సెలబ్రెటీ క్రికెట్‌ లీగ్‌ 2023 షెడ్యూల్‌ ఖరారు! 8 జట్ల కెప్టెన్లు వీళ్లే

ఇండియాలో రెండు రంగాలకు బాగా క్రేజ్‌ ఉంటుంది. అంది సినిమా, రెండు క్రీడా రంగం. క్రీడా రంగంలోనూ ముఖ్యంగా క్రికెట్‌ అంటే భారతీయులు పడిచచ్చిపోతారే భావన ప్రపంచ వ్యాప్తంగా ఉంది. అంది వాస్తవమే.. క్రికెట్‌ను మన దేశంలో ఒక మతంలా భావిస్తారు. ఇక సినిమా అన్నా.. సినిమా హీరోల్లన్న యువతలో విపరీతమైన క్రేజ్‌. ఇండియన్‌ను ఎలాంటి పరిస్థితుల్లోనైనా ఈ రెండు ఊపేస్తాయి. ఓ సారి క్రికెట్‌ ఫీవర్‌తో ఊగిపోయే ఇండియా.. మరోసారి మంచి సినిమా వచ్చినప్పుడు ఆ ట్రాన్స్‌లోకి వెళ్లిపోతుంది. అందుకే ఇండియాలో సినిమా, క్రికెట్‌కు భారీ డిమాండ్‌ ఉంటుంది. అయితే.. ఈ రెండు ఇండస్ట్రీల మధ్య బంధం కూడా బలమైనదే. ఆ బంధాన్ని మరింత బలపర్చేందుకు దేశవ్యాప్తంగా ఉన్న వివిధ సినిమా ఇండస్ట్రీలంతా కలిసి.. సెలబ్రెటీ క్రికెట్‌ లీగ్‌ను ఆడుతున్నాయి.

సీసీఎల్‌గా పిలువబడే ఈ సినీ తారల క్రికెట్‌ లీగ్‌ 2023 సీజన్‌ కోసం ఇప్పటికే షెడ్యూల్‌ ఖరారు చేశారు. మొత్తం 8 సినిమా ఇండస్ట్రీల నుంచి 8 జట్లు ఈ లీగ్‌లో పాల్గొననున్నాయి. ముంబై హీరోస్‌, బెంగాల్‌ టైగర్స్‌, భోజ్‌పురి దబాంగ్స్‌, పంజాబ్‌ దే షేర్‌, చెన్నై రైనోస్‌, కర్నాటక బుల్డోజర్స్‌, కేరళా స్ట్రైకర్స్‌తో పాటు మన టాలీవుడ్‌ నుంచి తెలుగు వారియర్స్‌ ఉంది. ఈ ఎనిమిది జట్లు తమ కెప్టెన్లను ప్రకటించాయి. తెలుగు వారియర్స్‌కు అఖిల్‌ అక్కినేని కెప్టెన్‌గా వ్యవహరించనున్నాడు. అఖిల్‌ ఆస్ట్రేలియాలో క్రికెట్‌ ట్రైనింగ్‌ తీసుకున్న విషయం తెలిసిందే. గతంలో జరిగిన సినిమా తారల క్రికెట్‌ లీగ్స్‌లో అఖిల్‌ మంచి ప్రదర్శన కనబర్చాడు.

ఇక ముంబైకి జెనీలియా భర్త రితేష్‌ దేశ్‌ముఖ్‌, కర్నాటకకు కిచ్చా సుదీప్‌, చెన్నై టీమ్‌కు ఆర్య, బెంగాల్‌కు జిస్సు, కేరళకు బోబన్‌, పంజాబ్‌కు సోనూ సూద్‌, భోజ్‌పురికి మనోజ్‌ తివారీ కెప్టెన్లుగా వ్యవహరించనున్నారు. ఈ సీసీఎల్‌ మ్యాచ్‌లు ఈ నెల 18 నుంచి మార్చ్‌ 19 వరకు సాగనున్నాయి. ఇందులో తెలుగు వారియర్స్‌ మ్యాచ్‌లు ఇలా ఉన్నాయి. 18న కేరళ స్ట్రైకర్స్‌తో, 25న చెన్నై రెయినోస్‌తో, మార్చి 4న బెంగాల్‌ టైగర్స్‌తో, 12న పంజాబ్‌తో ఆడనుంది. మార్చి 18న రెండు సెమీ ఫైనల్స్‌, 19న మన హైదరాబాద్‌లోనే ఫైనల్‌ మ్యాచ్‌ జరగనుంది. మరి ఈ లీగ్‌లో తెలుగు వారియర్స్‌ కెప్టెన్‌గా అఖిల్‌ను నియమించడంపై మీ అభిప్రాయాలను కామెంట్లరూపంలో తెలియజేయండి.

The Biggest Sportainment Property Celebrity Cricket League (CCL) that brings together actors from 8 Film Industries on to cricket field is back.

Parle Biscuits picks the Title Sponsor Rights of the Reloaded #CCL2023 which will start from 18th February 2023. #HappyHappyCCL pic.twitter.com/MzIdBVMy8H

— CCL (@ccl) January 28, 2023