follow us:
అభిమానులు ఎంతగానో ఎదురు చూస్తున్న వరల్డ్ కప్ కి మరో మూడు నెలల సమయం ఉంది. అయితే తాజాగా ఐసీసీ వరల్డ్ కప్ ప్రోమోని రిలీజ్ చేసి అభిమానులని ఖుషి చేసింది.
క్రికెట్ అభిమానులు ఎంతగానో ఎదురు చూస్తున్న వరల్డ్ కప్ కి మరి కొన్ని నెలల సమయం ఉంది. భారత్ వేదికగా అక్టోబర్ లో ఈ టోర్నీ జరగనుంది. తొలిసారి టీమిండియా పూర్తిస్థాయిలో వరల్డ్ కప్ ని నిర్వహించడం విశేషం. గతంలో ఇండియాలో వరల్డ్ కప్ మ్యాచులు జరిగినా అప్పుడు పాకిస్థాన్, శ్రీలంక, బంగ్లాదేశ్ తో కలిసి సంయుక్తంగా ఆతిధ్యమిచ్చింది. సొంత గడ్డపై వరల్డ్ కప్ జరగనుండడంతో అభిమానుల అంచనాలు తారాస్థాయిలో ఉన్నాయి. పైగా చివరి మూడు వరల్డ్ కప్ లు చూసుకుంటే ఆతిధ్య జట్లే గెలవడం విశేషం. అక్టోబర్ 5 నుంచి ప్రారంభం కానున్న ఈ మెగా టోర్నీ నవంబర్ 19 న ముగుస్తుంది. అయితే తాజాగా ఐసీసీ వరల్డ్ కప్ ప్రోమోని రిలీజ్ చేసి అభిమానులని ఖుషి చేసింది.
వన్డే వరల్డ్ కప్ 2023 ప్రోమోతో ప్రస్తుతం సోషల్ మీడియా షేక్ అవుతుంది. ఐసీసీ రిలీజ్ చేసిన ఈ ప్రోమోలో బాలీవుడ్ బాద్ షా షారుఖ్ ఖాన్ తళుక్కున మెరిశాడు. 2019 వరల్డ్ కప్ లో ధోనీ ఏడుస్తూ ఎమోషనలైన సందర్భం, 2015 వరల్డ్ కప్ సౌత్ ఆఫ్రికా ఓడిపోయినప్పుడు డివిలియర్స్ పడిన ఆవేదన, న్యూజీలాండ్ పై ఒంటరి పోరాటం చేసిన జట్టుని గెలిపించలేకపోయిన బ్రాత్ వైట్ బాధ ఈ ప్రోమోలో మొదట చూపించగా.. ఆ తర్వాత అన్ని జట్లు వరల్డ్ కప్ టోర్నీ అందుకున్న హ్యాపీ మొమెంట్స్ చూపించి ఈ ప్రోమోని ఎండ్ చేశారు. అయితే చివర్లో షారుక్ ఖాన్ కనిపించగా.. అంతకంటే టీమిండియా యువ ఆటగాడు శుభమన్ గిల్ కనపడి అభిమానులని సర్ ప్రైజ్ చేసాడు. అన్ని ఎమోషన్స్ కలగలిసిన ఈ టోర్నీ ఇప్పుడు నెటిజన్స్ కి తెగ నచ్చేస్తుంది. విడుదలైన కొద్ది సేపటికే ఈ ప్రోమో వీడియో సోషల్ మీడియాలో వైరల్ గా మారింది. ఇక క్రికెట్ లవర్స్ అయితే వీడియో చూసి సెలబ్రేట్ చేసుకుంటున్నారు. మరి ఈ ప్రోమో ఎలా ఉందో మీ అభిప్రాయాలను కామెంట్ల రూపంలో తెలపండి.
History will be written and dreams will be realised at the ICC Men’s Cricket World Cup 2023 🏆
All it takes is just one day ✨ pic.twitter.com/G5J0Fyzw0Z
— ICC (@ICC) July 20, 2023
