అవకాశం దక్కపోయినా.. రెండో టెస్టులో మాత్రం శార్దూలు ఠాకూర్ ప్లేస్ లో తుది జట్టులో స్థానం స్థానం దక్కింది. డొమినికా వేదికగా జరిగిన ఈ టెస్టు తొలి ఇన్నింగ్స్ లో 32 పరుగులు చేసిన కిర్క్‌ మెక్‌కెంజీని అవుట్ చేసి కెరీర్ లో తొలి వికెట్ ని తన ఖాతాలో వేసుకున్నాడు. ఇక ఈ మ్యాచులో 37 పరుగులు చేసిన అలిక్ అతనజేని ఎల్బీడబ్ల్యూగా వెనక్కి పంపాడు. ఇక ఓవరాల్ గా తొలి ఇన్నింగ్స్ లో 18 ఓవర్లు బౌలింగ్ చేసిన ముకేశ్ కుమార్.. 6 మెయిడిన్లతో 48 పరుగులు ఇచ్చి 2 వికెట్లు పడగొట్టాడు. ఇక రెండో ఇన్నింగ్స్ లో వికెట్లు ఏమీ పడకపోయినా పొదుపుగా బౌలింగ్ చేసాడు. ఇదిలా ఉండగా ముకేశ్ తొలి వికెట్ తీసిన తర్వాత విరాట్ కోహ్లీ వచ్చి హగ్ చేసుకున్నాడు. ఇది ముకేశ్ నమ్మలేకపోయాడు. అప్పటివరకు ఎంతగానో అభిమానించిన తన హీరో ఇలా తనని హగ్ చేసుకోవడం గ్రేట్ ఫీలింగ్ అని చెప్పాడు.

“రెండో టెస్టులో నాకు అవకాశం రావడంతో నేను షాక్ అయ్యాను. ఎప్పుడెప్పుడు బౌలింగ్ వేస్తానా అని ఎంతో ఆశగా ఎదురు చూసాను. వికెట్ తీసిన వెంటనే విరాట్ భాయ్, రోహిత్ భాయ్ వచ్చి హగ్ చేసుకున్నారు. నిన్నమొన్నటి వరకూ వాళ్లను టీవీల్లో చూసి ఎంజాయ్ చేసాను. కానీ వారితో కలిసి ఆడడం, వారితో చేతులు కలపడం ఒక ప్రత్యేకమైన అనుభూతి. నాకు అవకాశం రాగానే మొదట మా అమ్మతో మాట్లాడాను. నా దేశం తరపున ఆడటం అదృష్టంగా భావించాను. ఈ క్షణాన్ని నేను ఎప్పటికీ మర్చిపోలేను. నాకు సపోర్ట్ చేసిన మా ఫ్రెండ్స్, బంధువులు సంతోషం వ్యక్తం చేశారు. నేను ఆడినా ఆడకపోయినా బౌలింగ్ ప్రాక్టీస్ మాత్రం ఆపను”. అని ఈ సందర్భంగా ముఖేష్ కుమార్ చెప్పుకొచ్చాడు. మరి తన కల నిజం చేసుకున్న ముకేశ్ భవిష్యత్తులో టీమిండియాకు ఎంత కీలక బౌలర్ గా మారతాడోచోడాలి ఈ విషయంలో మీ అభిప్రాయాలను కామెంట్ల రూపంలో తెలపండి.

A Debut story filled with excitement and goosebumps 🤗

Presenting 𝙏𝙧𝙞𝙣𝙞𝙙𝙖𝙙 𝙏𝙖𝙡𝙚𝙨 with fifer star Mohd. Siraj & #TeamIndia Debutant Mukesh Kumar 👌👌 – By @ameyatilak

𝗗𝗢 𝗡𝗢𝗧 𝗠𝗜𝗦𝗦 the Full Interview 🎥🔽 #WIvIND | @mdsirajofficial… pic.twitter.com/SQKq9SiSnm

— BCCI (@BCCI) July 24, 2023