బ్లాక్‌లో భారత్‌-పాకిస్థాన్‌ మ్యాచ్‌ టిక్కెట్లు! ధర తెలిస్తే నోరెళ్లబెట్టాల్సిందే..

ఆసియా కప్‌లో భాగంగా ఈ నెల 28న ఇండియా-పాకిస్థాన్‌ మ్యాచ్‌ జరగనున్న విషయం తెలిసిందే. ఈ మ్యాచ్‌కు సంబంధించిన టిక్కెట్లు ఈ నెల 15న స్వాతంత్ర్య దినోత్సవం సందర్భంగా ఆన్‌లైన్‌లో అమ్మకానికి పెట్టారు. పెట్టిన కొద్ది నిమిషాలకే క్రికెట్‌ అభిమానులు లాగిన్లతో ఎగబడటంతో టిక్కెట్లు అమ్మే సైట్‌ క్రాష్‌ అయింది. దీంతో టోకెన్‌ సిస్టమ్‌ పెట్టి టిక్కెట్ల అమ్మకాలు చేపట్టారు. దాదాపు 7.5 లక్షల మంది టిక్కెట్ల కోసం రిజిస్టర్‌ చేసుకున్నారు.

రాత్రి అమ్మకాలు మొదలుపెట్టిన ఆరు నిమిషాల్లోనే టిక్కెట్లన్నీ హాట్‌ కేకుల్లా అమ్ముడైపోయాయి. దీంతో చాలా మంది క్రికెట్‌ అభిమానులు టిక్కెట్లు దొరక్క నిరాశకు గురయ్యారు. కానీ.. కొంతమంది అక్రమార్కులు భారత్‌-పాకిస్థాన్‌ మ్యాచ్‌కు ఉన్న డిమాండ్‌ను సొమ్ము చేసుకునేందుకు బ్లాక్‌ టిక్కెట్ల దందాకు తెరలేపారు. ఆన్‌లైన్‌లోనే బ్లాక్‌లో టిక్కెట్ల అమ్మకం జరుపుతూ క్రికెట్‌ అభిమానుల నుంచి లక్షల్లో దండుకుంటున్నారు.

ఒక్కో టికెట్‌ను నాలుగు రెట్లు పెంచి అమ్ముతున్నారు. సుమారు ఒక్కో టికెట్ రూ.15 వేలకు అమ్ముతున్నట్లు సోషల్ మీడియా వేదికగా ప్రచారం జరుగుతోంది. ఇంత భారీ ధర చెల్లించి కొంతమంది టిక్కెట్లు కొనుగోలు చేస్తుంటుండంతో బ్లాక్‌లో సైతం టిక్కెట్లు దొరకడం కష్టంగా మారింది. ఒక్కో టికెట్‌కు రూ.30 వేలు చెల్లించేందుకు సిద్దంగా ఉన్నామంటూ మరికొంత మంది క్రికెట్‌ ఫ్యాన్స్‌ సోషల్‌మీడియాలో పేర్కొంటున్నారు. మరి ఈ విషయంలో మీ అభిప్రాయాలను కామెంట్ల రూపంలో తెలియజేయండి.

India Vs Pakistan Asia Cup 2022 match tickets are getting sold in black for more than 15,000rs.

— Mufaddal Vohra (@mufaddal_vohra) August 16, 2022

ఇది కూడా చదవండి: కుటుంబాన్ని పోషించుకోవాలి.. నాకో ఉద్యోగం కావాలి.. పేదరికంలో సచిన్ బాల్య స్నేహితుడు!