ICC T-20: టీమిండియా పరువు కాపాడిన ఇషాన్ కిషన్! కాస్తలో పరువు పోయేది!

రోహిత్ శర్మ, విరాట్ కోహ్లి, కేఎల్ రాహుల్ వంటి ప్లేయర్లు తరువాత టీమిండియాకు మరో కీ ప్లేయర్ ఇషాన్ కిషన్. ఓపెనింగ్ లో మంచి ఆరంభాలు అందిస్తూ టీమిండియాకు ప్రధాన ఆటగాడిగా మారాడు. ఇటీవల సౌతాఫ్రికాతో జరుగుతున్న టీ-20 సిరీస్ లో అత్యధిక పరుగులు చేసిన ప్లేయర్ గా మారాడు. తాజాగా మరోఘనత సాధించాడు ఈ టీమిండియా పాకెట్ డైనమెట్ ఇషాన్ కిషన్. తాజాగా ఐసీసీ ప్రకటించిన టీ-20 ర్యాంకింగ్స్ టీమిండియా తరపున అత్యుత్తమ ప్లేయర్ గా కిషన్ నిలిచాడు.  అంతర్జాతీయ క్రికెట్ కౌన్సిల్(ICC) ప్రకటించిన T-20 ర్యాంకింగ్స్ లో ఒకటి, కాదు పది కాదు ఏకంగా 68 స్థానాలు మెరుగు పర్చుకుని ఇషాన్ కిషన్ 7వ ర్యాంక్ ను దక్కించుకున్నాడు.

ఈ ఐసీసీ టీ-20 ర్యాంకింగ్స్ లో టాప్-10లో చోటు దక్కించుకున్న ఏకైక ఇండియన్ బ్యాటర్ గా ఇషాన్ కిషన్ నిలిచాడు. దీంతో ప్రముఖ క్రికెట్రల నుంచి ప్రశంసలు అందుకున్నాడు. ఇషాన్ కిషన్ గతేడాదే అంతర్జాతీయ క్రికెట్ లో అరంగేట్రం చేశాడు. ప్రస్తుత సౌతాఫ్రికా సిరీస్ లో కీ ప్లేయార్ మారి.. అద్భుతంగా రాణిస్తున్నాడు. ఇక మిగిలిన టీమిండియా ప్లేయర్ల విషయానికి వస్తే.. గాయం కారణంగా సిరీస్ తప్పుకున్న కేఎల్ రాహుల్ 14వ స్థానంలో కొనసాగుతున్నాడు. కెప్టెన్ రోహిత్ శర్మ, మిడిలార్డర్ బ్యాటర్ శ్రేయాస్ అయ్యర్ కూడా ఒక్కో ర్యాంక్ దిగజారి వరుసగా 16వ, 17వ స్థానాల్లో నిలిచారు.

మాజీ కెప్టెన్ విరాట్ కోహ్లీ రెండు స్థానాలు దిగజారి 21వ ర్యాంక్‌కు పడిపోయాడు. ఇక ఐసీసీ ప్రకటించిన టీ-20 ర్యాంకింగ్స్ లో మొదటి రెండు ర్యాంకులు పాక్ ఆటగాళ్లే దక్కించుకున్నారు. ఐసీసీ టీ-20 ర్యాంకింగ్స్‌లో పాకిస్తాన్ కెప్టెన్ బాబర్ అజాం.. మొదటి స్థానాన్ని దక్కించుకున్నాడు. మొహమ్మద్ రిజ్వాన్‌ 2వ స్థానం సాధించాడు. ఇక బౌలింగ్ క్యాటగిరి వస్తే.. టీమిండియా నుంచి ఒక్క ఒక్క బౌలర్ టాప్-10 లో చోటు దక్కించుకోలేదు. సౌతాఫ్రికాలో టీ-20 సిరీస్ లో బౌలింగ్ లో అద్భుతంగా రాణిస్తున్న భువనేశ్వర్ కుమార్ ఏడు స్థానాలు ఎగబాకి 11వ స్థానంలో నిలిచారు. చాహల్ 26వ స్థానంలో నిలిచాడు.

బౌలింగ్ లో ఆస్ట్రేలియా పేసర్ జోష్ హాజల్ వుడ్, ఇంగ్లాండ్ కు చెందిన ఆదిల్ రషీద్, దక్షిణాఫ్రికా బౌలర్‌ తబ్రెయిజ్‌ షంసీలు వరుసగా మొదటి మూడు స్థానాల్లో ఉన్నారు. ఈ సారి ఇండియా నుంచి ఇషాన్ కిషన్ ఒక్కటే అదిరిపోయే బ్యాటింగ్ తో టాప్-10లో చోటు సంపాదించాడు.ప్రస్తుతం సౌతాఫ్రికా సిరీస్ లో ఆడిన మూడు మ్యాచుల్లో ఇషాన్ 164 పరుగులు చేసి టాప్ స్కోరర్ గా ఉన్నాడు. మరి.. ఐసీసీ ప్రకటంచిన ర్యాంకింగ్స్ లో ఏకంగా 68స్థానాలు ఎగబాకి టాప్‌10లో చోటు దక్కించుకున్న ఇషాన్ కిషన్ పై మీ అభిప్రాయాలను కామెంట్స్ రూపంలో తెలియజేయండి.

Josh Hazlewood claims No.1 spot🔝
Ishan Kishan gallops into top 10 🔥
Glenn Maxwell, Wanindu Hasaranga gain 🔼

Plenty of 📈📉 in the @MRFWorldwide ICC Men’s T20I Player Rankings 👉 https://t.co/ebcusn3vBT pic.twitter.com/dyQVqkmRPG

— ICC (@ICC) June 15, 2022