follow us:
పురుషులు ఆడేదే అసలైన క్రికెట్ అనే అభిప్రాయం చాలా మందిలో ఉంటుంది. అందుకే మెన్స్‌ క్రికెట్‌కు ఉన్న ఆదరణ.. విమెన్స్‌ క్రికెట్‌కు లేదు. భారీ షాట్లు, స్టన్నింగ్‌ బౌలింగ్‌, ఉత్కంఠభరిత మ్యాచ్‌లు పురుషుల క్రికెట్‌లో మాత్రమే చూడొచ్చు అనే వారికి షాకిస్తున్నారు మహిళా క్రికెటర్లు. న్యూజిలాండ్‌ వేదికగా జరుగుతున్న ఐసీసీ విమెన్స్‌ వరల్డ్‌ కప్‌లో సూపర్‌ థ్రిల్లింగ్‌ మ్యాచ్‌లు జరుగుతున్నాయి. భారీ సెంచరీలు నమోదు అవుతున్నాయి.
తాజాగా ఇంగ్లండ్‌ బౌలర్‌ అన్య ష్రూబ్సోల్‌ వేసిన ఇన్‌స్వింగర్‌ ప్రస్తుతం ఆల్‌ టైమ్‌ గ్రేట్‌ బాల్‌గా ప్రశంసలు అందుకుంటుంది. వరల్డ్‌ కప్‌లో భాగంగా ఆదివారం సౌతాఫ్రికా, ఇంగ్లండ్‌ జట్ల మధ్య జరిగిన మ్యాచ్‌లో ఇంగ్లండ్‌ జట్టు మొదట బ్యాటింగ్‌ చేసి నిర్ణీత 50 ఓవర్లలో 9 వికెట్లు కోల్పోయి 235 పరుగుల చేసింది. లక్ష్యఛేదనకు దిగిన సౌతాఫ్రికా జట్టును ఇంగ్లండ్‌ పేసర్‌ అన్య ష్రూబ్సోల్‌ ఆదిలోనే గట్టి దెబ్బ కొట్టింది. ఇన్నింగ్స్‌ 6వ ఓవర్‌ నాలుగో బంతికి ప్రోటీస్‌ బ్యాటర్‌ లీని సూపర్‌ బాల్‌తో క్లీన్‌ బౌల్డ్‌ చేసింది. ఎక్కడో వైడ్‌ లైన్‌పై పడిన బంతి అద్భుతంగా స్వింగ్‌ అవుతూ.. వికెట్లను గిరాటేసింది. ఆఫ్‌సైడ్‌ దూరంగా వెళ్తున్న బంతి ఇన్‌స్వింగ్‌ అయి వికెట్లకు తగలడంతో బ్యాటర్‌ షాక్‌ అవుతూ పెవిలియన్‌ బాట పట్టింది.
కాగా ఆ బాల్‌ను మాజీ క్రికెట్ ఆల్‌ టైమ్‌ గ్రేట్‌ బాల్‌గా కీర్తిస్తున్నారు. ప్రస్తుతం ఆ సూపర్‌ బాల్ వీడియో సోషల్‌ మీడియాలో వైరల్ అవుతుంది. కాగా ఈ మ్యాచ్‌లో ఇంగ్లండ్‌ ఓడిపోయింది. ఇంకో నాలుగు బంతులు మిగిలి ఉండగానే సౌతాఫ్రికా 7 వికెట్లు కోల్పోయి మ్యాచ్‌ గెలిచింది. కానీ మ్యాచ్‌ ఓడినా.. తన సూపర్‌ ఇన్‌స్వింగ్‌ బాల్‌తో ష్రూబ్సోల్‌ పాపులర్‌ అవుతోంది. మరి విమెన్స్‌ క్రికెట్‌లోనే ఈ ఆల్‌ టైమ్‌ గ్రేట్‌ బాల్‌పై మీ అభిప్రాయాలను కామెంట్ల రూపంలో తెలియజేయండి.
ఇదీ చదవండి: వీడియో: సూపర్‌ బాల్‌తో శ్రీలంక కెప్టెన్‌ మతిపొగొట్టిన షమీ
మరిన్ని లేటెస్ట్ అప్డేట్స్ కోసం SumanTV App డౌన్లోడ్ చేసుకోండి.
