పాక్‌-ఇంగ్లండ్‌ మ్యాచ్‌పై ఫిక్సింగ్‌ ఆరోపణలు! అంపైర్‌ నిర్ణయంపై వివాదం

పాకిస్థాన్‌తో జరుగుతున్న టెస్టు సిరీస్‌ను ఇంగ్లండ్‌ ఒక మ్యాచ్‌ మిగిలి ఉండగానే 2-0తో కైవసం చేసుకుంది. రావాల్పిండి వేదికగా జరిగిన హైస్కోరింగ్‌ తొలి టెస్టులో రిస్క్‌ తీసుకుని మరీ గెలిచిన ఇంగ్లండ్‌.. ముల్తాన్‌ వేదికగా జరిగిన రెండో టెస్టులో 26 పరుగుల స్వల్ప తేడాతో విజయం సాధించింది. ఈ టెస్టులో పాకిస్థాన్‌ డెబ్యూ బౌలర్‌ అబ్రార్‌ అహ్మెద్‌తో పాటు మరో స్పిన్నర్‌ జాహిద్‌ మహమూద్‌ రాణించి.. ఇంగ్లండ్‌ను రెండు ఇన్నింగ్స్‌ల్లోనూ తక్కువ పరుగులకే కట్టడి చేసినా.. బ్యాటర్ల వైఫల్యంతో పాకిస్థాన్‌ గెలవాల్సిన మ్యాచ్‌లో ఓటమి పాలైంది. నాలుగో రోజే ఫలితం తేలిన ఈ మ్యాచ్‌లో పాక్‌ విజయం దిశగా ప్రయాణించి.. ఆఖర్లో ఇంగ్లండ్‌ బౌలర్లు చెలరేగడంతో పాక్‌ ఓటమి చవిచూసింది. టెస్టు క్రికెట్‌ మజాను పంచుతూ.. ఉత్కంఠ విజయం సాధించిన ఇంగ్లండ్‌ దాదాపు 22 ఏళ్ల తర్వాత పాక్‌లో టెస్టు సిరీస్‌ గెలిచి చరిత్ర సృష్టించింది.

అయితే.. ఈ మ్యాచ్‌లో ఒక క్యాచ్‌ మాత్రం వివాదాస్పదంగా మారింది. 354 పరుగుల లక్ష్యంతో రెండో ఇన్నింగ్స్‌ ఆరంభించిన పాక్‌.. మూడో రోజును పటిష్టస్థితిలోను ముగించింది. నాలుగో రోజు నవాజ్‌ త్వరగానే అవుటైనా.. మరో ఎండ్‌లో సౌద్‌ షకీల్‌ హాఫ్‌ సెంచరీతో బాగా ఆడుతూ.. పాక్‌ను విజయం దిశగా నడిపించాడు. కానీ.. 94 పరుగుల వద్ద మార్క్‌ వుడ్‌ వేసిన లెగ్‌సైడ్‌ను ఆడే క్రమంలో కీపర్‌కు క్యాచ్‌ ఇచ్చాడు. అయితే దాన్ని క్లీన్‌గా అందుకోవడంతో ఇంగ్లండ్‌ కీపర్‌ ఓల్లీ పోప్‌ విఫలం అయ్యాడు. దీంతో రెండు, మూడు సార్లు పరిశీలించిన థర్డ్‌ అంపైర్‌ దాన్ని అవుట్‌గానే ప్రకటించాడు. దీంతో 94 పరుగుల వద్ద షకీల్‌ 7వ వికెట్‌గా వెనుదిరిగాడు. అప్పటికే పాక్‌కు కేవలం 63 పరుగులు మాత్రమే అవసరం విజయానికి.

వివాదాస్పద నిర్ణయంతో షకీల్‌ అవుటైన తర్వాత.. మిగిలిన 3 వికెట్లను త్వరగానే పడగొట్టిన ఇంగ్లండ్‌ బౌలర్లు.. 26 పరుగుల తేడాతో తమ టీమ్‌ను గెలిపించారు. అయితే.. షకీల్‌ క్రీజ్‌లో ఉండి ఉంటే పాక్‌ కచ్చితంగా గెలిచి ఉండేదని క్రికెట్‌ ఫ్యాన్స్‌ అభిప్రాయపడుతున్నారు. కాగా.. పాకిస్థాన్‌ అభిమానులు మాత్రం షకీల్‌ నాటౌట్‌ అయిన.. అంపైర్‌ తప్పుడు నిర్ణయంతోనే షకీల్‌ అవుట్‌ అయ్యాడని, అంపైర్‌, ఇంగ్లండ్‌ మధ్య ఫిక్సింగ్‌ జరిగిదంటూ సోషల్‌ మీడియా వేదికగా ఆరోపిస్తున్నారు. అయితే.. షకీల్‌ అవుట్‌ నిర్ణయం నిజంగానే చాలా కఠినంగా ఉందని.. దాన్ని మరింత స్మూక్షంగా గమనించి ఉండాల్సిందని భారత క్రికెట్‌ అభిమానులు సైతం భావిస్తున్నారు. మరి కింద ఉన్న వీడియోలు చూసి.. షకీల్‌ అవుటా? కాదా? అనేది మీరు కామెంట్‌రూపంలో తెలియజేయండి.

The ball that ended Saud Shakeel’s fantastic innings. #PAKvENG | #UKSePK pic.twitter.com/kssvis9RdH

— Pakistan Cricket (@TheRealPCB) December 12, 2022

Am I blind or the Aleem Dar?
Saud Shakeel was clear NOT OUT!#PAKvENG #pakvseng2022 #AleemDar #Notout pic.twitter.com/kIMBDNHucN

— HS  (@hs_tweetx) December 12, 2022